::: مناقشة الأحوال الجوية خلال النصف الثاني من آذار 2012 :::

اقتباس: المشاركة الأصلية كتبت بواسطة Dr.Tariq  ههههههههه .. صحيح كلامك د.شحادة أولا :المرتفع وحركته مش مثالية على اوروبا حيث يجتاح اسكندنافيا مع الوقت وهذا ما ليس في مصلحتنا .. ثانيا : وهو الأهم مركز المرتفع (و المفروض حتى ناخد اللي بدنا اياه وأكثر ) لازم يكون وسط المتوسط عالعموم تغييرات طفيفة ان شاء الله سينتج عنها الكثير .. الله كريــم اهلا دكتوري . . جفس غير مكان المرتفع . لمدة اكثر من 144 ساعه الحوض البارد يتموضع فوق تركيا و الحر الاسود و عموم شرق اوروبا و مرتفع غرب اوروبا موجود و قوي . . مره بحطه غرب شوي مره شمال شوي مره لما يسير تمركزه ممتاز بزغره شوي. . . يعني من كل إشي شوي . المهم الحوض البارد يلزق شمال سوريا و ما يزورنا هاد إلي خلاني . و المشكله بيني و بينك إني اصلع و ما لقيت اش اشد . . . بصراحة المؤشرات العامه ممتازه و إن لم يزورنا الحوض البارد. فمنخفضات شتويه بارده ما زالت تلوح بالافق . عدا عن عدم إستقرار هنا و اخر هناك. . خصوصا مع سيطرة الرياح الغربيه البارده نسبيا و الرطبه نسبيا بانواعها بعد منتصف الاسبوع القادم . . . فاي إلتقاء مع المارد الاحمر إلي مش راضي يصحى السنه . سيكون حالات جيده بإذن الله. الله كريم تحياتي دكتور نسأل الله من فضله المزيد

مسا الخير جميعا اذا بدكم الواقع والمنطق...فرصة تأثرنا بمنخفض قطبي يأتي بثلوج على مرتفعات متوسطة لا تتجاوز 15% فرصة تأثرنا بمنخفض يأتي بثلوج على المرتفعات العالية 30% الفرصة الاكبر تتجاوز 55% لمنخفض ماطر باذن الله مع نهاية الشهر ولا يستبعد ان يترافق بزخات من الثلج على القمم العالية...هناك عدة امور تشير لها النماذج منذ مدة تمنع تدفق الهواء البارد جدا اهمها حاليا ظهور بؤر ضغط منخفض شمال وشمال شرق وشرق اوروبا تعمل على حد بشكل كبير من تعمق النزولات جنوبا..وبيني وبينكم منخفض بارد جدا في وقت مثل هيك سيكون له اثر سلبي كبير خاصة على المزروعات والاشجار المثمرة.. اتوقع شبعنا من الثلج والبرد هاي السنة ومال الاجواء الماطرة مع بعض البرودة...وبالاخير اللي من الله يا محلاه والحمدلله عكل شيء

اقتباس: المشاركة الأصلية كتبت بواسطة احمد الاطرم  اتوقع شبعنا من الثلج والبرد هاي السنة ومال الاجواء الماطرة مع بعض البرودة...وبالاخير اللي من الله يا محلاه والحمدلله عكل شيء فعلا يا احمد ما شاء الله الزرقاء شبعت ثلج هاي السنه 5-6 ثلجات اجن عالزرقا هذا الموسم وكل ثلجة بمتر احمد بتتخوث يعني..بدك تجنني من وين شبعت ثلج يا مسخمط --- ههههه احمد بمزح معك ----------------------- الاجواء صافية وباردة في بيت امر التحديثات رح تظلها متقلبه حتى يوم الاحد او يوم الاثنين حتى تثبت على سيناريو واحد وبعدها رح تظل تتقلب بالتفاصيل

السلام عليكم تحديثات مسائية جيدة و افضل من الصباحية لمختلف النماذج و احتمالية سقوط زخات امطار من منتصف الاسبوع لنهايته في مختلف المناطق. حالة عدم الاستقرار مساء الاحد و يوم الاثنين تأثيرها الاكبر في شمال شرق الجزيرة العربية و العراق و بشكل اقل شرق الاردن و شرق سوريا و منطقة الجزيرة في سوريا . نهاية الاسبوع منخفض جوي ماطر . لكن قوة الفاعلية لمختلف المناطق غير ثابتة و غير واضحة حتى الان في مختلف النماذج . و الله اعلم

