|
اقتباس: المشاركة الأصلية كتبت بواسطة Ezio
حاب أعلق على نقطة بس رفعها أخونا أبو النبر.
بالنسبة لموضوع القيم الشمالية وترجمتها، صحيح أنها هي جزء من المخرجات زي المعطيات الديناميكية الأخرى، ولكن يجب أن لا ننسى إنو إحنا كمحللين ومتنبئين هواة ما منحاول "نقرأ" الخرائط وحسب، إحنا منحاول نترجمها إلى تنبؤ وتحليل جوي يتناسب مع المنطقة والمعطيات المرسومة على الخرائط، ولا لو كانت مهمتنا بس قراءة الخرائط كما هي كان تركنا النشرة الجوية تكتب من حواسيب مبرمجة وترجمتها للخرائط كما هي تماما. التحليل والتنبؤ أكثر من قراءة خرائط وحسب، بل هي نظرة وربط العوامل وبناء صورة متكاملة عن حالة جوية معينة من خلال ربطها بجميع العوامل الأخرى المحيطة وديناميكية الغلاف الجوي السائد. وهنا يدخل عامل الخبرة الزمنية والخبرة المكانية في الحسبان، وهو بقدر أهمية الخرائط نفسها.
يجب أن لا ننسى أن النماذج الجوية في النهاية هي تعالج المعطيات والبيانات الأولية بناءا على معادلات فيزيائية ونظريات توصل إليها بشر، ولا زال فيها العديد من الثغرات والمحددات والتي لا بد للمتنبئ الجوي أن يملأها بعلمه وخبرته وقرائته ونظرته التي تتجاوز المعطيات الآنية والألوان والرسومات فقط.
هذا رأيي الشخصي، والخلاف لا يفسد للود قضية، ويا أهلا بسهلا بكل النقاشات والاختلافات البناءة.
|
كلامك صحيح ما اختلفنا
بس نقطتي انا قصدي فيها انو اللي بعتمد عالقيم الشمالية معامل انتقل للمحايد و آخر طلع للايجاب يعني رح يصير هيك او معامل نزل للسلب و الثاني ايجاب يعني فرصة نشاط قوي .. صحيح هي بتدل على احتمالية لكن عشان نعرف كم وكيف لازم نتابع النماذج و ديناميكيتها و ما بصير نحكي النموذج الفلاني توقعاتو مش مزبوطة عشان القيم الشمالية مخالفة
بالنهاية القيم بتتغير كل يوم وكل تحديث و هي نتاج او بالاحرى مخرجات للتحديث وليس العكس
انت بتحكي بكيفية تحليل الخرائط وعدم قرائتها حرفيا وهذا صحيح واغلبنا منعملو ، وللا لو ما منعملو كان منتطلع عخرائط الهطول وخلص .. بس مش هذا اللي قصدتو بكلامي
تحياتي
رد: مناقشة الأحوال الجوية الحاليه والمتوقعه في شهر كانون اول / ديسمبر/ 2016
العرض العادي
