[ مناقشة الأحوال الجوية السائدة والمتوقعة خلال شهر شباط/فبراير2021 ]

اقتباس: المشاركة الأصلية كتبت بواسطة عاشق الغيث  قصي يسعد صباحك، بعرف موضوع السماكات مش سهل، بس بناءً ع خبرتك كم بتتوقع سماكات ثلوج لرام الله والخليل؟ نظراً لوجود خلايا ركامية رعدية تتوسط السحب واختلافات في موعد بداية الهطولات، رح يكون في تباين بالسماكات على ذات الارتفاع في مناطق مختلفة. ممكن منطقة برام الله ارتفاعها 1000 متر يتراكم عليها 10-15 سم وممكن منطقة مقابلة 5-10 سم. لكن بالمجمل طقس الوطن يتوقع السماكات التالية خاصة مساء الاربعاء وحتى ساعات الفجر الاولى من يوم الخميس، بعدها تتراجع الفرص : سماكات الثلوج المُحتملة (( تتفاوت من منطقة لأخرى على نفس الارتفاع): الجبال ما بين 700-800 م : 2-10 سم حسب استمرارية وقوة الهطول. الجبال ما بين 800-900 م: 5-15 سم حسب استمرارية وقوة الهطول. الجبال ما بين 900 -1027 م: 10-30 سم حسب استمرارية وقوة الهطول.

الحمد لله وكفى

مرتفعات نابلس والخليل ورام الله ومرتفعات شمال عمان وعجلون وجرش والسلط والكرك سيحظون بتراكمات تتجاوز ال 25سم يا جماعه والله بحياتو نموذج او محلل قدر يجيبلك كم تراكم الثلج بدقه ممكن غيمه رعديه بنص ساعه ترفع المستوى التراكمي عندك بسنة 2003 بلشت تندف من عصر يوم لتاني يوم والنتيجه 40 سم بمنقطة الرابيه كل شيييييء وارد ولكن الايجابي متوقع اكثر هذه المره لقلة السلبيات والله اعلم

صباح الخير هي الطريفي اعلنها معظم محافظات المملكة رح تشهد تراكمات ومنها الزرقاء الامور طيبة

ان شاء الله يفرح كل الشباب وحتى مناطق ٧٠٠ و٦٠٠ وتجبر بخاطرهم يا كريم

حسب بيانات النماذج الصباحية قد تكون رام الله في صدارة الهطولات والتراكمات وذلك باجتماع كل النماذج بالتوفيق للجميع

بتوقع لمنطقتي الاشرفيه ع٩٠٠م حوالي ١٠ سم بأفضل الأحوال مناطق غرب عمان فوق ٨٠٠ رح تتفوق كالعاده بسبب قوه الهطول والله اعلم نعمه كريم

اقتباس: المشاركة الأصلية كتبت بواسطة Abd al-hadi  صباح الخير هي الطريفي اعلنها معظم محافظات المملكة رح تشهد تراكمات ومنها الزرقاء الامور طيبة زي ما بحكوها أثلجت صدري روح الله يفرحك ان شاء الله ربنا قادر على كل اشي

اقتباس: المشاركة الأصلية كتبت بواسطة الجامعة الأردنية  حسب بيانات النماذج الصباحية قد تكون رام الله في صدارة الهطولات والتراكمات وذلك باجتماع كل النماذج بالتوفيق للجميع يسعد صباحك، بتعرف شو اللي مخوفني، موضوع الحرارة برام الله وخصوصاً لطبقة 850...مش الهطول ابداً

اقتباس: المشاركة الأصلية كتبت بواسطة Abd al-hadi  صباح الخير هي الطريفي اعلنها معظم محافظات المملكة رح تشهد تراكمات ومنها الزرقاء الامور طيبة َيا سلام هاي الاخبار الحلوه فش بعد الثلجات الشامله خلي كل هالناس تفرح بعد حرمان ٦ سنوات