مناقشة الأحوال الجوية السائدة والمتوقعه خلال شهر كانون الثاني/يناير 2023

اقتباس: المشاركة الأصلية كتبت بواسطة Rain  والله يا اخي جميعنا مكتئبين من الطقس ولست لوحدك ولكن انا شخصيا لا اظهر ذلك، فالطقس صباحا كان اقرب لشهر 7 من حيث نقاء الاجواء بشكل كامل وهذا بحد ذاته مسبب للكئابة لمحبي الشتاء. وبخصوص الاطلسي سلوكه فقط ما يهم وليس الايجابية او السلبي بحد ذاتها، والنمط العام للغلاف الجوي السائد هذا العام حتى الان سيئ لمنطقة بلاد الشام سواء كان الاطلسي ايجابي ام سلبي فالنمط العام ليس لصالحنا يا رجل لما برجع للارشيف وبشوف النزولات والعواصف الي اثرت علينا وسلاسة النزولات من 2015 للحين هي 7 سنين ما في نزول مرتاح يقعد يومين ثلاث كلهن اطراف نزولات او نزولات سريعة جدا..... نشاط تونس والجزائر بقعد المنخفض اسبوع اسبوعين زي ايام زمان بحس الغلاف والمناخ ما تغير الا علينا احنا بس استغفرالله العظيم واتوب اليه

لا أدري .. لكني متفائل .. الامور واقفة على شعرة و لسة في قدامنا وقت مرتب .. بس شوية صبر و جميعنا رح نفرح بإذن الله

أراكم الشتاء القادم ان شاء الله لم يعد استطاعتي تحمل كل هذا خلص خليني أصيف ولا حول ولا قوة الا بالله

الاوروبي قبل قليل (ECMWF ENS - Global Control) لمطلع الشهر تحديث جيد مطرياً نسأل الله من فضله

[IMG][/IMG] حتى العصافير عندي مفكره دخلنا بآذار عششت وباضت

تحديث جيد من المناخي الامريكي cfs حيث يتوقع فترة باردة بتاريخ 4/2 هذا النموذج في التحديثات السابقة كان يطرح سيناريوهات سيئة ربنا كريم

اقتباس: المشاركة الأصلية كتبت بواسطة gaint  يا رجل لما برجع للارشيف وبشوف النزولات والعواصف الي اثرت علينا وسلاسة النزولات من 2015 للحين هي 7 سنين ما في نزول مرتاح يقعد يومين ثلاث كلهن اطراف نزولات او نزولات سريعة جدا..... نشاط تونس والجزائر بقعد المنخفض اسبوع اسبوعين زي ايام زمان بحس الغلاف والمناخ ما تغير الا علينا احنا بس استغفرالله العظيم واتوب اليه لانك بتقارن فلسطين والاردن بشمال تونس والجزائر بس هذه مقارنة غلط لانه شمال الجزائر وتونس بقابلو جنوب تركيا واقصى شمال سوريا، انا حسب ما ارى البرودة تتعمق نواحي بلاد الشام بسلاسة افضل من المغرب العربي بسبب قربنا على روسيا والمناخ القاري لتلك المناطق ولانه مافي بشمالنا بحر فمنطقتنا قابلة لحدوث برودة شاذه شتاء باحتمالات اعلى من تعرض المغرب العربي لها والله اعلم، اما المغرب فهي اقرب على المحيط الاطلسي وابعد عن سيبييا وروسيا والبرودة القادمة من هناك تحتاج مسافة اعلى للوصول

الارصاد الجوية #منخفض_جوي محمل #بالامطار و #الثلوج الأسبوع القادم ▬▬▬▬▬▬▬▬▬▬▬ المتنبئ الجوي حسان الجردي: تحافظ الاجواء على استقرارها حتى نهاية الأسبوع، بعدها تكون البلاد على موعد مع #منخفض جوي #قطبي متكامل العناصر ومحمّل بالأمطار والهطولات الثلجية اعتباراً من يوم #الإثنين القادم. خبروه لحسان الجردي التوقعات تراجعت

اقتباس: المشاركة الأصلية كتبت بواسطة gaint  بشتغل بنص كم في عز المربعانية.... ليكون احنا مخربطين واحنا بشهر نيسان يا جماعة؟؟؟!!! لا ولله ما انت مخربط انا زيك بنص كم بشتغل

اقتباس: المشاركة الأصلية كتبت بواسطة gaint  لما الايطالي يوم الخميس الماضي ما توقع اي نشاط علينا كلنا استهبلناه واولكوا حضرتي طلع هو الي مستهبل علينا نموذج عملاق انسونا من العواطف لو بدها تشتي لغيمت.... نزولات مطعوجة طعج لما بتقرب على الحدود بتوقف... حتى المطر كله في البحر ولما يصل الحدود بختفي..... اي ذنب عظيم اقترفناه؟؟؟ الله اعلم عندي سؤال؟؟؟؟ عواصف الاطلسي ما بينت الا بعد 2015 شو السبب؟؟؟ معقول الاحترار لمياه الاطلسي فوق المعدل هي السبب ولا شو.... بطلت افهم انا....!!!!! موسم ال 92 الي كان علينا تونس والجزائر جابنوا في اسبوعين سبحان الله قيم غاد ع القبان هيك خرائط وهيك موسم متوفي اصلا ان ظلت التحديثات متوفيه لبكرا... راح تتغير كل التوقعات لشباط وعلموا ع كلامي.... طبعا بكتب من القهر والله كل عضو في المنتدى بدو ينجلط حسبي الله ونعم الوكيل طول بالك يا رجل و روق ، اللي انت بتحكي في هوه العاطفه ، الايطالي لا عملاق ولا اشي الايطالي طبل للفترة الماضيه و لساته قاعد بطبل ، قارن توقعاته للاسبوع هاد ( من 26 و حتى نهاية الشهر و هي فتره قريبه لمتوسطه من الحتميات ) رح تعرف انه توقعاته مش صح و متوقع الزخم بهالفتره للغرب الاوروبي ثم للوسط و هاذ الاشي مش ظاهر عالحتميات ابداً ( النشاط للوسط فقط و اطراف صغيره للغرب )، طبعاً بالمقابل الاوروبي الاسبوعي جابها صح بنسبة عاليه جداً و بالنسبة للفترة اللي بعدها اللي انبسطنالها احنا بتحديث الاوروبي و حكينا عن الايطالي ضايل عليها لتبلش 10 ايام كاملات ، و قارن هالصورتين هدول بالحتميات و شوف بتعرف انه الايطالي لا عملاق ولا اشي ، و بنرجع بنقيمهم بس نصير قراب عالفترة او تبلش اقل ما فيها ، اما تحكم من الان هاي اللي اسمها عاطفه، تحياتي