مناقشة توقعات وأحوال الطقس خلال شهر كانون أول / ديسمبر 2019

اقتباس: المشاركة الأصلية كتبت بواسطة gaint  السلام عليكم ورحمه الله اهل الوسط والجنوب الفلسطيني والاردني مريحين راسهم اليوم لحد بكرا الظهر بعد هيك ببلشوا ان حصل تاخير لا قدر الله ههههههه ع كل حال..... زمان ايام التسعينات كنا نسمع النشره الجويه من التلفزيون الاردني ونستناها ع احر من الجمر. كان الله يرحمه علي عبنده وغيره لما يكون في منخفض قطبي ويقول في ثلوج بعد عده ايام يضل ثابت بامر الله ومع دخول المنخفض يقولوا الثلوج تبدا مساءا او صباحا او ظهرا فتبلش ع الموعد سبحان الله وكانه زمانهم الدقه افضل من الان رغم التطور التكنولوجي الهائل ....بصراحه كانوا خبره يا عمي مع احترامنا لجيل اليوم لا تنسوا صلاه العشاء فمن صلاها في جماعه كمن قام نصف الليل ولا خبرة ولا إشي أخي الكريم كلها قراء نماذج أيامهم وأيامنا وذا أخطأت النماذج يخطئ القارئ وإذا أصابت يصيب أذكر جيدا منتصف التسعينات خرج المرحوم على عبندة قبل وقت الغروب وذكر بأن جبهة قطبية شديدة البرودة ستعبر بعد ساعات قليلة وستصبح الأردن بيضاء ما عدى العقبة والاغوار والثلوج أقل من ٥٠٠متر وليلتها ما حد نام وهو بستنا بالثلوج والله لا يوريك حتى مطر ما نزل والصبح شمس ولا كأنو في ايشي والكل داوم والوجوه عابسة وعلى البث المباشر على الراديو كان مقدم البرنامج غاضب جدا ومسح الأرض في الأرصاد الجوية في اتصال معهم. فالأخطاء ستبقى قديما وحديثا في النشرات الجوية.

تحديث جيد من جفس ويبدو هالمره صايبه ان شاء الله

الامطار مستمره ولله الحمد يصاحبها البرق والرعد

تطور الخلايا غريب على الرادار الأمطار بتشد وبتهدا قلقيلية

اقتباس: المشاركة الأصلية كتبت بواسطة gaint  تحديث جيد من جفس ويبدو هالمره صايبه ان شاء الله صايبة منذ البداية بامر الله الوضعية الجوية تسمح لكن التذبذب الحاصل يؤخر الحالة او يقدمها يومين نظراً لعدم ثبات مؤشر ao والله اعلم متابعين

الاختلاف الجوهري بين تحديث gfs الصباحي والمسائي لفترة بداية العام الجديد يعود إلى هبوط ضئيل بتوقعات معامل شمال الأطلسي فترة نهاية العام مما أضعف من حدة عواصف الأطلسي قليلا وسمح للكتلة بالتحرك جنوبا بشكل اكثر راحة. المقصود ان اي تغير بسيط بمعاملات شمال الأطلسي والقطب الشمالي قد يفرز نظام مختلف كليلا نهاية العام وبداية العام القادم.

أول 0.2 ملم بحمد الله بللت الشوارع بإنتظار البداية الفعلية

نقاط مطرية تهطل بين الحين و الاخر

اقتباس: المشاركة الأصلية كتبت بواسطة abo naber  المنخفض الآن شمال غرب قبرص بمركز صغير و دوران حاد للرياح الجنوبية الغربية حول جزيرة قبرص، الرطوبة البنائية لا زالت ضعيفة و محصورة شمال الاردن و فوق بشكل عام... هذا بالنسبة للمنخفض حاليا. اما بالنسبة للتوقعات فلازم نفهم و تتذكر شغلتين او ثلاث، اولا هامش الخطا بتوقيت حركة المنخفض و دخول الجبهات دايما موجود و متوقع و صعب تحديد توقيت صحيح لما تيجي تحسبها لمناطق معينة او اقاليم، و هذا امر المفروض اعتدنا عليه. ثانيا، لو حصل تاخير او تبكير او غيره، فلا تستنو جواب ليش و شو اللي صار و شو اللي راح يصير لانه صعب جدا حدا يتنبأ بشيء مجهول زي هيك، اذا كانت الخرائط العالمية عجزت احنا بدنا نعطيكو جواب؟ بكل امانة و من وجهى نظري ما حدا بقدر و ولا حدا عندو جواب يكون دقيق، ممكن نعطي انماط و توقعات معينة بنائا على خبرات سابقة غير هيك ما في بايد المحلل كثير، احنا هون منحلل نماذج و خرائط، يعني مستندين عبيانات معينة، اما نرسم مسار و توقع و فعالية منخفض مع توقع سيناريوهات الخطأ و التغييرات على ارض الواقع اثناء الحالة فهذا مستحيل تقريبا. ثالثا، الصبر و معرفة متى نخاف، لما تكون حالة سريعة و توقعاتها مش متفق عليها مثلا و صار في تاخير اه خافو طبيعي، اما بحالات زي هيك فطبيعي خط الامان اعلى بكثير و حتى لو صار في تراجع او تاخير حتى النتيجة ما بتبين اللا مع مرور جزء من المنخفض او كلله، فمش كلشي منقدر نحكم عليه من بدايته. المنخفض طويل شوي و لساه باوله بل حتى ما بدا، اصبروا شوي و استمتعوا، و في حال صار ما صار وقتيها اشي ثاني، و بس سلامتكم اجمل مشاركة أراها منذ موسمين..

اجواء عاصفة جداااا ومغبرة بشكل كبيررر منذ الصباح الباكر حتى الحظة