::: مناقشة الأحوال الجوية خلال النصف الثاني من كانون أول - ديسمبر / 2011 :::

الغيوم تزحف من البحر thirty second exposure shot

مساء الخير تشهـــد مدينة الرمثا ومنذ فترة تساقـــط حبيبــات المطر ذات الحجم الكبير ولله الحمـــــــــد وأخيرا نالنا نصيب ولو قليل من حالة عدم الاستقرار

اقتباس: المشاركة الأصلية كتبت بواسطة ابو معيط  يعني في شغله حاب احكيها وبدون زعل يعني انا كمحلل نماذج جوية او بعتبر حال بعرف احلل لما اجي اقول اني بدي انزل توقعات واقوم قايل 1 المنخفض ممكن يكون نزول لشرق المتوسط 2 ممكن يكون للوسط 3 ممكن المنخفض يطير لا هون ولاهون هذا اسمو توقع مش تحليل طيب احلفك بايش شو جبت اشي جديد مهو اكيد هيك رح يصير واحد من الثلاثه وين التحليل في الموضوع هاد؟؟؟ وين الاشي العلمي؟؟ وين الاشي الي بميزك كمحلل نماذج جويه اذا بتعتبر نفسك محلل جوي الي بدي اوصلو الكو يا اخوان سيبو التحليل للمتنبئين الجويين وكثرة الطباخيين بتحرق الطبخه هون في المنتدى ما شاء الله لدينا من المحللين والمتنبيئين الجويين المميزين ما يكفي يعني بصراحه مش ناقصين فلاسفه وسامحوني بحكي هيك لانو اشي بقهر يا ريت الجميع يتقبل مروري بس حبيت اوصلكم هاي النقطة . مع اني كنت اليوم عتبان عليك . .بس حكيك ميزان يا ابو كرك. . بس انتا كما شوي خذنا بحلمك. . يعني الفلسفه جزء من العلم. . و اذا ما خالفت القوانين بتسير و جهة نظر . . انا لا افهم الا بقراءة الخرائط و لا احب اذا و لو و 40% و 60%% بس في ناس ممكن بحبوها يعني اذا في احتمال لكل اشي فش داعي نحلل . . يعني اذا النماذج متفقه على سيناريو معين من واين بشكل علمي بقدر انسان يحلل تلك النماذج يعرف نسبة الخطأ. . انا لا اعلم. .لكن فوق كل ذي علم عليم يا ريت نكون كلنا مثل اسامه وتحليل و السيكلوجينيسيس و البلوجينج باتيرن الي من يومين اكتشفناهم بعد ما طلع فيهم (بزاكر من ورانا) مستر معايطه لا يمكن ان يتفق اثنان على كل شيء . .بس مشكله اذا بدنا نجعل من نقاط الخلاف نقطه مفصليه. . و نسير نبداء منها. . تصبح على خير و ان شاء الله ربنا يرزق بلادنا من كل خير

اقتباس: المشاركة الأصلية كتبت بواسطة MESSI-Osama  المشكلة كلها يا اخوان في دخول المرتفع كويس داخل اوروبا ، وهذا لا يتم الا من نضوج عاصفة اطلسية في المكان المناسب والوقت المناسب عشان تساهم في دفع المرتفع لجوا ويصير عندي ويف قوية مباشرة علينا او على الاقل فوق تركيا ، مو اليونان وايطاليا ، وتجيلنا اخريتها ، بعدين يصير في ويف ثانية على ايطاليا وهكذا .... البريطاني ممتاز جدا في تشكيل العاصفة فوق ايسلاندا في وقت مناسب ومبكر حيث عامل عملية سيكولوجينيسيس ممتازة فوق ايسلاندا في وقت مبكر (بين 120 الى 144 ساعة)، اما النماذج الاخرى للاسف فتبقى العملية السيكولوجينسية فوق جنوب غرب جرينلاند في وقت متاخر جدا(بين 144 الى 168 ساعة) ، بعدين تتضخم فوق ايسلاندا بوقت متاخر وهي مفيدة فقط في دفع بقايا العاصفة لالنا وهذا حتى غير مضمون . البريطاني والياباني ممتازين جدا بوقت تشكيل عاصفة ايسلاندا .. ملاحظة الامريكي اقرب للبريطاني من الاوروبي ، تكوين العاصفة صح متاخر شوي عن البريطاني ، لكن مشكلة موقع تطورها .. الاوروبي هو النموذج الوحيد "حتى الان" يضع تطور عاصفة ايسلاندا بوقت متاخر فقط ! الامريكي يطورها بمكان غير مناسب .. لكن بشكل عام البريطاني والياباني شكل عاصفة الاطلسي جاي بوقت ممتاز ومكان مناسب جدا ، وبنظري من هاي الفكرة لازم تنزل العاصفة فوق تركيا بالكثير ،هذا ما اعتقد حصوله في التحديثات القادمة ، يعني حتصير ازاحة نحو الشرق مرة ثانية مبدع يا اسامه. . بس انا مش عارف كيف بدو يكون نقاش علمي و انتا داخل علينا بالحكي الكبير هاد. . "هذا ما لا طاقه لنا به" احنا يا دوب النينا نعرفها. .هههههه يا عمي مين رافق المسعد يسعد "مزحه" ان ما اثق به ان لكل مجتهد نصيب, مع هيك والله من كل الدكاتره الي بعرفهم ما في واحد بعرف نشرة بكره مشان يعرفلك السايكلوجينيسيس. . على فكره كيف استخرجت الصفه منها يا سيباويه و عملتها سيكلوجينيسيسيه اتمنى لك كل التوفيق و يزيدك الله علما و بصيره. .

