مناقشة ومتابعة المنخفض القطبي المتوقع 16-17-18شباط 2021

والله يا عمي الي شفته أنا بين الساعه 8 مساء الاربعاء والساعه 2 الفجر يوم الخميس هطول عاصفة ثلجية ،،،، يمكن التسمية ما تكون عاصفة ، ولكن في فترة من الفترات الحالة عاصفة ثلجية لا راحت ولا أجت ، أساساً بعض مناطق شمال عمان عالخريطة أقرب للشمال من أقليم الوسط فما في داعي الكل يهمز ويلمز بالقصة وكل واحد يغني على ليله ... بعدين الي بحكي بشغله هو دكتور ورئيس قسم العلاج الطبيعي بالجامعه الهاشمية وأقصد دكتور مهند يعني ما اظن الزلمة إله مصلحة ( يعرط ) أو يبهر .... أو مثلا يوقف مع حد عحساب حد .. تحية من القلب للبروف مهند الحوامدة أبو لارين وتحياتي لكل من تعب وسهر وحلل بالهالحلة من أصغر مهول لأكبرهم

أمطار غزيرة ابو علندا

https://m.facebook.com/story.php?sto...00000905421040

اقتباس: المشاركة الأصلية كتبت بواسطة • JOKER •  والله يا عمي الي شفته أنا بين الساعه 8 مساء الاربعاء والساعه 2 الفجر يوم الخميس هطول عاصفة ثلجية ،،،، يمكن التسمية ما تكون عاصفة ، ولكن في فترة من الفترات الحالة عاصفة ثلجية لا راحت ولا أجت ، أساساً بعض مناطق شمال عمان عالخريطة أقرب للشمال من أقليم الوسط فما في داعي الكل يهمز ويلمز بالقصة وكل واحد يغني على ليله ... بعدين الي بحكي بشغله هو دكتور ورئيس قسم العلاج الطبيعي بالجامعه الهاشمية وأقصد دكتور مهند يعني ما اظن الزلمة إله مصلحة ( يعرط ) أو يبهر .... أو مثلا يوقف مع حد عحساب حد .. تحياتي لكل من تعب وسهر وحلل بالهالحلة من أصغر مهول لأكبرهم شكرا هشام والله كان القصد اعطاء معلومه ، وموجوده المعلومه فما فيه داعي لا نعرط ولا شي ، اي واحد يفتح جوجل بلاقيها معلش انا مبسوط على النقاش العلمي اللي يفيدنا جميعا ورح نضل نطلب العلم طول العمر

اقتباس: المشاركة الأصلية كتبت بواسطة MOHANNAD HAWAMDEH  اصلا كان التساقط رياح تعصف بحبات الثلج يا صديقي في مرتفعات عمان ، بدي اعطيك شي انه فيه منخفضات قطبيه وثلجيه ما بكون فيها رياح ابدا وبتكون الثلوج تنزل بكثافه وهدوء تمام بهذا الحال فهي عاصفة بمنطقتك ولكن يا صديقي احنا ببلادنا لسنا كندا او بريطانيا نحن نعيش بجبال واذا خط التراكم كان مرتفع والمنخفض ليس ببرودة كافية لاحداث عاصفة على اغلب المرتفعات فبشكل عام لا تسمى بعاصفة اما تعريفات كندا وبريطانيا فهي تخصهم هم ومش احن لان عواصفهم تؤدي لثلوج شاملة بغض النظر عن الارتفاع، وبخصوص ال blizzards فانا استبعد حصولها هنا فهذه العواصف تحدث بكندا وروسيا وتكون برياح قوية مستمرة ولها صوت من قوتها

وبناء على ما سبق , من المتوقع يوم الجمعة ان يحدث اضطراب جوي ناتج عن تيارات غربية رطبة بحيث تتساقط الامطار على مختلف مناطق الأردن وفلسطين وسوريا ولبنان واجزاء من شمال ووسط وغرب وسط العراق وشمال مصر والتي ستكون على شكل ثلوج فوق المرتفعات الجبلية العالية والشاهقة في الاردن وفلسطين وسوريا ولبنان وشمال العراق. منتصف هذا الاسبوع وتحديداً مساء يوم الاثنين , من المتوقع ان تتشكل حالة عدم استقرار قطبية ناتجة عن اقتراب كتلة هوائية باردة نسبياً في طبقات الجو العليا , لتتداخل مع تأثير سطحي لرياح قطبية من اصل قطبي سيبيري مساء يوم الثلاثاء ويوم الاربعاء , وبالتالي من المتوقع ان تتجدد فرصة تساقط الثلوج على جبال الأردن وفلسطين وسوريا ولبنان في حين تتأثر مختلف مناطق العراق واجزاء من شمال ووسط السعودية واجزاء من مصر بأمطار غزيرة على فترات , سنقوم باعداد تقرير مخصص لهذه الحالة عند اقتراب الفترة . هذا وتشير التوقعات ايضاً الى احتمالية تشكل نزول قطبي بارد نهاية الاسبوع القادم ومازال تحت المراقبة من فريق المركز العربي للمناخ . والله تعالى اعلى وأعلم المهندس احمد العربيد سوف أرفع القبعة من الآن لهذا التقرير للمبدع المهندس أحمد العربيد..

