مناقشة الأحوال الجوية الحاليه والمتوقعه من 11 يناير وحتى 20 يناير لعام 2014

السلام عليكم رجعنا لمسلسل الاوروبي و الامريكي و المناوشات بين الاعضاء ، يا اخوان كل واحد يتابع النموذج اللي يريحه و الشغله مش جكر و اذا انت شايف انه النموذج القلاني مش منطقي لانه مش ماشي على كيفك و زي ما بدك مش معناته انه النموذج فاشل. الواحد لازم يتعلم من اللي بصير في الخرائط و التوقعات مش بس عشان يحكم على النماذج و هي خرائط تصلنا جاهزة و محوسبة لمدة لا تقل عن 6 ساعات و احنا بكل بساطة بنعلق عليها ( فاشل و غير منطقي و متخبط و مش عارف شو . ... ) حسب مقولة القذافي (( من انتم ؟؟؟؟؟؟ )) يعني حالة الجمعة - الاوروبي بتوقع حالة قوية من عدم الاستقرار في اقصى شرق المملكة و عنيفة في العراق من اكثر من تحديث و الامريكي لغاية الان ما بشير الها نهائيا و هي في فترة 96 ساعة فقط . نازلين مقارنة بتوقعات 300 ساعة و 360 ساعة !!!!!!!!!!!!! و هيك حالات الواحد بستفيد منها كخبرة في التحليل لمعرفة اي النماذج يتابع في المستقبل مش بس يشوف كل تحديثات جميع النماذج لانه في هاي الحالة راح يتوه. الاخوة اللي بتابعوا النماذج التي بتعطي خرائط بعيدة مثل CFS لا تغلبوا حالكم بهيك نماذج لانه اذكر في اللي صديق من منتدى شقيق ضل يتابع توقعات هذا النموذج شباط الموسم الماضي حتى دخل المستشفى بسبب كلمة شباط تاريخي و انتظروا شباط القادم . و الكل عارف كيف الطقس اجا في شباط الماضي. يا ريت الاخوة المشرفين يشددوا على مثل هاي النقاشات في المستقبل لانها غير مفيدة و بتعمل مشاكل بين الاعضاء . تحياتي للجميع و بتمنى ما حدا يزعل مني .