::: مناقشة الأحوال الجوية السائدة والمتوقعة في شهر كانون أول / ديسمبر 2015 :::

ما حدا ييجي بأليكسا اليكسا كانت عاصفة قوية ، تركيزها كان بشكل اساسي على مرتفعات البلقاء وجنوب عجلون اذ وصلت التراكمات الثلجية الى المتر والنصف في قمم السلط وجنوب عجلون ، بالدرجة الثانية كانت مرتفعات شمال عجلون (رأس منيف) وجرش وشمال عمان بتراكمات وصلت إلى ٨٠ سم مطرياً كانت قوية بكميات تراوحت بين ٢٠٠-٢٥٠ ملم في البلقاء وجنوب عجلون درجة الحرارة المرافقة لأليكسا كانت مرتفعة مقارنة بعاصفة جنى مثلاً ، عشان هيك عدي زعلان

عاصفة سعاد في طريقها الينا باذن الله

اقتباس: المشاركة الأصلية كتبت بواسطة Mutaz Al-Hanouty  ما حدا ييجي بأليكسا اليكسا كانت عاصفة قوية ، تركيزها كان بشكل اساسي على مرتفعات البلقاء وجنوب عجلون اذ وصلت التراكمات الثلجية الى المتر والنصف في قمم السلط وجنوب عجلون ، بالدرجة الثانية كانت مرتفعات شمال عجلون (رأس منيف) وجرش وشمال عمان بتراكمات وصلت إلى ٨٠ سم مطرياً كانت قوية بكميات تراوحت بين ٢٠٠-٢٥٠ ملم في البلقاء وجنوب عجلون درجة الحرارة المرافقة لأليكسا كانت مرتفعة مقارنة بعاصفة جنى مثلاً ، عشان هيك عدي زعلان قوية ع باب دارك يا خال ههههههه

مقارنتكم باليكسا...هل الحالة المتوقعة البعيدة القادمة فيها تشابه مثلا؟

اقتباس: المشاركة الأصلية كتبت بواسطة ثلج ومطر  مقارنتكم باليكسا...هل الحالة المتوقعة البعيدة القادمة فيها تشابه مثلا؟ بس تبين الحالة ياكبير : يارجل ممكن هالنزول ما يحظى بالرطوبة وناكل هوا شرقي مرتب صقييييييييييييييع مشان هيك بنقلكم إستغفروا الله وإدعوا

اشارات لحالة عدم استقرار تأثر بالدرجة الاولة على جنوب الحوض الشرقي للمتوسط حسب التحديثات المسائية لهذا اليوم جيدة ,, نهاية الاسبوع القادم الاربعاء / الخميس ناتجة عن موجة علوية في طبقة 500 هكتوباسكال تعمل على أثارة المنخفض المداري والتدخل كما هو واضح في الاوراق التالية ,, حوض علوي بارد 500 هكتوباسكال حركة الرياح في طبقة 850 هكتوباسكال واضح التدخل عبر وسط الجزيرة بتجاة جنوب بلاد الشام المملكة وفلسطين ونلاحظ مجموع الغطاء السحابي total كثيف فوق جنوب بلاد الشام خرائط الهطول التراكمي 12 ساعة فقط مبشرة بأمر الله ... وأن شاء الله خير ....

يا اخوان بالله عليكم سيبوكم من اليكسا وسيرتها ... اللي بده يقارن يقارن ب ١٩٩٢ اليكسا جابت ع مادبا ١٠ سم وخلصهم الشعب

اقتباس: المشاركة الأصلية كتبت بواسطة عدي ابو علي  قوية ع باب دارك يا خال ههههههه كانت شديدة ع باب داري شفت كل اشي كان نفسي فيه عشان هيك بقلك لا تيجي فيها ترا هي اول عاصفة بحياتي

مساء الخير للجميع...بعد اذن الادارة الكريمة.... الليلة السابقة صفحة اياد قليبو نشرت كلام الدكتور الخطيب عن سيدنا عمر والقنوط ونزول المطر....واليوم صفحة جو الاردن نشرت الصورة التي قام بتنزيلها احد اخواني في المنتدى حيث كانت تظهر سيارة بيضاء مغمورة داخل السيول في احدى مناطق شمال فلسطين....لا اعلم ما الحل مع اللصوص او لصوص اللصوص...

السلام عليكم جميعااااااااااا سادت اليوم اجواء غائمة وباردة وماطرة على فترات استمرت حتى سعات الظهيرة ثم تحولت لتصبح غائمة وباردة وصحوة حتى هذه الحظة