مناقشة توقعات وأحوال الطقس خلال شهر كانون أول / ديسمبر 2019

اسمبلز جفس بدء التحديث الأن لعله يخالف جفس ويتوقع هطول افضل لنتابع ...

بلا انسامبل بلا حتمي الي ببني توقعاته ع منخفضات بعد 10 ايام عشو متاكد وباني ثقه!!!! منخفضات في بحر الاسبوع مش متفقات النماذج عليهن وحدوا الله وخلصونا من هالشغله كل موسم يا خوفي بكرا الصبح النماذج تلغي الامطار الشامله

السلام عليكم اجواء مشمسة مع بعض البرودة هنا تلاع العلي بالنسبة للتحديثات اضن اليوم مسائا ستكون الصورة اوضح وبشكل عام منخفض اعتيادي من الدرجة الثانية يؤثر على المملكة منتصف الاسبوع المقبل والله اعلم

اقتباس: المشاركة الأصلية كتبت بواسطة gaint  بلا انسامبل بلا حتمي الي ببني توقعاته ع منخفضات بعد 10 ايام عشو متاكد وباني ثقه!!!! منخفضات في بحر الاسبوع مش متفقات النماذج عليهن وحدوا الله وخلصونا من هالشغله كل موسم يا خوفي بكرا الصبح النماذج تلغي الامطار الشامله لكل شخص حرية التحليل اذا مبني على دليل علمي بعدين مفروض تكون تعودت وعرفت متى ومن مين تاخذ التحليلات

اقتباس: المشاركة الأصلية كتبت بواسطة amh   اسمبلز جفس بدء التحديث الأن لعله يخالف جفس ويتوقع هطول افضل لنتابع ... للاسف حتى اللحظة تراجع بالمنخفض الأول و تحسن والحمد لله للمنخفض او الجبهة الثانية الصباحي الجمعة الظهيرة تحسن للمناطق الشمالية و لفلسطين وسواحلها وعدم تعمق الهطول الى الداخل الأردني تحسن ملحوظ على الهطول يوم الخميس شامل كل المناطق ان شاء الله تراجع للأسف ليوم الجمعة والله أعلم

انصحكو نصيحه من هون ورايح اكتبو النموذج الفلاني يتوقع كذا كذا واحتمال التوقع يتغير بالتحديث التالي لاتنسبو التوقعات لبعضكم بلاش تضلو تتهاوشوا وتلومو بعض ههههههه

ارجو الانتظار حتى اكتمال التحديث فالواضح انه هنالك تحسن من انسامبيل جفس بالمجمل

الله يسعد مساكم اخواني .. والله الواحد مهو عارف ايش يسوي معكم ؟ اذا حطلكم خرائط مدفوعه بتهاجمو واذا حطلكم مجاني بتهاجمو اذا توقع بعيد بتهاجموا اذا تراجع النموذج بتهاجموا ... الواحد فينا عنده مسؤوليات اكثر من بعضكم وبرفض يترككم بالشك وبصير ينزل ويقعد ورا خريطه ربع ساعه يقرا ويتوقع ويحلل .. الكلام مش عني ك هشام .. والله انا من الناس بتفرقش عندي انتقدني للصبح ( تمسحت ) .. بس يعني شايفين كمية الانسحابات الي صارت بالمنتدى؟ ملاحظين كمية الإنطفاء وقله الشغف ؟ زي هيك وقت من ثلاث سنوات كنت عكل تحديث امشيلي ١٠ صفحات وهلا شو ؟؟؟؟؟؟؟ منطقتنا صعبة غصبا عن مين ومين احنا عروض دنيا و٧٠٠ اشي وقاعده ليتحقق شوي من الي بنفس حضرتك . إلي بده يشوف توقع فلان وعجبو يحطلوا شكرا ... فش داعي للهمز واللمز والعضويات البديله ومناجاة الاشراف والتطاول على بعضنا ... يخوان اقل واحد فينا عمرو صار فوق ٢٣ واذا بتحسب معدل اعمار الاعضاء بتلاقيهم فوق ٣٠ سنة ... الاغلب صار ... ( غالبيه صامتة ) لانه مل .. وزهق .. وعاف حالو وبعدين والله الواحد بقعد معكم اكثر من اهلو قسما بجلال الله بشحن نت مرتين بالشهر قد ما برفع صور وورق وتحليل وريفريش وصخام البين .. والي مثلي كتااااااااااااااار ... خلص فكونا من هالقصص.. كل واحد بعرف انه تحديث وممكن يتراجع وممكن يتحسن .. الكل بستنى التاني ع غلط .. ان الإشراف بلش فينا ما بنسكت .. واذا الاشراف سابنا براحتنا بندق ببعض . وجلال الله انك يا هوريكان شطبتلي مشاركتين ماراجعتك وعادي .. يخوان ارموا ورا ضهركم في كتييييييير قصص بحياتنا بتستاهل تاخد من اعصابك اكثر من مجرد تحديث ورقة تحديث ... عادي وتراجع المنخفض وتحسن المنخفض شووو يعني ؟؟؟؟؟؟ كل شيء مكتوب بقدر لازم ندعي مش لازم ندق ببعض .. والله ياناس ياعالم الوفق بجيب الرزق .. اعذروني بس واقفه بحلقي من سنين هالشغله نقطة وسطر جديد .

حسب جفس منتصف النهار أمطار ممتازه اعتبارا من مساء الأربعاء وحتى صباح الجمعه وهنالك حاله غير واضحه مع نهاية العام

والله مابلوم حدا يزعل عالتحديثات لان بكون حاط بمخيلته منخفض عميق وجبهات وقصص ويرسم بمخيلته عاصفه ثلجيه هاذ قبل النوم بصبح بلاقيش اشي هههههه