( مناقشة الاحوال الجوية) خاص بالاعضاء.. الفترة من 11/2/2010 ولغاية 20/2/2010....

شكرا دكتور ايمن وان شاء الله ربنا يجيب الي فية الخير

اقتباس: المشاركة الأصلية كتبت بواسطة Weather Man  خريطة 27 الشهر للاوروبي المسائي ... وبحسب التفصيلات الكاملة لدي لمعطياتها .. يعني للمهتمين ،،، المعطيات الجوية للعاصمة عمان في 27 شباط 12 زي تماماً ،، هايت 500 مليبار = 5520 متر ثكنس 1000-500 مليبار = 5470 متر درجة حرارة 500 مليبار = -23 درجة حرارة 700 مليبار = -6 درجة حرارة 850 مليبار = 4 هطول قرابة 8 ملم/ 6 ساعات ولا عنصر فيهم مناسب لأي هطول ثلجي حسب هذه المعلومات المبنية على التحديث المسائي ..بتكفي حرارة الـ 850 ملي بار لوحدها لنفي تساقط الثلج لكن من يدري ربما تتغير إن شاء الله ..وعلى كل الحمد لله على نعمة المطر ... ـــــــ تحياتي ،،

محسوبكم مثل الأطرش بالزفة الرمثا تحسنت بها الاجواء واصبحت تميل للبرودة النسبية بعد تحرك الهواء الغربي علينا

مثل ما قلتلك ... صدق 10% من الحالات أو ربما اقل من هيك !! .. طبعا بحكي عن 800 أو 900 متر ،،، بتعرفوا انه المنخفض الماضي اجا 5450 متر هايت في ال500 مليبار، وثكنس 1000-500 حوالي 5300 متر غير الطبقات الثانية ... مع حرارة -2 في ال850 مليبار ، صباح الخميس .... هاي القيم قليل ما بتمرق علينا كل سنتين ثلاثة مرة احصائياً .... وشفتوا شو اجا على الارض ،،، يا ريت التفاصيل الدقيقة هاي تتركوها للمختصين ... لأنو احنا بالمنخفض الاخير وكذلك معظم الارصاد المحلية والاقليمية توقعت اشي وعلى الارض لم يتحقق على الاقل لاقليم الوسط .. دون معرفة سبب رئيسي مقنع حتى اللحظة، باستثناء عامل تقطع الهطول وعدم استمراريته (الذي لم يكن مرئياً على الخرائط) وله يد كعامل ثانوي في الموضوع .. يعني لما يجي عضو أو مواطن ،،، ويحكي بنهول، وبنخبص، وبننقل ... وهواة .... بديش يعتذر على اسلوبه ،، مسامحه ... بس يا ريت يناقشني علمياً ... لأنه اللي بحكي فيه علم ثابت وواضح لدى كل هيئات الرصد الجوي العالمية ،،، ومش جايبين اشي من دار اهلنا ،،، وانا مستعد لو دخلت حتى في قضية معه في المحكمة بأنني رابح لها 100% ... لانه العلم ثابت لا يتغير، ومتفق عليه

والله بضلك كبير يا دكتور وقلبك ابيض يعني كل الاعضاء الي كانو يتفلسفو في المنخفض الماضي ويحكو على الاخ محمد الشاكر وينتقدو المختصين لا نريدهم بيننا بس انتم قلوبكم مفتوحة للجميع وما بتزعلو من حدا والله يخليلنا اياكم يا رب ويزيدكم من علمو سيرو على بركة الله والله يحميكم

اقتباس: المشاركة الأصلية كتبت بواسطة Weather Man  مثل ما قلتلك ... صدق 10% من الحالات أو ربما اقل من هيك !! .. طبعا بحكي عن 800 أو 900 متر ،،، بتعرفوا انه المنخفض الماضي اجا 5450 متر هايت في ال500 مليبار، وثكنس 1000-500 حوالي 5300 متر غير الطبقات الثانية ... مع حرارة -2 في ال850 مليبار ، صباح الخميس .... هاي القيم قليل ما بتمرق علينا كل سنتين ثلاثة مرة احصائياً .... وشفتوا شو اجا على الارض ،،، يا ريت التفاصيل الدقيقة هاي تتركوها للمختصين ... لأنو احنا بالمنخفض الاخير وكذلك معظم الارصاد المحلية والاقليمية توقعت اشي وعلى الارض لم يتحقق على الاقل لاقليم الوسط .. دون معرفة سبب رئيسي مقنع حتى اللحظة، باستثناء عامل تقطع الهطول وعدم استمراريته (الذي لم يكن مرئياً على الخرائط) وله يد كعامل ثانوي في الموضوع .. يعني لما يجي عضو أو مواطن ،،، ويحكي بنهول، وبنخبص، وبننقل ... وهواة .... بديش يعتذر على اسلوبه ،، مسامحه ... بس يا ريت يناقشني علمياً ... لأنه اللي بحكي فيه علم ثابت وواضح لدى كل هيئات الرصد الجوي العالمية ،،، ومش جايبين اشي من دار اهلنا ،،، وانا مستعد لو دخلت حتى في قضية معه في المحكمة بأنني رابح لها 100% ... لانه العلم ثابت لا يتغير، ومتفق عليه وهذا الشيء اللي قاهرني .. انا ما خليت حدا بعرفه الا قلتله عن الثلج في هداك اليوم وبالآخر طلعت عراسي وما مصدق حتى اللحظة اللي صار ...ثكنس يتدنى عن 5300 وحرارة الـ 850 توصل لأقل من -3 في إحدى التحديثات ومعظم العوامل الأخرى متوفره وبالآخر صار اللي صار .. طبعاً كما قال الشاكر نحن نترجم الخرائط والواقع ونزول الثلج بيد الله سبحانه وتعالى ..هذا استقراء وعلم لا يختلف عليه أحد ..لكن أنا أريد السر الذي استندت اليه الأرصاد الاردنية أو الفلسطينية في عدم نزول الثلج المتراكم لأقل من 1000 م ...على أي شيء استندوا ؟...ما هو المفتاح الإضافي الذي لم يعط َ الأهمية وكان السبب في الموضوع ...هل المنخفض السطحي واحد من الأسباب ..أنا في البدابية ما كنت مرتاح بصراحه للمنخفض السطحي ( كان مرتفع ) لكن أحدهم آنذاك قال انه جيد في تلك اللحظة بل إنه المثالي ! فهل كان هذا صحيحاً ؟ وهل لم يكن له دور في اللي صار ؟ ـــــــــــ تحياتي ،،

