مناقشة الأحوال الجوية السائدة والمتوقعه خلال شهر كانون الثاني/يناير 2023

حبيبنا هشام .... الموضوع بسيط جداً .... حضرتك علقك على موضوع تعديل الخبر بطريقة غريبة شوي ..والدليل حتى الأخ حمزة لفتت انتباهه ورد عليك ..خصوصاً إنك أتبعت كلامك بـ الضحك ! وكان من ضمن تعليقك " احنا النا نظرة في المنتدى" ...وكأنه طقس العرب حديث عهد بهذا المجال أو ينتظر "وجهة نظرك أو نظرنا" لحتى يعدل كلامه ! وهذا مش تقليل من المنتدى ولا تضخيم بطقس العرب ...ولكن وضع للأمور في نصابها ...هناك قامات كبيرة سواء في المنتدى أو طقس العرب كشركة رسمية...هذا موضوع لا جدال فيه. عموماً مشاركتك طويلة...حبيت أعلق على بعض النقاط فيها للمرة الأخيرة (باللون الأحمر) اقتباس: المشاركة الأصلية كتبت بواسطة • HISHAM •  السلام عليكم ورحمة الله وبركاته بما إنه يا مهندس محمد ( هوريكان ) بتحكي عالمكشوف فأنا جاهز أضل أناقشك من هون لبعد 100 سنة ( لأني على حق وبإحترام ومش تلقيح كلام ) معلش بدي أفندلك نقاطي كل وحدة لحال أفضل إلك وللناس الأكابر الحاضرة ..... 1- 95% من الأعضاء إلي إنسحبوا فهو بسبب طريقة تكميم الأفواه إلي بتبعها المنتدى وإدارته وبالذات إنت .... إدعاءك غير صحيح ... أولاً في كثير أسباب للإنسحاب والسبب الرئيسي وجود مواقع التواصل الإجتماعي التي لم تكن سابقاً..كثير ناس بتواصلوا على الواتساب والفيسبوك وغيرها ..الحركة على المنتديات بشكل عام قليلة جداً مقارنة بالوضع قبل 10 سنوات.ويعتبر هذا المنتدى من المنتديات القليلة التي استمرت ...وهو بيتنا الثاني الذي كبرنا فيه .. موضوع تكميم الأفواه ..لمعلوماتك، الفترة الحالية هي الفترة الذهبية في حرية المشاركات ...لا نحذف سوى ما يخالف أعراف المنتدى من سلوكيات أو ألفاظ أو مشاحنات...بينما حرية الكتابة مفتوحة للجميع... يعني مثل مشاركاتك زمان كانت تنحذف فوري ولو بدي أفرجيك على ايش كان تنحذف المشاركات رح تستغرب جداً ... خصوصاً إنه برجع على الأرشيف كثير لمراجعة بعض الحالات السابقة سواء في وقت أليكسا أو قبل ذلك...بشوف مشاركات محذوفة لأسباب حالياً تعتبر مضحكة ..مثل إدراج صور رادار الإحتلال ..أو مشاركة تكون على شكل "صباح الخير" ..أو وضع خريطة لفترة تزيد عن 7 أيام....وهاي كانت ضمن قوانين الكتابة على المنتدى وقتها ....وحالياً تغيرت بالكامل... طبعاً هاي المشاركات وسبب حذفها ما ببين عندك لهيك يمكن صعب تقارن وتلاحظ الفرق بين الوضع الحالي والوضع زمان وجملة "بالذات انت" صراحة مردودة عليك ....هناك أمور كثير لا تعلمها ..مع احترامي لك. 2- كل المشرفين بحكوا مزال الواحد ( ما سب أو شتم أو أساء ) ما بطلعلكم تحظروه وياما حظرتو أشخاص بالمنتدى إلها وزن وإلها ذكريات معنا عمواضيع تافهة جداً ( مومني ، غيث ،وحمزة عياد ورجعناه بالف واسطة وهي هلا Gaint ) مع العلم أقسم بالله العظيم هالشخص ماعمري تواصلت معه وأقصد آخر شخص تم حظره من قبلكم .... ليش تحظره ؟ هو المنتدى بس لحضرتك ؟ الشب هو حر كل يوم بده يكون بمزاج شكل مزال الإدارة حاطة بالبند العريض المنتدى غير مسؤول ابدا عن التوقعات الصادرة من الاعضاء هنا , لانها غير رسمية ولا تمثل رأي المختصين في هذا القسم. فليش تلقيح الكلام ؟؟ إله ولغيره ؟ ياسيدي إنتوا شايفين الصح بس مش هيك إتحملني . يعني طريقتو مو مناسبة راجعوه ياسيدي وجهوه ... أي شي بس مش حظر حظر حظر حظر حظر مضلش أعضاء يا مهندس بالمنتدى من ورا هالطريقة . مرة أخرى ...