مناقشة الأحوال الجوية السائدة والمتوقعه خلال شهر تشرين ثاني/2016

انا مع الشباب الاخ حازم مبسوط!!ليه مبسوط على قلة المطر ؟والا على نجاح الدراسه؟مع احترامي الك هذه تكهنات وتنجيم وليس تحليل للطقس اذا كادر طقس العرب باكمله لحد الان مش قادر يعطي توقعاتو للسنه من صعوبة الظروف المؤثره على الطقس وانت للاسف بتعطي قاعد تكهنات لسنه كامله وتعتبرها جفاف ومبسوط كمان لا اله الا الله شو هذا! عمي ما في سنه بتشبه الاخرى في حالة الطقس فكنا من التكهنات والانبساط الي يغيضني ويغيض جميع الاعضاء اخ حازم قل خيرا او التزم الصمت سامحني ع هالكلام بس كل هذا من الغيضه بانبساطك بالجفاف

السلام عليكم إخواني ممكن أحكي كلمتين واقفين بزوري من ساعه ؟؟ الشيء الأول من باب المونة يعني ... حازم فكركم مبسوط !!! هو وضع تذكير ( كالعادة ) إنه توقعاته لهاللحظة زابطة وهاد حقو ومحدش بمنعو في شي بلاحظو بالمنتدى من سنتين بصراحة يعني ليش لما تكون النماذج ( سلبية بعض الشيء ) بنبلش ندق ببعض بذكر بإحدى المرات بعض الأعضاء مالقوا إشي يتفششوا فيه دقوا ببعض عشان الصور الشخصية ههههههه يا شباب هاي توقعات حازم زبطت رح نحيه وما زبطت برضه رح نحييه وهيو في حد بنكر إنها زباطة معو شهر 9 + 10 + 11 ؟؟؟ بس بالمقابل بذكركم أنا بدافعش عن حد ولا بدي حد يدافع عني الشغلة شغلة مبدأ إنه يتفاخر بنتائج توقعاته .. طيب سؤال تاني السنة الي فاتت لما توقع حالة عدم الاستقرار الي ( قلبت عمان البندقية ) ليش لما زبطت الكل هللو ورفعوا لسابع سما ؟؟؟؟؟؟ شباب إستهدوا بالله والله الواحد من كتر الضغط النفسي والمسؤوليات الي عليه بهرب للمنتدى ليغير جو معكم #تكرهوناش_ببيتنا_الثاني وشكرا لعدم إقتباس ردي

للتذكير طقس العرب بنشرته الاخيرة ذكر انو مافي حالات مهمة لنص الشهر الجاي وحازم حداد ذكر هالشي من شهر 8 ان شاء الله مابتزبط دراسته وبكون موسم مليئ بالامطار والثلوج

قال تعالى:((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا.يُرْسِلِ السَّمَاء عَلَيْكُم مِّدْرَارًا.وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)).صدق الله العظيم موسم 99 2000 التي جاءت به الثلجة التي تعتبر الافضل حتى الان من ناحية شمول الهطول من الشمال للجنوب باخر شهر كانون الثاني وسجل فيها تراكمات ممتازة للمرتفعات متوسطة الارتفاع واذكر حينها وصلت التراكمات بالمروج المفتوحة للركب .سجل في القدس تقريبا بذلك الشهر 264.5 ملم اي نصف الموسم تقريبا بشهر واحد. خريف ذلك الموسم حتى اخر شهر 12ايضا لم يتجاوز معدل الامطار بالقدس حاجز 45 ملم حسب المسجل في الارشيف !!! يعني بداية شبه جافة للموسم وربما تكون اسوا من بداية هذا الموسم فما زال امامنا 42 يوم تقريباواكثر من شهر حتى نهاية الخريف تقريبا .تفائلوا بالخير تجدوه .

شخصيا متفائل بثلجه الشهر الجاي .. ومبكره .. قولوا يارب ...

اقتباس: المشاركة الأصلية كتبت بواسطة حازم حداد  ذكرنا لكم سابقا الاردن جفاف هذا الموسم منذ 1-8-2016 http://forum.arabiaweather.com/showt...d=1#post826721 توقع دراسه 7 منخفضات اعتياديه شهر 9و 10و 11 حتى الان 3 منخفضات (باقي 4منخفضات) اثنان لشهر 12 واثنان منخفضان باردان بشهر 1 و 2 شهر 12 (اعلى من معدل درجات الحراره 2.33 ) كمية الامطار ما بين 31.9 الى 50 مم والسبب انزياح 8 ايام للفاعليات اقل من المعدل الامطار هههههههه يا رجل وين انت عايش اي 3 منخفضات بتخكي عنهم هدول ، بحسك مش عايش بالاردن ،اذا المواقع العالمية ما بتحدد عدد المنخفضات لدولة ماطرة مثل بريطانيا تيجي حضرتك تحدد عدد المنخفضات للاردن ، اتق الله بنفسك يا رجل قال الله تعالى : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا )

طقس العرب يتوقع ان تهوي الحرارة الصغرى لما دون 5 درجات الاسبوع المقبل

اقتباس: المشاركة الأصلية كتبت بواسطة khaled1010  أسهل دراسة هي توقع الجفاف لمنطقتنا ..ولكن الدراسة للسنة الماضية لمنطقتنا كانت من قبل حازم حداد مقتبسة من جبال الألب ولم يأتي شيء ..يعني يا تصيب يا تخيب بارك الله فيك كفيت ووفيت اختصرت علي الكلام الكتير

اخ هشام لاحظ المحللين هنا في المنتدى بس يحط توقعاتو ما بتقوقع لاكثر من اسبوعين اول شي ثانيا بس يكون جفاف الوضع ما بكونو مبسوطين ثالث شي دائما بنهايه التوقع بحكو انشاءالله الامور بتتغير لصالحنا مش بضلو يرقصو ويغنو لانو توقعاتهم زبطت استغفر الله العظيم و لاحول ولاقوة الابالله و الله يهدي الجميع

رياح شرقيه ع اصولها الان في جنين ( ليس كل نجاح مدعاة للفخر وليس كل فشل مدعاة للخزي) والقصد واضح