ضع سؤالك هنا///حالة جوية سائدة أو متوقعة+تحليل خرائط جوية

اقتباس: المشاركة الأصلية كتبت بواسطة Weather Man  انا عندي معلومات عن 6/2/1950 ،،، اما 6/2/2050 ما عندي ،، بس اذا بدك ادفعلي اشتراك وبعطيك التوقع لل2100 يا سيدي العزيز ،،، كارقام سماكات ما عندي ،،، بس عندي معلومة صاعقة وهيه انو الثلج اتراكم بمقدار عدة سنتيمترات فوق اريحا على ارتفاع -150 تقريبا وانو الجبال فوق ال500 متر كانت بتخوف/// هاي المعلومات نقلا عن جدة صديق الي غلطت بكتابة التاريخ ههههههههههه سبحان الله تراكمت الثلوج في مناطق تحت مستوى سطح البحر..معناها كيف فوق 1000م؟؟؟؟؟ شكرا أخي على الاجابة..

سبحان الله معقولة اخي weather man ؟؟ غريب والله وانشالله نشوف ثلوج السنة القادمة

تفضل أخ كمال صور الضغط الجوي ودرجة الحرارة (في طبقة 850 hpa ) وخطوط ال thickness ليومي 5 و 6 /2 /1950 5/2/1950 UTC 0:00 الضغط الجوي درجة الحرارة (في طبقة 850 hpa ) وخطوط ال thickness 5/2/1950 12:00 UTC الضغط الجوي درجة الحرارة (في طبقة 850 hpa ) وخطوط ال thickness 6/2/1950 UTC 0:00 الضغط الجوي درجة الحرارة (في طبقة 850 hpa ) وخطوط ال thickness 6/2/1950 12:00 UTC الضغط الجوي درجة الحرارة (في طبقة 850 hpa ) وخطوط ال thickness

هل تتوقعون شتاء بارد ام متوسط البروده ؟؟ لاني انا رح اكون توجيهي و عند المطر والثلج ما في اشي اسمه توجيهي ههه بمزح

اقتباس: المشاركة الأصلية كتبت بواسطة ibrAhim  هل تتوقعون شتاء بارد ام متوسط البروده ؟؟ لاني انا رح اكون توجيهي و عند المطر والثلج ما في اشي اسمه توجيهي ههه بمزح شكرا أخي rased.. ابراهيم طول بالك شوي هانت ..النشرة الموسمية قريبا..

اقتباس: المشاركة الأصلية كتبت بواسطة Weather Man  والله يا اسامة انا بستعمل معادلة وحدة بالصيف والشتا بتزبط معي ،،، بس بالنظر للمعادلات اللي حطيتها وتجريبها على قيم في الصيف والشتاء بطلع الفرق معي بالصيف بالثكنس اقل من الحقيقي ب20-30 متر كمعدل وبالشتاء بيجي الحقيقي اقل من المحسوب بواسطة هاي المعدلات كمعدل ب30-40 متر وقد يزيد على ذلك لانه بالشتا الارقام بتختلف بسرعة عنا مو زي الصيف شبه ثابتة ،، وعملت المقارنة على راديوسوند منطقة بيت دجان بالقرب من تل ابيب على ارتفاع 35 متر عن سطح البحر ،،، بتصور اللي بأثر هو الرقم الثابت للهواء الجاف اللي بتستعمله بالمعادلة فوق ،،، لانه مثلا حرارة ال500 بالشتا مثلا -30 رطوبتها 99% بتفرق عن ال500 مليبار بالصيف -4 ورطوبتها 4% ! كذلك الأمر لل1000 مليبار /// على اساس حساب ثكنس للطبقة 500-1000 ... وعليه اذا بدك ارقام صحيحة 100% لازم تشوف كتلة الهواء قديش على حرارة ورطوبة معينة ،، بدك جدول لهاي العملية ... أما كمؤشر بشكل عام بتنفع خاصة المعادلة رقم c لسهولة تطبيقها .. وكمان الارتفاع عن سطح البحر بأثر بحساب الثكنس عن طريق الحرارة ،، بيجي الثكنس الواقعي بختلف عن المحسوب بشكل اكثر تطرفا /extreme ادخل على جداول الNOAA للجفس وريح راسك عالعموم انا ما بحسب الثكنس قاعد بسال عن الاعتماد عليه بالقيم الموجوده حسب الخرائط على معدل الاختلاف بدرجات الحراره الحراره بالنسبه للارتفاع ..وذكرت انه وجدت ببعض الحالات كان االهبوط بدرجة الحراره بكون اقل من 80 متر لدرجه مئويه واحده وممكن يصل لحوالي 200 متر واكثر بحالات ثانيه .. بالنسبه للثابت هو للهواء الجاف يستخدم لقياس ال mean temperature ... بالنسبه للفرق 30 و40 متر بتوقع انه عالي خاصه بالحالات البدك تحدد نوعية الهطول وممكن تطلع التوقعات غير دقيقه .. بس انا مثل ما ذكرت باخذ قيم الثكنس جاهزه وما بطلعها .. اذا بتقدر تحط طريقتك بحساب درجات الحراره ؟؟العظمى والصغرى؟؟ ومشكور على اجابتك