لا نقوم بحظر أي شخص الا ضمن معايير خاصة ... أحياناً عندما يكون سلوك الشخص متكرراً بطريقة مزعجة للبقية (وتصل شكاوي كثير بخصوص ذلك) ، من الأفضل تغليب المصلحة العامة بهذا الخصوص ووضع حد لإستنزاف المنتدى وتحويله الى ساحة خصام واشتباك بدلاً من أن يكون ساحة للناقشات العلمية المتعلقة بالطقس فقط ...ولو بدنا نحظر أي شخص بالطريقة التي تدّعيها لكنت أنت أول من يتم حظره 4- إنتقادي لطقس العرب كان لطريقة طرح الخبر يعني عفواً منك هو أنا قاعد بكذب عليك وعالناس عمري 31 سنة مش طفل انا ؟؟ يا أخي شو قصة العمر هاي بتكررها كثير ..مين قال يعني إنك طفل ؟ وضحتلك سبب الاستغراب من اللي حكيته في أول المشاركة أعلاه ..مش موضوع تكذيب ! 5- بالنسبة للخرائط الخنفشارية الي مش عاجبتك وإلي حضرتك بتعلق عليها كل سنة فهي بتكلفني سنوياً $660 دولار يعني 500 دينار أردني عمري قلتلك أعطيني شلن منهم ؟؟؟ يارجل بوقت كورونا إلي كل أمة محمد قعدت عن الشغل كنت مشترك ( مناصفة ) بيني وبين مومني الي ( حظرتوه ) وكنت مش مقصر بالنشرات نهائياً .. حتى وأنا مصاب .. مع العلم من 3 سنين ماشفتلك مشاركة فيها خريطة ولا ورقة وحدة إن شاء الله فيها رسمة لدافنشي بس يعني حبيت اقلك . صراحة الموضوع مستفز شوي تحملني... يعني كأنه بتحملنا جميلة انك مشترك مثلاً بموقع معيّن؟ طيب شو دخلني يعني وشو دخل بقية الشباب؟ أنا مشترك كمان بعدة مواقع وبدفع من جيبتي ولا عمري بحياتي كتبت كذلك ..يعني أنا دافع لأني مستفيد ببساطة من خدمات هذا الاشتراك لأمور تخصني خصوصاً لمحطات الرصد ..شو دخل المنتدى كمان طريقة كتابتك دائماً "المدفوعة" وبتلونها بالزهري وبتحطها بالبونط العريض على رأي اخوتنا المصريين ...(وللعلم هي استفزت الكثيرين من قبل )..مش فاهم وين العبرة يعني؟ بعدين معظم خرائط "الشذوذ" اللي كنت توضعها على مدار السنين (بأنها توحي بنشاط قوي أو قطبي ثلجي) صراحة ما زبط منها ولا شيء حرفياً ...يعني سواء مدفوعة أو مجانية...خصوصاً الفترات البعيدة...وراجع اخر المشاركات ولا تبعد كثير....من المعروف أنه ما في خرائط ذات مصداقية لفترة تزيد عن أسبوع....هناك أحياناً إشارات يمكن التقاطها فقط من بعيد ... ومع ذلك لا أحد يمنعك من الكتابة ...أعطيني مشاركة انحذفت لهذا السبب يعني؟ ولكن من حق الآخرين أن يعترضوا على الطريقة اذا كانت تستفزهم؟ أليس كذلك؟ 6- مع إحترامي إلك بس فعلياً إنت بتبنيش إلا للتنظير عليي أو على غيري أو لتسميع الحكي وزي ما طريقتي ما بتعجبك فطريقتك ما بتعجبني ومش مجبور مطلقاً كل يومين أدخل هون عشان أقرألك مشاركة وإنت بتهمز وبتلمز ؟؟؟ قبل فترة إنتقدت ( أخ ) بينا بديش أحكي إسمه منعاً للفتنة وكنت بتنتقد طريقته إنه بحكي بما معناه مش قلتلكم ،، كما توقعت ،، كما اخبرتكم ... الخ طيب عالاقل هالشخص بدخل يشارك بعمللنا جو بعلمنا اشي جديد بالطقس والخرائط ما عندي أي مشكلة صدقاً...الاختلاف طبيعي جداً ... اختلف معي كما تشاء ...ما دام ذلك ضمن الأخلاقيات وأعراف المنتدى. 7- فعلياً بستغرب منك شخص متعلم ومهندس ومسموعياتك منيحة بتتعامل هيك معي شخصياً ومع بعض الأشخاص هون بس أوصل عمان حابب أشوفك شخصياً وأتعرف عليك 8- سياسة الترقيات والتعامل معنا لازم يتم مراجعتها لإنه رح يصير بالمنتدى زي المثل العربي ( أكلت يوم أكل الثور الأبيض ) يا رجل هي الترقيات يعني بتجيب فلوس خلص أبشر اذا اجت ثلجة رح يكون في تحديثات جديدة وترقيات أرجو فهم كلامي فقط لتصحيح المسار وليس بطريقة ثانية رغم إني كنت واضح كثير هههههه مع التحية حبيب وإنت كمان تزعلش مني وبتمنى محدش يقتبس المشاركة

