مناقشة ورصد الأحوال الجوية الحاليه والمتوقعة خلال شهر كانون ثاني 2017

إلي مريحني شوي انو النماذج رسمت أسوأ توقعاتها يعني بعد هيك المفروض تتحسن لو بالتدريج أن شاء الله. .. وإذا ما تحسنت بنكون أخذنا إبرة تخدير وما بننصدم ....مع اني متفائل بأن نحصل على جبهة مفاجئة خلال الحالة والله أعلم

عاااااجل تحسن ملحوظ ع النماذج مع اتفاقها على ما يلي بدها تريحنا من الرادار بدها تريحنا من السهر والنومة بدري لا للفحات الهوا من الوقفة ع الشبابيك عدم انقطاع الكهرباء لانو فش ثلج الى هنا.....

ناخذ المؤشرات (وهي ممتازه جدا ) ان شاء الله PNA ممتاز AO (بالعاميه ) استحلي و نقي NAO ايجابيه للفتره القريبه ما بعد 10 شهر نوا ثلثي (يشير كتله بارده جدا على منطقه ) ذكرنا لكم نشاط تصاعدي لمنظومه جيده جدا بدءا من 8 شهر والله اعلم

معقول ما تتغير النماذج بالدقائق الاخيره ... زي هدف راموس نأمل ذلك من الله يا رب

اجواء باردة هنا في الرصيفة الخير في القادم ان شاء الله

بعد مشاركة الاخ ابراهيم من الناصرة عن بداية هطول امطار قبل 3 ساعات فتحت الرادار واذا بخلية ممتازة وصغيرة وجهتها اربد حتى كانت لصالح الاحياء الجنوبية بشكل مباشر اكثر شوي وتقطع الكهربا طلعت عالسطح و شغلت النار قلت بلا نماذج بلا هم خليني اتابع الخلية اشوف بتوصل وتكون مفاجئة والا لا المهم ضليت عالسطح لخلصن الحطبات شجر صنوبر اصلي بالاخر ما وصلت الخلية ولا النماذج كانت مبشرة ما طالنا غير دخان النار الي عشقتها اواعيي ههههههه الله المستعان ، الله يعوض الجميع خير ( آسف عالاطالة )

اقتباس: المشاركة الأصلية كتبت بواسطة 1995  زي يلي قاطع الامطار عنا بالسيف تعودنا على النكسات بصراحة.. مش أول ولا أخر مرة و النماذج من السنة الماضية لا يوجد فيها أي دقة ليس حتى بساعة ال0 .. كان زمان ننظر الى التوقعات البعيدة و تصيب وهي المرة القريبة ما بتصيب ساختفي عن المنتدى هذا الموسم وبما أنه أصبح أحتمال كبير أن نشهد أستقرار حتى بداية شباط ساتابع اي تطورات على ارض الواقع و نصيحة لا تتعبوا حالكم وتلاحقوا السراب بكل حالة أنتظروا ال 72 ساعة جفس قوي و هذا ما كنت أخشاه لحق الاوروبي لتحديث واحد أو أثنين ورجع لتوقعاته السابقة و أصر على جفاف الحالة بينما الاوروبي عيشنا عاصفة وهمية ل 3 ايام وانا ايضا معك ... ساختفي عن المنتدى هذا الشتاء لانه بصراحة منتطقتنا وموقعنا الجغرافي ما بسمحلنا انه نتعب اعصابنا على شي ممكن يتحقق كل 10 سنين مرة ... كل الاحترام للجميع ... وداعا

شباب الانسمبل الاوروبي افضل بكثير من النموذج الحتمي

بالمختصر... نحتاج لنزول هاديء وسلس. عبر بوابة البحر الأسود مع ترهل البلك السيبيري وإيجابية التذبذب لشمال الأطلسي واتجاهها للخوض الشرقي للبحر المتوسط..في هذه الوضعية الفرصة كبيرة لتولد المنخفضات وبنفس الوقت مغناطيس شفط الهواء البارد

اقتباس: المشاركة الأصلية كتبت بواسطة حازم حداد  ناخذ المؤشرات (وهي ممتازه جدا ) ان شاء الله PNA ممتاز AO (بالعاميه ) استحلي و نقي NAO ايجابيه للفتره القريبه ما بعد 10 شهر نوا ثلثي (يشير كتله بارده جدا على منطقه ) ذكرنا لكم نشاط تصاعدي لمنظومه جيده جدا بدءا من 8 شهر والله اعلم صراحة مؤشرات واسعة جدا لمنخفض ثقيل ما بين 14 الى 16 الشهر الحالي هل تتفق هذه المؤشرات مع ما ذكرت اخي حازم ؟؟؟