مناقشة الاحوال الجوية المتوقعة - الفترة ( 19- 29/1/2011)

يا جماعة الخير و بعدين ؟ 10000000 مرة قلنا ممنوع التحدث عن الأرتفاعات و يكتفى بذكر ( المناطق العالية/اللمتوسطة ..........الخ ) ، يعني صدقتو انو راح يجي ثلج مثل ما بتتصوروا ؟ تذكروا ما ذكره أحد المختصين قبل قليل : تابعوا تحليلات المختصين و الموقع الرسمية ، و من المبكر جدا التحدث عن الأرتفاعات . و لكم فائق الأحترام .

النا شهر بنستنا المطر وبس اجا المطر صار بدكم ثلج؟ انا كمان بدي ثلج بس مش راح ازعل اذا ما ثلجت المهم انا تمطر هلأ

لاحظوا الحرارة يا شباب في الفترة الواقعة بين 27 / 1 الى 3 / 2 ستصل الصفر المئوي هذا اذا لم تتدنى أكثر من ذلك ..

يا اخوان صلو على النبي التوقعات بعيدة وقابلة للتغيير بشكل كبير جداً وممكن لا قدر الله ما يحصل اللي بتتمنوه خلينا رجاء بالمنخفض اللي راح يشرف يوم السبت وبعد هيك لكل حادث حديث

تذكير بأداء بعض المحطات في المملكة وفلسطين .. ويظهر الضعف الواضح لأداء الموسم .. حيث النسب هنا مقاسة نسبة إلى الأداء الافتراضي حتى هذا الوقت من الموسم .. فما بالكم الاداء نسبة للموسم ككل .. أسألوا الله أن يرزقنا الأمطار فنحن بأمس الحاجة لكل قطرة .. بدلا من تكرار السؤال عن الثلوج نتمنى أن يختم كل واحد فينا مشاركته بالدعاء .. اللهم اسقنا الغيث ولا تجعلنا من القانطين غيثا مغيثا عاجلا غير آجل المحطة الاداء "لتاريخه" رأس منيف 38% اربد 81% الرمثا 58% السلط 41% صويلح 48% الرّبه 27% الشوبك 25% وهذا جدول للأداء في بعض مناطق فلسطين المحطة الأداء لتاريخه القدس 41.3% جنين 72.2% نابلس 67.6% الخليل 49.5% حيفا 68% طبريا 66% المناطق المحتلة المتاخمة لشمال غزة 46%

لسا الاداء بفلسطين افضل حالا من الاردن الله يرزقنا الامطار

اللهم اسقنا الغيث ولا تجعلنا من القانطين غيثا مغيثا عاجلا غير آجل

يا اخوان لا تحتارو بموضوع التلج احتارو بموضوع المطر الي بندعو الله ان يأتينا برحمته ويرسل الينا السحب الماطره اهم بكثير من الثلوج الي بتعطل السير و بتكسر الشجر وبنقطع الناس في الطرقات بالبرد وحوادث السير الي بتكتر و الناس الفقيره الي مامعها تشغل المدافئ وبتضل بردانه بعد التلج الي بصير صقيع نحن بفضل الله ربنا ميسرنا الامور وبننبسط بالتلج وبنلعب و بالليل بنتدفا لكن لا ننسا الأخرين يا اخوان ادعو الله ان يرسل المطر الينا ويجعلها سقيا خير تروي عطش الارض و السدود

السلام عليكم كل التحيه والاحترام للشباب مش مقصرين ابدا الله يعطيكو الجميع العافيه طولو بالكو وقولو يا رب ترزقنا من عندك الخير لانه سبحانه كل اشي من عنده خير غدا ان شاء الله هناك امطار قد تكون محليه وتبدا يعني الفعاليه للمنخفض فجر الاحد او قبل بقليل وامطار خير باذن الله وبالنسبه للثلوج دعوها اولا لله وثم لاقتراب الفتره لانه في شروط تحققت وشروط لا وندعو الله ان تكون امطار خير تعوضنا عن ما فاتنا ملاحظه : تنبىء صديق لي من المنتدى بانه هناك ثلوج في بدايه شهر 2 وهالحكي صارله حوالي 12 يوم وان حصل باذن ساصرح باسمه لانه كان عنده يقين بهالحكي يارب يسمع منه ومنا تحيتي لجميع الاخوان

اخر مشاركه قبل 17 دقيقة بطّل حدا يحكي ان شاء الله يجي مطر مش ثلج انا مش مهتم كثيراً بكون المنخفضات ثلوج او امطار المهم يكون المخزون المائي جيد عشان ما نتغلب بالصيفيه مع وزارة المياه كل يوم نحكي معهم مليون مره وين المي وين المي