الي ٧-٨ سنين على اخر ترقية لعضو نشيط ومن يومها ملتزم بالنشاط وحامل الأمانة .ولو اني مشارك من ٢٠٠٨ لكنت متصدر الترتيب بالمشاركات ههههه .وشباب بجوز ١٥ سنة مش مترقين ...لقد هرمنا.

اقتباس: المشاركة الأصلية كتبت بواسطة somar  صديقي عادل عدوي شو احكي انا وبعد كم يوم بطبق الستين 60 عام وفاتح بالمنتدى من عام 2008 . الله يهدي البال ويكملنا بستره ويهدي نفوسنا بما نحب ونعشق سومر ورد الله يعطيك الصحة والعافية وهداة البال اللهم آمين سبحان الله ..الاجواء الآن اختبار صعب للصبر لكل منا؛فهل من يطيق؟ الله يرشدنا جميعا للصواب... المهم أجواء باردة لكن بشعور أخف من الليالي الماضية

هوريكان .... بصراحة في نقاط كثير بدها رد وحالياً بدي أطلع أحضر الكلاسيكو بس بعيداً عن كل شيء مهندس أتمنى بس تيجي على عمان تنزل بضيافتي لتشوفني عن قرب وتعرفني منيح ونخلص من هالقصة لإنك للأسف الكلام خلف الشاشة لا رح يقدم ولا رح يأخر وبالنهاية عزيزي نصيحة من أخ ... عمرك لاتحكم عشخص مالم تعاشره مع التحية وبتنور الاردن حُب بس إنت تعاااال

اقتباس: المشاركة الأصلية كتبت بواسطة • Hisham •   هلا دكتور تامر تسلم الله يخليك بس بحب اقلك انا ماجبت سيرة توقعاته بتاتا ً يبدو انك فهمت النقطة خطا انا زي ما انتقد اسلوبي بنتقد اسلوبه فقط عمره ما واحد فينا انتقد ( المخزون العلمي للتاني ) ومع احترامي لكل مواقع الطقس ومابقصده هو عفكرة لانه بعرفو للمهندس من زمان بس هي في 600 شخص فاتح موقع طقس مش مقياس موقع الطقس يا دكتور على مفهومية الشخص بس للعلم ، تحياتي وشكراً على كلامك الرايق يعني مشاركتك هاي خصوصاً القسم الأخير هي انتقاص واضح وصريح ..وتعتبر مخالفة أصلاً لقوانين المنتدى.. ومع ذلك مسامحك شخصياً ومشاركتك ما رح تنحذف...

اقتباس: المشاركة الأصلية كتبت بواسطة • HISHAM •  هوريكان .... بصراحة في نقاط كثير بدها رد وحالياً بدي أطلع أحضر الكلاسيكو بس بعيداً عن كل شيء مهندس أتمنى بس تيجي على عمان تنزل بضيافتي لتشوفني عن قرب وتعرفني منيح ونخلص من هالقصة لإنك للأسف الكلام خلف الشاشة لا رح يقدم ولا رح يأخر وبالنهاية عزيزي نصيحة من أخ عمرك لاتحكم عشخص مالم تعاشره مع التحية وبتنور الاردن حُب بس إنت تعاااال بتشرّف أخي

اخوي محمد كلنا بنقدر تعبك في متابعة المنتدى منذ فترة طويلة جدا .وبدون اجر مادي والله يجزيك الخير .بطلب منك ترجع اخونا جيينت للمنتدى لانو كل يوم تقريبا .الاخ فجرا بذكرنا بلا إله إلا الله محمد رسول الله .اعذره بس يعصب ويفش غلوا بمشاركة على الخراءط ..راسله وقله اي مشاركة تخالف القوانين راح تحذفها ..ولا بقصد حدا هان بس يعصب على النماذج هههههه عصبيته حلوة .مع اني لا اعرفه بس عامل جو حلو الاخ .

اقتباس: المشاركة الأصلية كتبت بواسطة حمزة عياد  اخوي محمد كلنا بنقدر تعبك في متابعة المنتدى منذ فترة طويلة جدا .وبدون اجر مادي والله يجزيك الخير .بطلب منك ترجع اخونا جيينت للمنتدى لانو ما يوم الاخ فجرا بذكرنا بلا إله إلا الله محمد رسول الله .اعذره بس يعصب ويفش غلوا بمشاركة على الخراءط ..راسله وقله اي مشاركة تخالف القوانين راح تتطر تحذفها ..ولا بقصد حدا هان بس يعصب على النماذج هههههه عصبيته حلوة .مع اني لا اعرفه بس عامل جو حلو الاخ . وانا معك والله يا حمزة ياريت باسمي وباسم الغالبية نرجع الأخ gaint عالاقل فعلا مشاركته الصبح فيها ذكر لله عز وجل والصلاة على الحبيب عليه الصلاة والسلام والله يخوان المنتدى ( لظروف كثير ) عمالو بفضى من أعضاءه بكرة بضلش حد بالمنتدى الا انا

بدات معالم القطع تختفي......

قبل الخروج لمشاهدة الكلاسيكو ملامح التغيرات الإيجابية بدأت تظهر جلياً ... * تنامي مرتفع يغطي غرب أوروبا ومناطق المقتل * برودة قطبية كبيرة شمال شرق أوروبا * خلخلة الضغوط شرق المتوسط بنقول يارب ... عن اذنكم