مناقشة الأحوال الجوية الحاليه والمتوقعه في نهاية شهر كانون الثاني / وشهر شباط

اقتباس: المشاركة الأصلية كتبت بواسطة fadisanouri  تراجع للاوروبي الصباحي للحالة القادمة وايضا كما تكلمت امس تراجع للفترة البعيدة و تقلب واضح للنموذج ,شباب لا تلوموا النماذج الحالات المؤثرة علينا هذا العام ضعيفة اجمالا و غير كلاسيكية , بالنسبة للانسامبل الاوروبي الشهري بقلكم صيفت و انتهى الشتاء للشرق الاوسط فعلا النينو بالاخر كذبة كبيرة بتتذكر نقاشاتنا دكتور فادي باول الموسم عن النينو ؟؟ وحكينا هالموسم الحالي مهم جدا لدراسة النينو لمرة اخيرة ؟ خصوصا انها قوية جدا و الحمد لله بين التناقض كمان مرة وبين انو ولا نينو ولا ما يحزنون ...

النماذج الصباحيه كل نموذج في واد مختلفين في كل شىء بالهطول والمركز والمده والتعمق وحركة المرتفع وحتى الرياح امامنا 6ايام والتغيرات ستكون 180درجه ماحدا يحلل نموذج اليوم نصيحه بالونات الطقس مخزوقه شكلها والله اعلم

مال الشباب ساكتين بتعرفوا شغله ؟؟؟ ليش هيك إحنا مدايقين ؟؟؟ إحنا لانه بالفترة الاخيرة تعرضنا لعواصف ثلجية ومطرية اليكسا - هدى - جنى - بشرى - مسرة ((( سقف طموحاتنا كبر وصارت أحلامنا ورديه ))) ولا حتى اللحظة ؟؟ في مناطق كتيييير حققت الموسم " بدون ثلوج " ...... إتوكلوا ع الله الموسم الثلجي مستمر لاخر آذار ... والمطري لآخر شهر نيسان أو أزود بقليل # والله أعلم #

اي طموح يارجل واي سقف يارجل لاول مرة من سنوات مرتفعات عمان العاليه ما بتراكم فيها ثلوج اوعى تقلي حالة بداية العام او. الي بعدها اعالي مرتفعات عمان استقبلت اقل من ١٠ سم على كل حال بالنسبة لعشاق الثلج الموضوع انتهى والعلم عند الله والكندي انداري عنه المفروض اتعرضنا ل اربع عواصف ثلجية بس .......

اقتباس: المشاركة الأصلية كتبت بواسطة Harry Potter  مال الشباب ساكتين بتعرفوا شغله ؟؟؟ ليش هيك إحنا مدايقين ؟؟؟ إحنا لانه بالفترة الاخيرة تعرضنا لعواصف ثلجية ومطرية اليكسا - هدى - جنى - بشرى - مسرة ((( سقف طموحاتنا كبر وصارت أحلامنا ورديه ))) ولا حتى اللحظة ؟؟ في مناطق كتيييير حققت الموسم " بدون ثلوج " ...... إتوكلوا ع الله الموسم الثلجي مستمر لاخر آذار ... والمطري لآخر شهر نيسان أو أزود بقليل # والله أعلم # نعم اخ هشام و حتى نكون اكثر دقة فالموسم المطري يبقى حتى العاشر من ايار

اقتباس: المشاركة الأصلية كتبت بواسطة pioneer1987  اي طموح يارجل واي سقف يارجل لاول مرة من سنوات مرتفعات عمان العاليه ما بتراكم فيها ثلوج اوعى تقلي حالة بداية العام او. الي بعدها اعالي مرتفعات عمان استقبلت اقل من ١٠ سم على كل حال بالنسبة لعشاق الثلج الموضوع انتهى والعلم عند الله والكندي انداري عنه المفروض اتعرضنا ل اربع عواصف ثلجية بس ....... بالعكس اخي هناك سنوات كتيرة لم تشهد فيها المملكة اي تساقط للثلوج تابع الارشيف جيدا . لنقل الحمد لله على كل شيء الموسم حتى الان جيد بنظري لمعظم مناطق المملكة .

صباح الخيرات للجميع هو احنا لو ننسى موضوع الثلوج رح نرتاح و نفكر بس انو ربنايرزقنا بمنخفضات مطرية تحسن الموسم المطري من ناحية كميات الامطار في السدود و الغطاء الاخضر احنا ما ضيعنا السنة هاي غير الثلج بصراحة موسم غير مشجع من ناحية الامطار و المنخفضات الكلاسكية

اقتباس: المشاركة الأصلية كتبت بواسطة loai kilan  بالعكس اخي هناك سنوات كتيرة لم تشهد فيها المملكة اي تساقط للثلوج تابع الارشيف جيدا . لنقل الحمد لله على كل شيء الموسم حتى الان جيد بنظري لمعظم مناطق المملكة . صديقي انا ما حكيت الموسم سيء بالعكس وبخصوص الثلوج كل سنه عمان بتراكم فيها الثلوج تقريبا كل الاحترام

السلام عليكم اجواء صافيه دافئه معتدله مع درجات حراره تلامس ال20 الان ورياح شرقيه خفيفة السرعه فوران الغطاء الاخضر نتيجة الايام المشمسه الدافئه نسبيا والحمد لله عبدون – 11:59 ظهرا

اولا الطقس بقرب مستشفى الامير حمزه رائع جدا وقول هشام صحيح 100/100 فلا الشتاء خلص ولا ما كتبه الله لما انتم ادرى منه فيه فلا تعلمون ما كتب الله لنا اكان خيرا او غيره وكم اكره فئة المشتائمين خاصة عندما يكتبوا صيفت روحت هو انتوا علامين بالغيوب ولا استغفر الله العظيم اعطالكم الله خبر من عنده او مفتاح السماء والمطر والثلج نعم يبقى الثلج لنهية اذار فرصته ونحن الان بمنتصف اشهر الشتاء منتصف شباط وينتهي الشتاء رسميا ب 21/3 ويبقى الربيع بحالته الجميلة فلا احد منكم يعرف ما كتبه الله لنا فرجاء ما حدا يكتب صيفت وانهت وروحت الا اذا عنده من خبر السماء شيء وعفكرة قول غير ذلك من الكفر وادعاء معرفة الغيب