رمضان بيجمعنا .. كافيه رمضان

كان سائق سيارة الـ BMW Z4 يقود سيارته بسرعة 225 كيلومتر بالساعة ثم اصطدم بكنغر ولكن الكنغر اختفى توقف صاحبنا السائق ليبحث عنه انزل تحت لتعرف اين وجد الكنغر ; ; ; ; ; الى كل من يقود سيارة بتهور ... هذا ما يحصل لكتلة وزنها 70 كيلوجرام اذا اصطدمت بالسيارة تسير بسرعة عالية

اقتباس: المشاركة الأصلية كتبت بواسطة عامر زلوم  الله يبارك فيك بس انا ما بعرف شو القصه ليكون حولت من هندسه للطب أهـــا بالزبط جبت معدل عالي بالتوجيهي 96.4 ، وكنت متأمل يطلعلي طب في الاردن ، على الاقل في مؤتة ( التي لا تتطلب معدلات عالية ) وللأسف على القبول الموحد ما طلعلي لا طب و لا طب اسنان ، طلعلي هندسة مدنية يومها عملت مناحة بالدار ، يا طب ( أو أسنان ) أو بعيـــد توجيهي والله هذاك يوم ما خلينا محل الا دورنا على بعثات وطلعلي باليمن و ليبيا و مصر و سورية الحبيبة ، بس سبحان الله قلبي ما اتطمّن ، وبالآخر طلعلي طب أسنان على معقد أبوي بالجامعة ، بس كان فيلم رعب مرتب

اقتباس: المشاركة الأصلية كتبت بواسطة شعاع الشمس  يـــا نيّالك والله أحسنلك ، كثير متعب هالصيفي الأجواء حارّة و الأخلاق رديئة و رمضان خلاله الحمد لله طب الأسنان ماشي الحال ، لكن بصعوبة ... بكرة تسجيلي للسنة الثالثة وما أدراك ما السنة الثالثة والله يامعتز الاخلاق الرديئة لا علاقة لها برمضان , بس بعض الناس بسواها حجة , اليوم جيت دفعت الرسوم , وشوف العالم و زحمة وبصرخوا شي غريب عالفكرة كتابك البيو كميستري بعدوا عندي بدك ياه

أنا داري يا رجل يعني نفس الطابور و نفس الطلاب ، بغير رمضان هدوء و التزام ، برمضان صراخ و صياح ، وتلاقي الي بصرخ مفطر كمان ، أنا داري لأ والي بقهر ، فتت على الجامعة بحكي انه اليوم رمضان ، رح البنات يحتشمن باللبس و الشباب يبطلوا يقعدوا مع البنات ، فتت الله وكيلك التبرج زاد و الشباب يلي بتقعد مع البنات كثرت ( وبالأماكن المخفيّة ) يا رجل اخلاق ما في بالمرة طبعا عداك عن الي مفطر و بتفاخر انه مفطر والله يا جماعة الجامعة قمة الفساد في المجتمع الله يحفظ الجميع ... كتاب البيو كم ، انســـــــــــى خليه معك ، بيعه ، مزعه ، احرقه ، لف فيه عرنوس المهم ما أشوفه

اقتباس: المشاركة الأصلية كتبت بواسطة شعاع الشمس  أنا داري يا رجل يعني نفس الطابور و نفس الطلاب ، بغير رمضان هدوء و التزام ، برمضان صراخ و صياح ، وتلاقي الي بصرخ مفطر كمان ، أنا داري لأ والي بقهر ، فتت على الجامعة بحكي انه اليوم رمضان ، رح البنات يحتشمن باللبس و الشباب يبطلوا يقعدوا مع البنات ، فتت الله وكيلك التبرج زاد و الشباب يلي بتقعد مع البنات كثرت ( وبالأماكن المخفيّة ) يا رجل اخلاق ما في بالمرة طبعا عداك عن الي مفطر و بتفاخر انه مفطر والله يا جماعة الجامعة قمة الفساد في المجتمع الله يحفظ الجميع ... كتاب البيو كم ، انســـــــــــى خليه معك ، بيعه ، مزعه ، احرقه ، لف فيه عرنوس المهم ما أشوفه هههههه شكلك بتحب البيو كميستري من الاخر بالنسبة لموضوع اللبس والشباب والبنات وهيك شغلات , يعني اذا رحت وناقشة واحد فيهم بالموضوع بيحكيلك ان هو متطور واروبي وعالمي وبتبدى المصطلاحات الي هو مش فاهمه , الله بعين ,

هههههههههههههههههههه والله حبيتها البيو كم ، لكن من ورا دكتور الجيناتكس كرهتها كثيييييييييييييييييير شو بدك تعمل ، الحضارة صارت بالهمالة وقلّة الأدب ، والي محافظ صار متخلف ومعقد بس بكرة يوم القيامة بنشوف مين المعقد المتخلف ومين المتطور

شكل السحور رح عليكم

البيو كمستري عنا رعب بكلية الطب بكرهوها عالمسبحه كلها ...عنا 3 اجزاء ...عندكم هيك كمان ؟ سنان اليوم شو طابخلنا ؟؟ صراصير جرادين ولا شو

مـــا أدري كيف عند جمـــاعة الطب البشري لكن عندنا في طب الأسنان في مادتين ، البيو كمستري و الجيناتكس ( الوراثة ) هذول مرتبطات ببعض ، والطلاب بكرهوهــا عالمسبحة ، وأغلب الرسوب فيهن بس انا شخصيّا حبيتهن ، كثير حلوات وممتعات ، لكن دكتور الجيناتكس كان زنخ و ما بنطاق

ما بنطاق ؟ طيب حط سلم بتعرفه تطوقه لا عنا بيوكمستري نفس الماده 3 اجزاء في جزء منها بتذكر اسمها حيوية استقلابية