متابعة المنخفض الجوي المتوقع تأثيره على المملكة و بلاد الشام

اقتباس: المشاركة الأصلية كتبت بواسطة mahmoud2000  ابن عمان تحياتي احنا متفقين اي واحد بدو يحط خريطه يعطي شرح وللو بسيط عنهاا.. ويا ريت نلتزم يعني بلا من الالغاز .. مهو انا ما حطيت شرح بلاش الأدارة تقول المدة المسموح بها 7 ايام وهنا 8 ايام في الخارطة لهيك بفضل نخليها بكرة بنقص يوم المساء ازا ضلت التوقعات منيحة

انقشاع الغيوم في الزرقاء و طقس باااارد بعد يوم ماطر الحمد لله ان شاء الله يتجدد هطول الامطار الليله

مساء الخير جميعا .... ضاحيه الرشيد اجواء شديده البروده .حركه الهواء نشطه ..كميات امطار جميله منذ يوم امس والافضل عندما استيقضنا في الصباح وراينا الامطار منهمره والحمد لله ..... فرصه لتجدد الامطار الخفيفه خلال يوم الاثنين ان شا ءالله لكن بانتضار تحديث الاوروبي

يا جماعة الخير ، و بعدين ؟ شايفين انو اللي بتجيبو المشاكل لحالكو ؟ فترة أكثر من 7 أيام ممنوعة حتى لو بيوم ، لأنو يوم بجر يوم بجر يوم ، و بتفلت الأمور . مع التحية و التقدير .

اجواء صافية وباردة ولله الحمد

مشاركة من الاخ ابو حمزه ( مراسلنا في جنوب عمان ) : امطار متوسطه حاليا تتساقط على جنوب وجنوب شرق عمان

اقتباس: المشاركة الأصلية كتبت بواسطة shamaseen   اخي عايد ... تحليلاتك جميلة ورائعة ... وتبعث في النفس السرور والبهجة ... سر يا اخ عايد ونحن معك ... ما شاء الله عليك عضو محترم ومميز ... والله انك رائع . بالفعل لا زيادة على كلام الاخ شماسين ( ابو ريان )

السلام عليكم ... كيف حال الجميع ... ؟؟؟ يؤسفني ان ارى بعض الاعضاء مثل "نور الدين" وهو يستفز الاعضاء الاخرين ... بينما يستطيع وفقاً لخبرته أن يرد عليهم بشيء من الدليل العلمي، ليكون المتنىء الجوي الفيصل في مناقشاتهم ... وايضاً كالعادة ،،، يستمر انهمار سيل الاسئلة على المتنبئين وعلى الاعضاء المطلعين على الحالة الجوية،،، وين الامطار، وين الثلج، وين الغيوم، هون هش ونش، وغاد سيول جارفة ... يا اخوان ما بصير هالحكي ،، هذا اسمه منتدى مناقشة جوية ... سيصار الى وضع عدة قوانين جديدة نافذة قريباً، لتخفف او تحل قليلاً من هذه المشكلة .. يعني يا اخوان ،،، عايد مثلاً شو بده يعرفه الغيمة اللي بتأثر على القدس حسب الرادار اذا انها بدها توصل مدينة مادبا أو لا !!؟؟؟ ما حدا بالدنيا بعرف اجابة هيك سؤال ... هذا رادار لنقل الصورة الحالية .. أي نعم في عدة نظريات لتحرك الغيوم، لكن بالعقل ... كل ما واحد شاف غيمة على الرادار ، بصير يسطر خط بالمسطرة (بالاتجاه اللي بده اياه) على داره ويستنى ... !! والكرك الجو فيها هش ونش مبارح بالليل .... يعني معروف انه المنخفضات بتبلش من الشمال والغرب وثم للجنوب والشرق، اذا الله مقدر الها تمشي بهاي الطريق .. كلنا مبارح كنا بنهش وبنش ، والامطار في لبنان وغرب سوريا وشمال فلسطين .... ويا اخوان ،،، بالنسبة لنقل الحالة الجوية ،،، يا ر يت بدون مبالغة .... صرنا بشهر 1 والوضع المطري لاااا نُحسد عليه ابداً،،، ولسه ما بنميز بين أمطار طوفانية وسيول وانجرافات وبين زخات غزيرة من المطر والبرد لا تلبث أن تتوقف ... كل واحد يفتح على موقع دائرة الارصاد ويشوف الارقام التراكمية والمعدلات لغاية الان ... وضع صعب جداً ، لكن نحمد الله على كل شيء ... الشيء الجيد في هذا الموسم مقارنة مع الموسم الماضي، وهو كما تفضل الاخ شعاع الشمس ... الرطوبة والندى والضباب ،،، اذ تحافظ التربة السطحية على رطوبتها لجعل الحبوب تنمو ... ولو كان الجو دافئاً والرياح شرقية جافة .... لما ظهر الخضار على وجه الأرض .. بالنسبة لتحديثات الامريكي ،،، هكذا تحلل .... وجود مرتفع جوي بكافة الطبقات وبقوة فوق شمال افريقيا وجنوب اوروبا ، وتوزيع مناسب للانظمة الجوية في شمال الكرة الارضية، واشارة لكتلة باردة فوق تركيا، قد تجلب لنا موجة صقيع خلال الليل ... وما في اشي اسمه كتلة شبه جافة وشبه رطبة ..... الرطوبة لا تعني الهطول أبداً ،،، يعني اليوم سبب ضعف الهطولات النسبي وعدم انتظامها ، هو كما اسلفت سابقاً وكما قال المتنبؤن المعتمدون، ضعف مقدار الضغط السطحي، اذ لا يستطيع ان يُسيّر الامطار (بأمر من الله) لمسافات كبيرة وبكتل ضخمة ، لذا كانت الفعالية متقطعة وغزيرة بشكل محدود في بعض الاماكن حسب تواجد الخلايا المطرية/الرعدية القوية .. مع التحية للجميع ،،

بتمنى انه حدا من المختصين يعلق على توقعاتي التي وضعتها بالصفحة السابقة

السلام عليكم حسب صور الاقمار الصناعية و الرادار اربد و شمال المملكة على موعد مع الامطار بعد دقائق . كما توقعت قبل ساعتين ولله الحمد . حركة الغيوم بإتجاه الوسط ايضا اذا بقيت متماسكة ان شاء الله والله اعلم محمود منور