مناقشة الاحوال الجوية خلال شهر كانون الثاني 2019

صباح الخير للجميع اول شي الحمدلله على الامطار والثلوج يعني عنجد مش عارف ليش بنهاوش هون انا بالمنتدى من عشر سنين او اكثر لم اشهد جدال كهذا !! طقس العرب لم يكن متحفظ قديما ولكن منذ سنتين اصبح اكثر تحفظا بسبب مخالف توقعات النماذج على ارض الواقع في الفترة الماضية كم من عاصفة ثلجية اعلن عنها او ثلجة على الاقل ولم تحصل , الناس هنا لايتفهمون ان الامر كله بيد الله وان طقس العرب يتوقع ويجتهد للوصول للواقع .. اتفهم تحفظهم في هذة السنة لكثرة النكسات الماضية ما يهمني اني رايت الثلوج القطنية التي لم اراها في منطقتي منذ ثلاث سنين لمدة نصف ساعة اويزيد هنا على ارتفاع 900م والقادم اجمل بأذن الله

الصورة التالية تبين المناطق الاوفر حظا في استقبال الامطار والاكثر تأثربالمنخفضات الجوية ومساحتها لا تتجاوز ثلاثة الاف كيلو متر مربع علما بان مساحة الاردن 89 الف كيلو متر مربع بمعنى ما مساحته 6%تتأثر بالمنخفضات وهذا ما نلاحظة على خرائط جوجل من حيث لونها الداكن وطبيعتها....

يا اخوان الاختلاف في الراي لا يفسد الود الذي بيننا في هذا المنتدى العظيم الذي اتاح لنا العلم والمعرفة الخرائط والنماذج والاقمار الصناعية ومراكز البحث كلها موجودة لكن لا يمنعها ذلك من ان تخطىء الرياح والمطر والثلوج كلها مسيرة بامر الله عز وجل الله تعالى اعطانا العلم والادوات ولكن كل ذلك هو يتحكم به ويسيره من عنده وباذنه الكل يجتهد ويشكر على ذلك لنتابع هذا الموسم ونتعلم ونستفيد دمتم بود

تحية لكل الاخوة خاصة المشرفين على سعة صدركم وتحملكم لي شكراً لكم والاخ iyado نعم انا اتفق معك لو جاء الاختلاف على ارض الواقع سلبي لكانت الانتقادات اكبر بكثير وتقبل مروري اخي وسامحني ان اخطأت في حقك او حق احد من الاخوة هنا

يا اخوان مش تنكيد لكن من مبدأ كل طلعة وراها نزله حاسس بكرا رح ننتكس لان امس كانت ارض الواقع افضل مش تنكيد هه بس احذرو

اقتباس: المشاركة الأصلية كتبت بواسطة ثلج الجنوب  يا اخوان مش تنكيد لكن من مبدأ كل طلعة وراها نزله حاسس بكرا رح ننتكس لان امس كانت ارض الواقع افضل مش تنكيد هه بس احذرو والله ما بتعرف عشان هيك لازم نحفظ خط الرجعة

اقتباس: المشاركة الأصلية كتبت بواسطة onaz82  بدايه الحاله طبعا الواقع يختلف عن التصوير الهطول كان كثيف جدا ......ارتفاع المنطقه 965 متر اخر الشارع يصل الى 980 متر فيديو اخر فيديو جميل اخي، وانا حابب اشكرك على اعتذارك بالبارحة عن توقعك اللي قبل المنخفض، وبأكدلك انو ثقتنا فيك هيك رح تزيد نظراً للمصداقية العالية اللي بتتحلى فيها ولعدم اصرارك على انكار نزول الثلوج الواضحة اللي البعض بحاول يراوغ لحد اللحظة انو ما نزل ثلج، يا عمي شو اللي نزل مبارح ؟! ، وبرجع بأكد مناطق شمال رام الله هنا في فلسطين تساقطت الثلوج وتراكمت بالبارحة على 800 متر، والصور عندي اكبر برهان وبشكرك مرة اخرى على سعة صدرك واعترافك بنسبة الخطأ في توقعاتك

اقتباس: المشاركة الأصلية كتبت بواسطة معن99  الصورة التالية تبين المناطق الاوفر حظا في استقبال الامطار والاكثر تأثربالمنخفضات الجوية ومساحتها لا تتجاوز ثلاثة الاف كيلو متر مربع علما بان مساحة الاردن 89 الف كيلو متر مربع بمعنى ما مساحته 6%تتأثر بالمنخفضات وهذا ما نلاحظة على خرائط جوجل من حيث لونها الداكن وطبيعتها.... ههههه ما شاءالله بس شفت ايدون بالخريطه حسيت حالي بموسكو