السلام عليكم الله يعطيك العافية دكتور ايمن و اخي محمد على هذا الشرح الوافي و المناقشة التعليمية و اللي المفروض الجميع يستفيد من هيك مشاركات بدل المشاركات اللي الغير فاعلة ( 5 صفحات اختلاف على تاريخ التحديث 24 او 27 ) ...... شكرا للجميع .....

اقتباس: المشاركة الأصلية كتبت بواسطة mmonwer  السلام عليكم الله يعطيك العافية دكتور ايمن و اخي محمد على هذا الشرح الوافي و المناقشة التعليمية و اللي المفروض الجميع يستفيد من هيك مشاركات بدل المشاركات اللي الغير فاعلة ( 5 صفحات اختلاف على تاريخ التحديث 24 او 27 ) ...... شكرا للجميع ..... واضم صوتي لصوتك اخي mmonwer وكلامك 100%100

يا اخوان ممكن احكي شغله بس بدون زعل احنا هون في المنتدى منهول الامور اكثر من اللازم قاعدين بتحكو من اسبوع انو رح تيجي فتره بارده وهيا الابرد في كل الشتويه وانا شايفها ان هيا فتره عاديه وطبيعيه في مثل هاد الوقت من السنه يا ريت نحكي بشوية عقل وبدون عواطف زايده يا اما خلينا نسمي المنتدى منتدى المشاعر والاحاسيس للحالات الجويه المتوقعه اسف على الطريقه وتقبلو مروري وخلو المشاعر على جنب.............

لا هيه ما وصلت لحد -3 ،، ولا اقل من 5300 متر احنا بنوخذ القيم الممتازة جميعها في ظل توافر الهطول ،،، طبعا الضغط السطحي واتجاهه وقيمته ومقدار حركته ،،، وكل الديناميكية الخاصة فيه بنوخذ فيها .... ولم تكن ابداً السبب !! .. الارصاد الفلسطينية ما عندي أدنى فكرة عن اللي حكوه، بسمع منكم ... الارصاد الاردنية توقعت تساقط وتراكم الثلج فوق المرتفعات الوسطى فوق ال800 متر، والشمالية فوق ال600 متر ... طبعاً هذا اللي متوفر أمامكم بالموقع الرئيسي تبعهم .. بوضعهم "ثلج" للعاصمة ومادبا، أما الشمال فقد وضعوا على اربد "ثلج" ، وللمتمعن في اساليبهم ... عندما تضع كلمة ثلج يقصد بها التراكم ... أما ما قيل على لسان مسؤوليهم بعد وخلال المنخفض (بعد صباح الخميس) فهو لا يطابق ابداً توقعاتهم،،، وانما حديث اعلامي محض ... فالارصاد الاردنية ، لديها الموقع الرسمي، ولديها كادر كبير من المتنبئين، كل منهم على اتصال بكل جهة اعلامية في البلد ،،، وكل تصريح للمتمعن حينها مختلف عن الاخر في التفاصيل وعدم الخوض فيها ... أما موقعهم الرسمي على الانترنت ... ففيه تضع النقاط على الحروف، التي تنشر أمام الملأ ،،، لكنه لا يرى للاسف من قبل الجهات الاعلامية في الاردن ... وكذلك عامة الشعب غير المهتم بالطقس سوى مشاريع الحياة اليومية ... أما موقعنا فلا يملك ادوات اعلامية متعددة ... سوى الصفحة الرئيسية والحديث مع الزميل الاستاذ محمد الوكيل، ويتم الاجابة بصدق وشفافية عن كل سؤال ومعلومة تُسأل له ،، لذلك كيلت التهم الباطلة لموقعنا بالتهويل والتزييف والنقل والتخبيص ،،، من المواطنين غير الواعيين ،،، وللاسف من دائرة الارصاد نفسها المتعلمة المثقفة ذات الخبرة الواسعة الجوية ... وهذا غير اخلاقي ابداً .. ناكرة بذلك ، كل الجهود التي قمنا بها الشاكر وأنا وباقي فريق المتنبئين ،، بحيث كنا نصل الليل بالنهار ،،، ونقضي الساعات الطوال أمام شاشات الكمبيوتر ،،، مبديين الجو عن نشاطاتنا اليومية، الهام والمستعجل منها كذلك .. ونحن ولله الحمد، كنا شفافين معكم طول المنخفض من خلال الشاكر على الراديو وكذلك من هذا المنتدى، وتم صياغة خبر صادر عن اللجنة الاعلامية للموقع تم تفنيد الرواية الكاملة فيه ... على عكس الجهات الاخرى، التي "تنصلت" من المسؤولية، واحياناً رمتها على غيرها !! .. أتمنى قراءة كل كلمة في مقالي هذا، وعدم التعقيب على كلامي هنا .... لانه موضوع مناقشة جوية سائدة ومتوقعة ،،، وتقبلوا مروري واحترامي