مناقشة الأحوال الجوية الحاليه والمتوقعه في شهر كانون اول / ديسمبر/ 2016

السلام عليكم اجواء غائمه كليا وانقلاب على الاجواء هنا في القدس مع بدء تساقط امطار خفيفه جدا او رذاذ درجة الحراره 13 مئويه والرطوبه 62%

تساقط الثلوج في ريف دمشق قبل قليل من يبرود ورنكوس

الان امطار متوسطه في اربد والحمدلله ❤ واجواء بارده

امطار غزيرة في شمال غزة ولله الحمد والمنة والشكر

اقتباس: المشاركة الأصلية كتبت بواسطة abo naber  يعطيكو العافية جميعا الحقيقة تعمدت التزم الصمت بآخر التحديثات حتى ما انجر زيادة خصوصا مع بعض القلق اللي كان عندب و حتى كمان احاول اقرا افكاركو وتحليلاتكو بتمعن صراحة يا شباب ما في معطيات او قيم اجتماعها او وجودها بجيبلنا ثلج او اشي كبير لباب البيت ، في ديناميكية معينة لحركة الكتل موجودة و مؤثرة للاسف احيانا مننساها منحكي تذبذب القطب و شمال الاطلسي و غيرو نازلين او طالعين معناها رح يكون في منخفض محرز و كانها حسبة رياضية منضرب ومنجمع ومنطرح لو القيم ( وعلى اساس انها ثابتة و على اساس انها مدخلات) بتوحي باشي منيح عالمنطقة و النماذج ما عبت راسنا وما وضعت خرائط و رسمات زي ما بدنا فانا مع النماذج و ساتبعها لانها تعالج بطريق ديناميكية ، بعض المعطيات تشير لتاثر المنطقة بكتلة هوائية باردة وبس هذا لا يعني انو تاثيرها رح يكون الافضل ، مطول عمرنا منحكي انو احنا منتبع لنظام فرعي و ثانوي فيما يخص التفاصيل اكثر من النظام العام للامانة كان واضح من البداية في سلبيات مؤثرة هي لا تمنع تاثرنا بحالة لكن ربما تؤثر بقوتها و نوعيتها ، كيف بدنا نشوف الاثر ؟؟؟ منتابع النماذج والنماذج متراوحة بين عدة احتمالات كلها واردة ومنطقية وخصوصا احتمال تشريق الحالة اللي بشوف الكل بطنشو ما بعرف ليه ، سيناريو انطرح اكثر من مرة اذا الو نسبة وهو وارد ، برايي سيناريو الاوروبي المسائي يوم امس من افضل السيناريوهات اللي ممكن نحصل عليها وكنت اتمنى ثباته سينلريو رائع فعلا ورطب جدا بزاوية اندفاع جميلة الآن لازم نتابع بدون تشائم وبدون تفائل و بدون تمني مش شرط اذا في حالة كانت عادية وقلبت ثلجة قبل بيومين يعني هالاشي رح يتكرر ، ما تضغطو عحالكو وانسو موضوع الثلج لانو بعض التحديثات ولاكثر من مرة الهطول المطري فيها مهدد ، وغير هيك للآن ولا سيناريو انوضع كان ثلجي اصلا ... اتمنى منخفض تزيد كمية الامطار فيه احسن من اي اشي ، اصلا من متى بتثلج بهالشهر ومن متى بتشتي اصلا بهالشهر بالاعوام الاخيرة كان دايما يكون اقل لشهر الشتاء الحمدلله عكل اشي و اللي جاي رح نفرح فيه مهما كان بكفينا نستشعر الاجواء الرطبة و الغيوم وان شاء الله تنقلب كل المعطيات ويجينا منخفض دسم قطبي مين قايل لا من أفضل المشاركات في المناقشة ، أتمنى من الكل قراءتهـا

امطار خفيفه منذ حوالي ربع ساعه ولله الحمد ملكا لواء بني كنانه

تحول الجو لغائم مع نشاط على سرعة الرياح الغربيه الزرقاء

تساقط للامطار المتوسطه واجواء ملبده بالغيوم المتخفضه مدينة غزه