( مناقشة الاحوال الجوية) خاص بالاعضاء.. الفترة من 1/3/2010 ولغاية 10/3/2010..

اقتباس: المشاركة الأصلية كتبت بواسطة شعاع الشمس  كنت بستنا منك تحط هاي الصورة من الجوجل ايرث ......... اخي الكريم ، انا ساكن بالرمثا وبعرف طبيعتها المنطقة يلي حاطط عليها بداية الصحراء هي أراضي زراعية وهي صورتها كمان ........ صورة الجوجل ايرث مأخوذة بفصل الصيف ، وبفصل الصيف السهل الشرقي في لواء الرمثا و الغربي من المفرق لأنه مخصص للزراعة الشتوية ولا يتم زراعته بالمحاصيل الصيفية يظهر نوعا من التكيف للحفاظ على الرطوبة في الأرض ، وهذا التكيف بأن تتكون طبقة صلبة فاتحة اللون على الأرض لتشتيت أشعة الشمس ومنع الرطوبة من التبخر وسبحان الله هذا التكيف موجود في كل أراضي الزراعية حتى في السلط ، في بداية الخريق كان رجل في السلط/السرو يحرث أرضه ، الجزء غير المحرث أبيض اللون و الجزء المحروث أسود اللون ، وهذا ما يحصل في السهل الشرقي من الرمثا و الغربي من المفرق و الجنوبي من درعا ، تعال علينا وقت الحراثة وشوف بعيونك لون الأرض ، كيف بصير أيضا المنطقة الجنوبية في الرمثا عبارة عن منطقة صخرية واشي طبيعي الصخور لونها أبيض ، وبسبب هذه الصخور يفيض وادي الرمثا سنويا ، فلو كانت تلك المنطقة صحراء لشربت الماء وما فاض الوادي وهذه صورة للمنطقة الجنوبية ، لاحظ لو التربية بين الصخور خلف الشارع في الصورة .......... في مثل بحكي "اهل مكة ادرى بشعابها" وهون انا بحكيلك أهل الرمثا أدرى بمناخها ، صدقني يا اخوي الرمثا تقع ضمن اقليم البحر الأبيض المتوسط الرطب بكافة أراضيها ....... والله يا شعشوع منتى قليل بس يا صاحبي هو معذور لانه اكيد مازار الرمثا ولا اربد لان الرمثا منطقه زراعية واحنا بالاردن منعرف هالحكي لان الواحد لم يشوف بعينه مش بحاجه لدليل بس شو اخبار الفول والخبيزه هالايام

صباح الخير ............ تحسن كبير قي تحديثات جفس زي 18 خاصة بعد 17/3...............ان شاء الله بدء التغير الى الأفضل والمزيد من التحسن مع التحديثات القادمة.............

اقتباس: المشاركة الأصلية كتبت بواسطة Weather Man  مساء الخير ... يعني يا اخوان ،، بالله عليكم .. شو جايكوا من هالنقاش !!!؟؟ بدكو اتعدلو منهاج المدارس .. ؟؟ معروف أن سهول الرمثا واربد وعموم حوران سهول زراعية خصبة سواء في الشتوي أو الصيفي ،،، لكنها مثلا لا تقارن بسهول المسسبي فالي بامريكا اللي بتنتج الارز ولا ضفاف النيل بمصر والسودان اللي برضو بنتجو الرز ! .. كل مناخ أقصى غرب الأردن وبالاخص شمال غرب الأردن ضمن مناخ البحر المتوسط ... هيك اسمه ،، لا شبه صحراوي ولا رطب ولا تندرا ولا قاري .. أما باقي مناطق الاردن فهي صحراوية وشبه صحراوية بدون خلاف ،،، وكذلك هنالك مقاييس للمناخ الصحراوي مثل ما تفضل الاخ صواعق ... يعني بتختلف صحراء عن ثانية .. واريد ان الفت الاخ الصواعق الى مشاركتي بالامس بخصوص موسم 2002/2001 ،، اللي شكلو مش شايفها عكس مشاركات باقي الناس اللي بشوفها بعد ايام وبعلق عليها ،، يا رجل قعدت 20 دقيقة وانا بكتب فيها وبنقل معلومات من دفتري ،، رد علينا وكذلك ،،، بعيد وبكرر ...ما في اي رابط بين الارتفاع في الحرارة القادمة وبين باقي الشهر وحتى نيسان او ايار .... مش كل دقيقة بيجي واحد الله يجيرنا من الصيف ، وخلص عيدت الشتوية !!! وبتصيروا اتفسروا الشتاء حسب الانقلاب الشتوي والاعتدال الربيعي والحرارة والامطار وتواصلها وتبريرات ما الها داعي ،،، اللي قال الشتوية خلصت أو اللي بقول لسه ما خلصت الثنين واضح رأيهم بدون تفسيرات ما الها داعي او حتى بتزيد المشكلة !!! ... لا يختلف اثنين مثلا بان الاعتدال الربيعي بعد اسبوعين تقريباً ،، وما علاقة ذلك بمفهوم الشتوية لدينا !!؟؟ وفي النهاية ،، تحذير شديد اللهجة الى الاعضاء اللي بخرجوا عن الموضوع ،،، وبالذات خارج الطقس بشكل عام وليس فقط المناقشة الجوية ،،، في كافيه بتحكوا فيه وفي اقسام ثانية متخصصة ... الرجاء تطبيق النظام ،،، ولا المشرفين رح يرفعو للادارة الاسماء المخالفة ونتخذ الاجراءات بحقهم وفق القوانين السارية المعمول بها ... وكل عضو مقصود عارف حاله ... مع التحية للجميع .. 1 - صباح الخير 2 - نسيت حزب المتشائمين والمتفائلين 3 - حسب علمك اي من الموسمين كان اقل هطول 2003 / 2004 ولا 2005 / 2006 ولثنين اقل من المعدل صح 4 - بعدين صحيح الي اسمعته الشاكر ساير يعمل مقالب هو عامر

