مناقشة الاحوال الجوية خلال شهر كانون الثاني 2019

يا اخوان اي تغيير صغيير بطلع بسهولة حيز 200م من خط الثلج خلينا نوخذ الامور شوي شوي كيف بدنا نحكي عارتفاعات و احنا شكل النزول لسا مش ثابت معنا 100% لسا بدنا كمان و كمان تحديثات لنتاكد و نقدر نحكي و نعلن عن مرتفعات اقل من 1000م بشكل اوضح اه الوضع كخرائط مريح نسبيا لكن يا مكثر المنغصات و النقاط المقلقة حول الحالة.. انا آسف عهالحكي بس الوضع مش خرافي لهلدرجة...طبيعي شركة مسؤولة قدام الناس توخذ حذرها لسا قبل يومين كانو بجلدو فيهم! عموما لا تنسوا في حالة عم تتحسن نسبيا و فيها امطار متفرقة الاحد و الاثنين

اقتباس: المشاركة الأصلية كتبت بواسطة حموده الزعبي الرمثا  طقس العرب يقول نراقب ... وحدد درجة ثالثة ... لانه فعليا لسه في اربع ايام كاملة عن الحالة ... اتوقع صباح الثلاثاء لحتى يبداو بتغيير كلكة يراقب الى يتوقع ... صاحيين هالمرة اذا هيك بفكروا ليش التسرع اذا!!!! كان صبروا احسن، انداري

يا اخوان هنا داخل المنتدى لو قلنا بدها تثلج عشط البحر حدا داري فينا بس طقس العرب موقع رسمي لازم يكون مسئول عن كل كلمة بقولها لذلك بعتقد انه لازم يحافظ على خط رجعة ظايل ٤ ايام للحالة ٩٦ ساعة بالابرة من هون لعصر يوم الاربعاء ممكن يصير اي شيئ وخلينا مبسوطين

اقتباس: المشاركة الأصلية كتبت بواسطة حموده الزعبي الرمثا  طقس العرب يقول نراقب ... وحدد درجة ثالثة ... لانه فعليا لسه في اربع ايام كاملة عن الحالة ... اتوقع صباح الثلاثاء لحتى يبداو بتغيير كلكة يراقب الى يتوقع ... صاحيين هالمرة المشكله يا اخوي انه طالعين من نكسه الاسبوع الماضي والناس هايجه على كل الارصاد وطقس العرب ولو تشوف التعليقات على صفحة طقس العرب اغلبها مسخره فلازم يخاطبو الناس بلغه ابسط من هيك يعني مش الكل بفهم انه في نماذج عدديه الها اكتر من تحديث باليوم وعلى هذه التحديثات بتتغير النشره وما بستوعبو انه ممكن تتغير النماذج لدرجة انه السبت التوقعات تكون على ١٠٠٠ متر الثلاثا تصير على ٧٠٠ مثلا

من قلب السلط كما لو كانت مواكب تسبق الخيرات

يا اخوان مع احترامي للجميع ... طقس العرب مؤسسة رسمية مرخصة ... ومعتمدة لكثير من الجهات ... فيجب ان تكون له فلسفة سلسة للتعامل مع الحالات قبل حدوثها ... الثابت الوحيد هو احتمالية كبيرة لمنخفض جوي قطبي يوم الاربعاء ... باقي التفاصيل متغيرة بنسب متفاوته ..

ارى ان المنخفض سيتحسن بشكل افضل من ناحية استمرارية الهطول حتى ظهر الخميس على اقل تقدير تحسن طفيف بالمرتفع فوق تونس سيعمل على استمرار التغذية القطبية ولا يستبعد تكون منخفض او جبهة بالقرب من السواحل اللبنانية في حال تعمق اضافية للكتلة الباردة

ما يقوم به طقس العرب عمل مؤسسي نحترمهم لذلك نعم هو تحت المراقبة اي وارد تطوره نحو الافضل

من وجهة نظري اصاب طقس العرب عندما تحدث عن ثلوج لمناطق ال1000م لانه اي تحديث سلبي مساء اليوم او بكرة راح تثبت عليه النماذج لا قدر الله

اذا طقس العرب ما حدد ارتفاعات ومش خلصان منكم انتم كاعضاء اصحاب بيت كيف بدو يخلص من الناس