اقتباس: المشاركة الأصلية كتبت بواسطة shhadah  مبدع يا اسامه. . بس انا مش عارف كيف بدو يكون نقاش علمي و انتا داخل علينا بالحكي الكبير هاد. . "هذا ما لا طاقه لنا به" احنا يا دوب النينا نعرفها. .هههههه يا عمي مين رافق المسعد يسعد "مزحه" ان ما اثق به ان لكل مجتهد نصيب, مع هيك والله من كل الدكاتره الي بعرفهم ما في واحد بعرف نشرة بكره مشان يعرفلك السايكلوجينيسيس. . على فكره كيف استخرجت الصفه منها يا سيباويه و عملتها سيكلوجينيسيسيه اتمنى لك كل التوفيق و يزيدك الله علما و بصيره. . كلام صحيح اتمنى على الاخ اسامة ان يوضح لنا المصطلحات الجديدة او التي تتعلق بامور عميقة , وذلك لاننا ( على الاقل انا) مازلنا في الطور التعلم والمتابعة من اجل كسب الخبرة شكرا

اقتباس: المشاركة الأصلية كتبت بواسطة shhadah  . مع اني كنت اليوم عتبان عليك . .بس حكيك ميزان يا ابو كرك. . بس انتا كما شوي خذنا بحلمك. . يعني الفلسفه جزء من العلم. . و اذا ما خالفت القوانين بتسير و جهة نظر . . انا لا افهم الا بقراءة الخرائط و لا احب اذا و لو و 40% و 60%% بس في ناس ممكن بحبوها يعني اذا في احتمال لكل اشي فش داعي نحلل . . يعني اذا النماذج متفقه على سيناريو معين من واين بشكل علمي بقدر انسان يحلل تلك النماذج يعرف نسبة الخطأ. . انا لا اعلم. .لكن فوق كل ذي علم عليم يا ريت نكون كلنا مثل اسامه وتحليل و السيكلوجينيسيس و البلوجينج باتيرن الي من يومين اكتشفناهم بعد ما طلع فيهم (بزاكر من ورانا) مستر معايطه لا يمكن ان يتفق اثنان على كل شيء . .بس مشكله اذا بدنا نجعل من نقاط الخلاف نقطه مفصليه. . و نسير نبداء منها. . تصبح على خير و ان شاء الله ربنا يرزق بلادنا من كل خير بدي اسميك ملك الزوء لانه انت وحكياتك زوء وبتمون على رقبتي شو ما بدك انا جاهز بس احيانا كثرة الفلسفه الواحد بصير معاه ....... اشي في لبطن يعني وخير الكلام ما قل ودل مثل محللنا الفنان اسامه ما شاء الله عليه وحبيبي اخ شحاده تصبح على خير

اقتباس: المشاركة الأصلية كتبت بواسطة انا  كلام صحيح اتمنى على الاخ اسامة ان يوضح لنا المصطلحات الجديدة او التي تتعلق بامور عميقة , وذلك لاننا ( على الاقل انا) مازلنا في الطور التعلم والمتابعة من اجل كسب الخبرة شكرا ان اعتقد انو عندي فكره عن معناهم طبعا من اسمهم. .بس والله فكره جيده يا ريت نغلب اسامه و نسمع منو . . مش لإشي بس الشرح منو يزيد المعنى عمقا. .

اقتباس: المشاركة الأصلية كتبت بواسطة shhadah  ان اعتقد انو عندي فكره عن معناهم طبعا من اسمهم. .بس والله فكره جيده يا ريت نغلب اسامه و نسمع منو . . مش لإشي بس الشرح منو يزيد المعنى عمقا. . بالنسبة لهذه الكلمة كامصطلح فهي تعرف كالتالي Cyclogenesis is the development or strengthening of cyclonic circulation in the atmosphere (a low pressure area ولكن اتفق معك تماما على انو الشرح من مختص يزيد الفهم تحياتي

النموذج الافضل هو الذي يتوقع منخفض قطبي في شهر 7 والفاشل هو الذي يتوقع ان يكون الجو مشمس للاسف هذه نظرتنا الي ساعه بقلب بالصفحات حتى اشوف المشاركات للاسف كلها كلام بدور حول نفسوو الا من رحم ربي يعني الي بدو يتشائم او مش عارف حالو انو بموقع تنبؤات جويه من اسمها بتبين انها متغيره يخلي التشائم بينه وبين نفسه مش الاقي صفحات تشائم لا والي بيجي ورى بعمل اقتباس حتى يأكد التشائم

شباب طمنونا كيف جفس الفرعي