مناقشة الأحوال الجوية الحاليه والمتوقعه من 1 شباط وحتى 10 شباط لعام 2013

اللهم يا باسط الارض ورافع السماء يا عزيز يا قوي يا جبار ان تجعل اوروبا تعيش مرتفعات جوية واحترار طيلة فصل الشتاء وان تزيل العوائق بيننا و بين القطب . . .

اقتباس: المشاركة الأصلية كتبت بواسطة nadel.ryahi   اللهم يا باسط الارض ورافع السماء يا عزيز يا قوي يا جبار ان تجعل اوروبا تعيش مرتفعات جوية واحترار طيلة فصل الشتاء وان تزيل العوائق بيننا و بين القطب . . . على فكرة همه ما بحبوا الثلج والشتاء كثير , عندي صديق على الفيسبوك من المانيا بحكي انهم بشتهوا يشوفوا الشمس والمرتفعات الجوية وما بحبوا الثلج على خلافنا احنا سبحان الله كل واحد بحب اجواء الثاني

الأجواء الضـبابيه هـنا في نـابلس فـي هذه السـاعه ___

اقتباس: المشاركة الأصلية كتبت بواسطة Weather Fan  على فكرة همه ما بحبوا الثلج والشتاء كثير , عندي صديق على الفيسبوك من المانيا بحكي انهم بشتهوا يشوفوا الشمس والمرتفعات الجوية وما بحبوا الثلج على خلافنا احنا سبحان الله كل واحد بحب اجواء الثاني والله يا عزيزي اني بشوف القرامي مكومة عالبلكونة و بتحسر و بقول ( متى يحين موعد حرقهنّ واضرام النار فيهنّ ) وانتة عارف ( ولا يهونوا الموجودين ) انو بدون فعاليات جوية ما بيزبط توليع النار .... الحمد لله على كل حال ونسأل الله من فضله

أجواء باردة ورطوبة عالية جدا وتشكل للندى بكثافة ..

بعد معاناة كبيرة قدرت اتابع بعض من خرائط الاوروبي لفت انتباهي خريطة 216 و 240 ساعة بصراحة الامور مربكة وحتى الاوروبي يراوح مكانه و لا يتجرا لان الامور مش واضحة عالاقل ل240 ساعة المرتفع الموجود بخريطة 20-2 نلاحظ انو لو يتحرك ليصبح على اوروبا قد يكون الشرق الاوروبي و منطقتنا في مرمى القطب لكن شريطة عدم تدخل و ازعاج من السيبيري الذي بدا بالتراجع حسب الخرائط بالتالي ممكن يكون عنا سيبيري من الشرق مرتفع بوسط و شمال اوروبا بقايا منخفض القطع شرق الاطلسي ننعم ان شاء الله بنزول عن طريق الشرق ... طبعا شريطة تحرك المنخفض الواضح غرب غرينلاند اللي هو اساس السيناريو دون اغفال دور منخفض القطع واذا تم ذلك نزول لشرق اوروبا و المنطقة طبيعته وقوته مستحيل نحكي فيها و حتى هذا السيناريو لا اعرف ما مصيره و بصراحة منخفض القطع الاطلسي عجقني كثير ... لهيك بدنا نستنى و نشوف اذا في مجال يتحقق واذا تحقق اتوقع تاثيره جيد جدا عالمنطقة بس معلومة صغيرة انا ما عندي خبرة ولا امكانيات كبيرة بالتحليل لكن طبيعة النظام الموجود عالخرائط استفزني لهيك سامحونا اذا في اخطاء و يا ريت النصيحة قبل الحكم تحياتي جميعا

اقتباس: المشاركة الأصلية كتبت بواسطة Weather Fan  على فكرة همه ما بحبوا الثلج والشتاء كثير , عندي صديق على الفيسبوك من المانيا بحكي انهم بشتهوا يشوفوا الشمس والمرتفعات الجوية وما بحبوا الثلج على خلافنا احنا سبحان الله كل واحد بحب اجواء الثاني لو انو مناخنا مثل مناخ اوروبا والثلج بشكل شبه يومي رح تزهقو ويمكن تكرهو حتى.. واتقول مشان الله اطلعي يا شمس ** الحرارة انخفضت بشكل كببير مع ساعات العصر واصبحت الاجواء غاائمة وباردة نسبيا قلقيلية

من خلال متابعتي مباراه ليل وليون الان في الدوري الفرنسي بدأت الثلوج تتساقط عندهم نيالهم وعقبال عندنا

اقتباس: المشاركة الأصلية كتبت بواسطة يزن 2012  لو انو مناخنا مثل مناخ اوروبا والثلج بشكل شبه يومي رح تزهقو ويمكن تكرهو حتى.. واتقول مشان الله اطلعي يا شمس ** الحرارة انخفضت بشكل كببير مع ساعات العصر واصبحت الاجواء غاائمة وباردة نسبيا قلقيلية دغدغت مشاعرنا .. هو احنا بهذيك الساعة اخ يزن . . . ظهور السحب من الجهة الغربية واجواء مائلة للبرودة

قال الرسول صلى الله عليه وسلم لا تتركوا النار في بيوتكم حين تنامون في اخر تحديث للارصاد حالات جويه ضعيفه http://met.jometeo.gov.jo/jometeo/a_main