اقتباس: المشاركة الأصلية كتبت بواسطة تبرررق وترررعد   1 - صباح الخير 2 - نسيت حزب المتشائمين والمتفائلين 3 - حسب علمك اي من الموسمين كان اقل هطول 2003 / 2004 ولا 2005 / 2006 ولثنين اقل من المعدل صح 4 - بعدين صحيح الي اسمعته الشاكر ساير يعمل مقالب هو عامر وانتا مع اي حزب ؟؟ وانا انعمل فيي مقلب من عامر

اقتباس: المشاركة الأصلية كتبت بواسطة messi  وانتا مع اي حزب ؟؟ وانا انعمل فيي مقلب من عامر انــــــــا مع جماعة عدم الانحياز ههههههههه وصحتين وعافية على مقلب

Temperatures and weather conditions expected in general for the city of Amman Monday 8-Mar-10 High: 27 Low: 13 Weather: Sunny with high clouds Wind: SE Moderate Tuesday 9-Mar-10 High: 28 Low: 15 Weather: Sunny with high clouds Wind: SW Windy Wednesday 10-Mar-10 High: 27 Low: 14 Weather: Sunny Wind: W Moderate Thursday 11-Mar-10 High: 31 Low: 18 Weather: Sunny Wind: SE Moderate Friday 12-Mar-10 High: 28 Low: 17 Weather: Sunny with high clouds Wind: W Moderate Saturday 13-Mar-10 High: 23 Low: 13 Weather: Sunny with high clouds Wind: NW Moderate Sunday 14-Mar-10 High: 29 Low: 14 Weather: Sunny Wind: SW Moderate يتم اعداد هذه النشرة بناءا على تحليل النموذج العددي البريطاني UKMO والله اعلم

ملاحظة مهمة : مايقارب 95% من مساحة الاردن صحراوية ايضا هناك بعض السنوات مرت على الاردن كانت من اجمل السنوات حسب ما يقوله كبار السن ولاحظته من الارصاد الجوية من خلال كميات الامطار افضل موسم هو موسم 1979/1980 كانت هذه السنة من اروع السنين حتى ان الصحراء كانت عبارة عن حقول خضراء اشبه بالسفانا غيث غطت الاعشاب جميع الامكنة من الشمال الى الجنوب ومن الشرق حتى الغرب تخيل 95% من مساحة الارض اشبه بالسافانا واعتقد ان المنطقة سترجع كسابق عهدها في دورتها المناخية الجديدة

صباح الخير للجميع اجواء دافئة هذا الصباح و الحمد لله في عمان الغربية ادعوكم لزيارة موضوعي بالقسم الرياضي http://forum.arabiaweather.com/showthread.php?t=7164 و اسف للخروج عن الموضوع.

نشرة العشرة أيام لعمان فيها مطر مطر مطر

اقتباس: المشاركة الأصلية كتبت بواسطة HUSSIN SAFI  نشرة العشرة أيام لعمان فيها مطر مطر مطر نعم أخي والسبب أن معطيات الأوروبي في تحديث أمس تشير الى ذلك بمشيئة الله..