اقتباس: المشاركة الأصلية كتبت بواسطة osama  عالعموم انا ما بحسب الثكنس قاعد بسال عن الاعتماد عليه بالقيم الموجوده حسب الخرائط على معدل الاختلاف بدرجات الحراره الحراره بالنسبه للارتفاع ..وذكرت انه وجدت ببعض الحالات كان االهبوط بدرجة الحراره بكون اقل من 80 متر لدرجه مئويه واحده وممكن يصل لحوالي 200 متر واكثر بحالات ثانيه .. بالنسبه للثابت هو للهواء الجاف يستخدم لقياس ال mean temperature ... بالنسبه للفرق 30 و40 متر بتوقع انه عالي خاصه بالحالات البدك تحدد نوعية الهطول وممكن تطلع التوقعات غير دقيقه .. بس انا مثل ما ذكرت باخذ قيم الثكنس جاهزه وما بطلعها .. اذا بتقدر تحط طريقتك بحساب درجات الحراره ؟؟العظمى والصغرى؟؟ ومشكور على اجابتك أه فكرتك بتسأل عن كيفية حساب الثكنس ،،، طبعا بساهم الثكنس واختلافه بتغير الحرارة بالارتفاع بين طبقة وطبقة او حتى داخل نفس الطبقة ،، كارقام ثابتة ومعادلات رياضية ما عندي .. طبعا الفرق عالي بالثكنس ،،، اكثر من 10 متر انا بعتبره فرق كبير خاصة في المنخفضات الثلجية اللي بتعطي ثلج فوق ال700 متر .. لانه ممكن باختلافات بسيطة ينزل الثلج فوق 700 او 1000 او 800 ،،، وعندك كثير من المدن الاردنية والكثافة السكانية ساكنة بهذا الارتفاع ،،، بس بالمنخفضا الباردة مثل 28/1/2000 او الجبهة الثانية من 31/1/2008 او 12/1/1998 او معظم الحالات الثلجية بال92 ،،، ممكن اتغاضى عن فرق 20-30 متر بالثكنس بين المتوقع على الخرائط والجداول والحسابي اللي انا بحسبه وبين الحقيقي ،،، لانه الثلوج بهاي المنخفضات هطلت على ارتفاعت متدنية دون ال400 متر وبالتالي شملت معظم المدن الأردنية .. بالنسبة لسؤالك عن الحرارة العظمى والصغرى ،،، بنعتمد كأساس على ال850 مليبار واتجاه الرياح ودرجة التغيم والرطوبة والهطول في حال وجوده وطبيعة المنطقة وخط طولها وعرضها (جبلية، سهلية، شفا غورية، صحراوية او شبه صحراوية)2 ،، هذا بشكل اساسي .. وكل التوقعات للحرارة بتيجي مع الخبرة .. ما في اشي ثابت يعطيك قراءة صحيحة لمجرد حسابها ،،، واحيانا عند الصعوبة البالغة بالتوقع بنشوف الايام المماثلة بالارشيف او الايام المجاورة واحيانا يتم تعديل الحرارة العظمى مثلا في ساعات الصباح الأولى عند مشاهدة علامات اولية لذلك اليوم .. كله مع الخبرة ... يعني مادبا على ارتفاع 800 متر بتختلف حرارتها من مناطق عمان الغربية على ال800 متر او الشرقية على ال800 متر او بالسلط على ال800 متر او بالكرك لنفس الارتفاع ،،، حتى مع تقارب المناطق ،،، احنا بنشوف الحرارة العظمى المسجلة وبنعمل دراسات وطرق لتغيير الحرارة المتوقعة من قبلنا ومن قبل جميع المودلز2m temp ،،، مثلا تم مؤخرا تغيير الحرارة العظمى (على موقعنا طقس-الأردن) في مدينة مادبا (750-830 متر) خلال اشهر "منتصف" الصيف واستقرار الحالة الجوية لتشابه عمان الغربية (900-1000 متر) بعد التجربة والمقارنة على مدار 3 سنوات ... بعد ان كانت توضع كمحطة ماركا (750 متر في شمال شرق عمان) ،، لكن دائرة الارصاد الجوية لا تزال تقترف هذا الخطأ، ويكفي انها في نشرتها تقول الحرارة في عمان وتقصد بها ماركا ويتم التعميم على كافة مناطق امانة عمان الكبرى ( جنوبا من ناعور وشرقا من سحاب وغربا من وادي السير وشمالا حتى الكمالية) على وقوعها ضمن ارتفاعات مختلفة جدا وبيئة مختلفة ... يمكن لاختصار الوقت .. لكن هنا بموقع طقس الأردن فنحن نحاول جاهدين فصل كل منطقة عن الاخرى بعد التأكد بالتجربة ،، حين نرى فرق واضح في المعطيات والحقائق المسجلة يوميا ..