عمـــان الغربيــة كما تظهر من مدينة مــأدبا

مش معقولة هالكاميرا على بعد 35 كم صورت عمان كأنك يا زلمة على الدوار الثامن ؟؟؟؟؟؟؟ لازم أخبي حالي بلاش تلقطني ههههههههههههههههه

ما شاء الله .. رائع وجميل جدا ...

اقتباس: المشاركة الأصلية كتبت بواسطة Weather Man  ينال هذا الاوبشن عالmanual shooting .. لانو كاميرتي أنا semi SLR .. صح اسمو shutter speed أي سرعة اغلاق العدسة .. وانا فاتحها عال30 ثانية ... يعني بتظل العدسة فاتحة 30 ثانية وبتلم كل اضاءة بالفضاء من حولها ... شعاع ... صح ... تقريب 75 مرة بدون التأثير الكبير على الرزليوشن خاصية موجودة لدى sony H9 ،، مع 15x optical zoom مشكور ايمن على الاجابة انا كاميرتي نوعها كانون زي هاي الصورة فكرك بقدر اصور زي هيك صور ؟؟

ينال .. اذا عندك مانيوال شووتنغ .. بتقدر اتغير بالشتر سبيد ... بس بالنسبة للزووم .. عندك قليل بتصور حوالي 3x ،، وما بلقط هيك مناظر ... لو ع الثامن يا غيث ... ببينلك الناس جوا المسجد ،، مشكورين على المرور الطيب .. أخ رعود غزة ،،، في صورة للغيوم مع الزووم البسيط نزلتها قبل اقل من شهر ... موجودة بمنتدى الصور مشكورين على المرور جميعاً .. للي ما بعرف ،، هذه الصورة من الجنوب الغربي /// يعني في الصورة الأولى في بيوت قريبة بجوز في حسبان أو ناعور .. لانو بعدها في وادي ،،، والظاهر بالصورة مناطق بدر الجديدة ودابوق والشارع الظاهر هو الرابط بين المسجد وطريق الباكالوريا/الفحيص وليس شارع المدينة الطبية اذا ظن البعض ذلك ... بالاضافة لبرجي قاعدة الدفاع الجوي/منطقة محمد الشاكر ،،، وبرج ارسال صويلح ... كلووووو من مـادبا .. عايد هاي الصورة من عند حارة الازايدة والمنطقة اللي ورا جمعية البلقـاء ... من الفيصلية وصياغة نفس الوضوح بس ببين زيادة أبراج السادس اضافة للسلط ،، والقدس ..

هاي صورة من ال2007 لمدينة السلط من منطقة جبل نيبو/غرب مادبا.. وهاي على بجوز 8 ثواني شاتر سبيد فقط /// لو زدتها بتطلع مضوية زي المسجد هذا وصف قديم للصورة من مراسلنا بالبلقاء عبدالله كتوعة مشكوراً ... """نزول الصوانية باتجاه شارع الميدان من عند تقاطع زي.. والمجمع على يمين اعلى الشارع تبع محطة المناصير ... على يسار المجمع وامامه تقطع منطقة البحيرة والسلالم وعلى يمينه تقاطع طريق العارضة باتجاه ديرعلا .""""

لد جاي مو تجلطنى فهمنى أنو عندك كميرا خلص جننتنى خلص قلنا مشكور على الصور بكفي ما ظل حدا في عمان غير عرف أنوا عندك كميرا خلص ايه هسع بوكل باند بطلع من راس أبوي على راسي أيمن مو تزعل اذا زعلت عادي يعني راس مالها جاهة على مادبا وفنجان قهوة

ما شاء الله لاقوة الا بالله... بالفعل صور اكثر من رائعه والاروع انها التقطت من هذه المسافة البعيده مشكور دكتور.....

ايمن بدي زي الكاميرا تاعتك قديش حقها ؟؟؟

ينال ... اشتريتها من سنتين وشوي من أمريكا بحوالي 340 دينار ... ولحد قبل سنة كانت بالكارفور أغلى بحوالي 50 دينار

والله صور حلوة.. وكاميرا خطيييرة.. يسلموا ايمن على الصور. ايمن انت بتقدر تصور اذا بدك قمم ال cb بشكل ممتاز وواضح..جرب.