::: مناقشة الأحوال الجوية خلال النصف الثاني من كانون أول - ديسمبر / 2011 :::

السلام عليكم جميعا ........ بسم الله افتتحنا ....... جفس لل 144 جيد جدا ونسأل الله العلي القدير الثبات ...... لليو يا إبراهيم أنا ورا سدر الكنافة بإذن الله إنك راح تجيبه هههههه

شكلهم الشباب مشغولين بالأوروبي

مساء الخير للجميع اعيد واكرر احدى مشاركاتي السابقة المتابعة الدائمة للنماذج العددية امر يستهوينا جميعا لكن الكثير منا لايجد حل المعضلة الكبرى والرئيسية في عمليات التحليل وهي الفروقات بين هذه النماذج بل الانقلاب الغريب والمفاجئ في كثير من الاحيان فلا ندري هل نتفائل بتفائل جفس حين يرسم عاصفة ثلجية لبلاد الشام ام نتفائل بحذر حين نرى ان المنخفض عادي على النموذج الاوروبي ام نحبط باحباط البريطاني والعكس صحيح ... والحل بنظري هو استخراج متوسط للحالة الجوية من خلال جمع تحليلات النماذج الرئيسية جفس والاوروبي والبريطاني في تحليل واحد دون افراط او تفريط وبذلك نكون قد تجنبنا التفائل المفرط والاحباط المفرط وتجنبنا ايضا حالات الاغماء والجلطات او حالات توقف القلب بسب الصدمه الناتجة عن انقلاب النماذج المفاجئ وهيك بنكون ريحنا الدفاع المدني منا

1995‏ راجع شحادة خليه يعطيك وصفة لنشاط الشمسي ههههه

السلام عليكم ما شاء الله الشباب فرحانين بتحديثات جفس المسائية على اساس انها الحالة بعد بكرة . المفروض الجميع عارف المقالب اللي اكلناها من ورا هيك تحديثات . حلة نشوف هيك على الخرائط و اللي بحب دايما يشوف هيك خرائط يحفظ الصور عنده لانها راح تتكرر كثير في كل موسم و هذا مش عيب بالنموذج الامريكي . هذه الخرائط هي نتائج لمعالجة معلومات مجمعة من محطات الطقس في العالم ترسمها ( super computers ) وهي معدل الاحتمالات لي 20 احتمال متوقع ( اعضاء الانسامبل ) . الاشي المهم في بداية العام المقبل هو استمرار النشاط و المنخفضات بشكل متتالي بغض النظر عن قوتها و هذا ممتاز للفترة القادمة و يدعم وصول ( منخفض الاحلام على رأي الشباب ) . و اتوقع ان تتحسن النماذج قبل وصولنا لهذا التاريخ . والله اعلم انا من ناحيتي ما راح اكتب الا بالاخضر ( وحداتي ) لو وصلت الحالة لبكرة و ما راح اكتب بالازرق . مش زيك هوريكان .

صراحة تحديثات نارية وخطيرة من جفس وأمطار غزيرة تحملها التحديثات المسائية إبتداء من 31-12-2011 وحتى 10-1-2012 من حالة عدم إستقرار ومنحفضات متوسطة القوة إلى سلسلة من الجبهات الهوائية والباردة وإن شاء الله ختامها أبيض

اقتباس: المشاركة الأصلية كتبت بواسطة shhadah  مين هاد الي بوجعو سنانو و انا موجود. . و الله انو اليوم كنت اكتب مشاركاتي و المرضى بستنو. . واحد بحكي ان شاء الله ما بتوجعني . .حكتلو اه ان شاء الله و كان على طرف لساني الثبات. . للعلم ان مشاركاتي بكتبهوم من galaxy tab مريض ثاني و هو على الكرسي و انا قبالو كتبت تحليل جفس الظهيره. .و الله ابصر شو حكى عني. . مليح ما في من مرضاي من المنتدى. . . بس لمرضى المنتدى احسن مسكن هو الطريق السريع القطب -عمان انظر اليه ثلاث مرات يوميا و بإذن الله سيزيل كل الامكم . . نسأل الله لكم العافيه و لجفس الثبات الثبات الثبات انا .... بس اكيد ما كنت عندك في العياده الحمدلله بعد تحديثات جفس انسيت اشي اسمه وجع وصرت اعظ على اسناني من الفرحه كمان تحياتي

كيف الاوروبي؟

اقتباس: المشاركة الأصلية كتبت بواسطة abo yousef  عندي سؤال .. سألته قبل شهر لكن لم يجبني عليه احد !! س) عدد انواع .... لا بمزح على ماذا تدل تلك الخطوط الرمادية المتقطعة الموجودة في نموذج جفس ؟؟؟ و شكرا السلام عليكم الخطوط هي مقياس لفصل درجات الحرارة في طبقة ( 500 ) ملبيار ، مثلا هناك خط يفصل بين -20 و -21 . و الخط الذي يليه يفصل بين -25 و -26 و هكذا . والله اعلم

اقتباس: المشاركة الأصلية كتبت بواسطة shhadah  مين هاد الي بوجعو سنانو و انا موجود. . و الله انو اليوم كنت اكتب مشاركاتي و المرضى بستنو. . واحد بحكي ان شاء الله ما بتوجعني . .حكتلو اه ان شاء الله و كان على طرف لساني الثبات. . للعلم ان مشاركاتي بكتبهوم من galaxy tab مريض ثاني و هو على الكرسي و انا قبالو كتبت تحليل جفس الظهيره. .و الله ابصر شو حكى عني. . مليح ما في من مرضاي من المنتدى. . . بس لمرضى المنتدى احسن مسكن هو الطريق السريع القطب -عمان انظر اليه ثلاث مرات يوميا و بإذن الله سيزيل كل الامكم . . نسأل الله لكم العافيه و لجفس الثبات الثبات الثبات إلحقني يا دكتور ..... اللي شايفه بجفس عم بوحعلي اسناني ...... بس من كتر البرد اللي راح ييحي والمي الباردة اللي راح تنزل من السماء بإذن الله ..... هههه