ههههههههه .. بحكيلكم البرد جاي جاي ان شاء الله (حسب التوقعات) في الوقت المتأخر اللي بتحكو عنو ،، فيعني ما فرقت عالثلج او المطر ونسب تساقط الثلوج عالمرتفعات المتوسطة عمرها ما اختلفت او تغيرت من توقعاتكم على اساس انها المنطق سواء بشهر12 أو 1 او 2 ..الخ ( يعني لا تحطوها باالأشهر والفصول ) الحمد لله ع كل شيء ____________ ما لنا الا الدعاء د.شحادة .. قد يكون وضع المداري مؤثر علينا في هذا الوقت من السنة أكثر من اي وقت مضى واللي ممكن يحد من التعمق جنوبا أكثر من اي سبب آخر والله أعلم..

لا يا ليث . . مهو احمد راح على صويلح هو سنان يوم الثلج . . خلص بدهم يحملونا جميله بهديك الرحله . . سنان رايح ماخد مسطره و ناسي اللفحه . و احمد ماخد لفحه و رايح بكندره رسميه . . خلاصتوا الثنين ماتو من البرد. .اكيد بدهم يشبعوا من الثلج. . إذا انا إلي نمت بالجبيهه يومها ما شبعت . . الاوروبي المسائي . . لا معانا و لا معاهم . . شبيه بالصباحي و ""تعديل . بما ان محمود منور موجود . . و يقول احسن "" إذا حضر الماء بطل التيمم . الله اعلم

Ens. GEFS المسائي: - تحسن بسيط على توقعات الحالة القادمة (عدم الاستقرار) .. و فرصة زخات الأمطار موجودة للعاصمة من مساء الأحد وحتى مساء الاثنين ان شاء الله - منخفض جوي ماطر قبيل نهاية الأسبوع نتأثر بمقدمته بمشيئة الله يوم الثلاثاء على شكل زخات من المطر مصحوب بانخفاض ملموس على درجات الحرارة والله أعلم..

اقتباس: المشاركة الأصلية كتبت بواسطة لــيــث الـعـلامـي  فعلا يا احمد ما شاء الله الزرقاء شبعت ثلج هاي السنه 5-6 ثلجات اجن عالزرقا هذا الموسم وكل ثلجة بمتر احمد بتتخوث يعني..بدك تجنني من وين شبعت ثلج يا مسخمط --- ههههه احمد بمزح معك ----------------------- الاجواء صافية وباردة في بيت امر التحديثات رح تظلها متقلبه حتى يوم الاحد او يوم الاثنين حتى تثبت على سيناريو واحد وبعدها رح تظل تتقلب بالتفاصيل ههههههههههههههههههههههه والله يا ليث وشحادة لعبت بالثلج اكثر منكم (وأهل الزرقا ككل) طلعت 3 مرات على صويلح والحلو بالموضوع انه اهل الزرقا ببينو بالثلج بنعرفو من حركاتهم.. والاوروبي المسائي بشد على ايدي وبحكيلكم ما في ثلج

السلام عليكم ما جاب سيرة الثلج شباب ؟؟؟؟؟؟ من وين جبتوا هالحكي ؟؟؟؟؟ ما في اشي بالتحديثات الحالية و لا السابقة بحكي عن اي ثلج في الاردن و فلسطين . طبعا حسب الاوروبي المسائي لا يشير الى ما تشير اليه باقي النماذج من حيث تعمق الحوض العلوي البارد نحو جنوب بلاد الشام، مما يضعف الفاعلية على الاردن و فلسطين بعكس النماذج الاخرى . و الله اعلم

اقتباس: المشاركة الأصلية كتبت بواسطة mmonwer  السلام عليكم ما جاب سيرة الثلج شباب ؟؟؟؟؟؟ من وين جبتوا هالحكي ؟؟؟؟؟ ما في اشي بالتحديثات الحالية و لا السابقة بحكي عن اي ثلج في الاردن و فلسطين . طبعا حسب الاوروبي المسائي لا يشير الى ما تشير اليه باقي النماذج من حيث تعمق الحوض العلوي البارد نحو جنوب بلاد الشام، مما يضعف الفاعلية على الاردن و فلسطين بعكس النماذج الاخرى . و الله اعلم والله يا محمود مع التوزيعات الحلوة يعني الواحد تأمل يشوف نتتيف ثلج وما تنسى انه الاوروبي كان يشير قبل أكم يوم للوضع