اقتباس: المشاركة الأصلية كتبت بواسطة e3sar   لا يا غالي كل كلامك غلط مع الاحترام لشخصك الكريم. اولا. نسبة الدقة في هاي الحالة كانت متدنية جدا .. يعني فشل ذريع .. كم نسبة الدقة لما تكون توقعاتك تتحدث عن "بعض" الثلوج فوق 1200 متر . وزخات ثلجية فوق 1100 .. ولا شيء اقل من ذلك .. وبعدين على ارض الواقع .. مناطق 1200 حوالي 10 سم او اكثر .. مناطق فوق 1000 جابت بين قشرة خفيفة الى 4 او 5 سم ! والتساقط وصل مناطق 900 ! كم بالله نسبة الدقة بهيك حالة؟؟؟ ثانيا . انت كهيئة او شركة بتسوق نفسها على انها "اكبر موقع للطقس في الوطن العربي" مطلوب منك فعليا انك تحددلي اماكن التساقط والارتفاعات وشو نوع التساقط والمخاطر المتوقعة كلها .. وبتكون مشكلتك اذا ما بتقدر .. وبدك تعترف بفشلك وتعتذر من الناس . خلص المرة الجاي طقس العرب بنزلك نشرة مفصلك إلك ولا تزعل

مساء الخير للجميع اولاً مبارك لجميع المناطق اللي استقبلت الامطار والثلوج و ان شاء الله المناطق اللي ما شملها المنخفض يشملها الحالات القادمة و خاصة اهلا بالجنوب ثانياً حلو الواحد يتناقش و يفسر و يتحدث براحتو لغايات التطوير و الاستفادة من هاي الحالات مش زي بعض المشاركات الغير هادفة و هدفها تغليط الواحد و تفشيلو غصب عنو الحالة قيمها كانت واضحة للجميع + 1000 زخات ثلوج صافية لوقت قصير و لكن الواقع اجا افضل بالنسبة للبرودة و اسوأ كهطول للمناطق الوسطى والحمدلله و مشان هيك اقتبست مشاركة سابقة قبل المنخفض نسبة التغيير كانت 100-150 متر ( للثلوج الصافية ) و ذلك لاختلاف البرودة السطحية عن ما توقعته النماذج يعني يا جماعة الخير هون بالمنتدى في ناس خبرات و قدام و منهم ناس معهم شهادات فمش معقول انو كل هالناس توقعها غلط و فاشل و مسكتو باللي توقع 800 متر و تقللو من غيرو مع انو الزلمة اجتهد و حلل و بنتمنالو كل التوفيق و التقدم والنجاح ما شاء الله عنه بس خلي الموضوع ضمن المعقول شجعو بس ما تقللو من غيرو مشان 15 دقيقة ثلج و المشكلة انو بالمنتدى هون الاغلب قدام و فاهمين الطبخة و الاختلافات اللي بتصير عارض الواقع احيانا بس بنرجع بنتصيد لبعض و بندق ببعض للاسف خلي سقف نقاشاتنا و انتقاداتنا بناء و راقي و بعيد عن التهجم و مبني على الاحترام و الكلام موجه للجميع و ما بستثني حدا و مش واقف بصف حدا و في فئة للاسف اذا اجا ارض الواقع افضل مش عاجبها و اذا اجا اسوأ برضو مش عاجبها اعذروني على هالكلمتين او الجريدة اللي كتبتها و يعطيكم الف عافية اقتباس: المشاركة الأصلية كتبت بواسطة احمد ابداح  ملاحظة صغيرة شباب الحالة بشكل عام سريعة و يا دوب كم ساعة و مش شاملة بالعكس نطاقها ضيق يعني مش مستاهلة نحرق اعصابنا مشان كم حبة ثلج و عالارتفاعات و ان شاء الله الخير بالجايات الكل توقع و الكل حط اللي عندو و لو وصل الثلج ل ٧٠٠ متر او حتى لابو حمور اكيد ما حدا زعلان بس في وجهات نظر و كل واحد بميل الها يعني كل تحديث قيم البرودة السطحية والعلوية قاعدة بتتغير من نص درجة لدرجة مره بنزلو و مرة بطلعو و هالاشي بفرق عارض الواقع و اصلا اغلب الحالات اللي بتاثر علينا قيم البرودة بالواقع بتكون مختلفة عن النماذج بمقدار نص درجة لدرجة مرات بكون التغير ايجابي و مرات سلبي عارض الواقع يعني ممكن الهطولات الثلجية تتدنى عن ال ١٠٥٠ باشي بسيط و ممكن نلاقيها ما نزلت عن ال ١٢٠٠-١٣٠٠ مثل ما قال اخونا هوريكان ( لانو النظام مش مرتاح و فرصة السلبية اكبر من الايجابية يعني القيم هيك باحسن احوالها) بس بالنهاية كلها كم زخة و الحالة اصلا يا دوب مطرية كمان ان شاء الله الواقع بكون افضل و اجمل و ان شاء الله الايام الجاي نشوف اشي يشفي غليلنا و يخلينا نتفق و ننبسط تحياتي للجميع