الامطار حاضره هنا في مناطق جنوب شرق عمان منذ الصباح مع انقطاعات بسيطه غزيره جداً الان ولله الحمد

اقتباس: المشاركة الأصلية كتبت بواسطة المغرم بالثلوج  شباب سواء كانت عاصفة أم لا فقد انتهت وولَّت خلونا نركز على عدم الاستقرار الجاي وإذا ثبتت التوقعات للكرك أنا والدكتور بكر وياسين وميدو وخلدون وينال بنتفق على اسم وبنسميها بدون ما نشاور حدا بسميها شيحه ههههههه اما اذا في ابو حمور بتثلج واحنا لا رح احط اغراضي في السياره وامشي وين ما في خلايا عالمطار أصف تحتيها

اقتباس: المشاركة الأصلية كتبت بواسطة Rain  تمام بهذا الحال فهي عاصفة بمنطقتك ولكن يا صديقي احنا ببلادنا لسنا كندا او بريطانيا نحن نعيش بجبال واذا خط التراكم كان مرتفع والمنخفض ليس ببرودة كافية لاحداث عاصفة على اغلب المرتفعات فبشكل عام لا تسمى بعاصفة اما تعريفات كندا وبريطانيا فهي تخصهم هم ومش احن لان عواصفهم تؤدي لثلوج شاملة بغض النظر عن الارتفاع، وبخصوص ال blizzards فانا استبعد حصولها هنا فهذه العواصف تحدث بكندا وروسيا وتكون برياح قوية مستمرة ولها صوت من قوتها ومنكم نستفيد هيه كانت عنا عاصفه وعندكم لا حسب المنطقه وهذا الشي من اول النقاش حكيناه انه التوقعات كانت 900 فما فوق عاصفه وما حدا جاب سيرة 700 او 600 عاصفه ثلجيه شكرا الكم جميعا وشكرا للنقاش الثري اللي صار بينا جميعا والعذر اذا فهمتوني غلط

اقتباس: المشاركة الأصلية كتبت بواسطة mohannad Hawamdeh  رأيك ورأيي بكون صحيح اذا كنا نتناقش باشي غير مثبت علميا ، يعني ما بصير نتناقش بعلاج السكري لانه موجود ومثبت نجاعته الا اذا جبنا ابحاث واخترعنا اشي جديد . بس شيء مثبت علميا ومعروف شو هوه ، خلص بكون انتهى النقاش فيه الا اذا اجا مجموعه من العلماء واثبتو العكس بتقدر تفتح جوجل وتشوف كل المراجع اللي بتخص العاصفه الثلجيه واذا كان علمي وثقافتي لا يسعفني ما بفتي !صح ولا غلط ، احنا شعب بكل شي يفتي بتكون رايح على دكانه بتلاقيهم بفتوا مين اقوى المطعوم الصيني ولا الامريكي ، يعني دول اشهر ما نامت الليل عشان يجي واحد قاعد على طوبه او برميل قدام دكانه عشان يقيمه، المفروض المشاركات تكون شكرا لكل من حلل وتعب وسهر بالرغم من عدم توفر امكانات ، الهواه اللي هون توقعاتهم تقريبا من 80-90٪ الصيني اقوى دكتور مع انه نسبة حمايته اقل. بخصوص العاصفة... انا اختلف مع من مثلا يطلق مصطلح عاصفة ثلجية على كافة المرتفعات التى تزيد عن 800 او 900 او 1000... الخ و بما انه حضرتك اخذت التعريف من كندا و بريطانيا... فيجب ان تعرف انهم بيطلقلو كلمة عاصفة على كل مدينة او قرية لوحدها بدون تعميم و بيطلقوا تحذيراتهم لكل منطقة لوحدها او بحذرو من العاصفة و بسمولك المناطق المشمولة بالتحذير على مستوى احياء ضمن مدينة و مش المدينة كلها و من اي ساعة لاي ساعة و مستوى التراكم و بصفتلك التحذيرات ليستا تحت بعض.... و نحن ما زلنا منعمم و عندنا اربع خمس تحذيرات دائما هم نفسهم لكل الاردن. هذا الانتقاد بالدرجة الاولى لدائرة الارصاد الجوية لانو مفروض عندهم الامكانية. و بالدرجة الثانية لطقس العرب بما انهم شركة خاصة كان الافضل ان يتميزوا و يكونوا سباقين بهذه الناحية بدلا من الاهتمام بتجميل المظهر الخارجي للنشرات و الالوان و الرسمات و الظهور المكثف على وسائل الاعلام و التواصل الاجتماعي.