مناقشة الاحوال الجوية الباردة والعاصفة المتوقعة باذن الله بدءا من 16/2/2012

بالنسبة لجبال عجلون خلص وضعها أخد بالاستقرار من ناحية تماسك الخلايا واستمرار تأثيرها عليها لفترة كبيرة ان شاء الله.. ____________ مبارح بالاضافة لوجود سرعة قوية جدا في طبقات 200 و350 و400 الا انه لاحظت حركة الغيوم كانت جنوبي _جنوبي غربي خاصة شرق البحر المتوسط..مش غربي بحت مثل ما كان متوقع!! يمكن هاد أثر برضو على تماسكها وهي في الطريق للمنطقة ! والله أعلم

لازالت الثلوج المتوسطة تهطل هنا في الكرك

اقتباس: المشاركة الأصلية كتبت بواسطة snow_fall  هههههه طبعا زهقت بس انا مقتنع بشغله لو شو ما كانت التوزيعات مثاليه والمؤشرات مع وجود النينا على الفاضي لكن مع وجود ضعف النينو وسيادة حالة التعادل عندي امل وخصوصا بعد ما شفتوا كيف ربيع الموسم الماضي انقذ الموسم بالشمال وحسنه بالوسط بشكل كبير بمجرد ضعف في النينا بدون سلبيه في الاطلسي فما بالك ضعف نينا وسلبيه بالاطلسي برأيي ممكن يكون الوضع ممتاز وممكن على الفاضي (وهذا الاحتمال الاكثر حدوثا بمنطقتنا ) هو أكيد هالعوامل الها دور ما بنقدر ننكر .. بس مرات بتلاقي كل شي تبخر .. احنا هون على قولة المثل زي ام العريس بتغني وما بتفرح وبتطبخ وما بتوكل .. على كل حال من ملاحظتي للسنوات الآخيرة .. تآثير العوامل اللي حكيت انتا عنها بكون واضح على منطقتنا في الخريف والربيع .. بفصل الشتا بتلاقي تأثيره علينا مخربط ومتشتت .. اسمحلي هالمرة اتضامن معك واتفائل بربيع ممتاز بإذن الله ..

الوضع غير مبشر لمناطق الوسط لانا الخلايا تتلاشا كل ما دخلت مناطق الوسط

ماذا تحدث الكرشة عن اليلة وصباح وحتى مساء الغد

ما زالت الثلوج تتساقط بشكل خفيف الربه

طوش ثلجيه عنيفه في هذه اللحظات بين أصحاب المحلات التجاريه في صويلح ، بتعرفو يعني ما في بيع ولا حركة ، عشان هيك كل واحد نازل في جاره على الجهة الثانيه ..... طبعا لا أنصح حد إنو يمر من سوق صويلح عشان راح يطلع في تراكم ٥٠ سم على سيارته

الطرق الان مغلقه

اقتباس: المشاركة الأصلية كتبت بواسطة يـزيـد  هو أكيد هالعوامل الها دور ما بنقدر ننكر .. بس مرات بتلاقي كل شي تبخر .. احنا هون على قولة المثل زي ام العريس بتغني وما بتفرح وبتطبخ وما بتوكل .. على كل حال من ملاحظتي للسنوات الآخيرة .. تآثير العوامل اللي حكيت انتا عنها بكون واضح على منطقتنا في الخريف والربيع .. بفصل الشتا بتلاقي تأثيره علينا مخربط ومتشتت .. اسمحلي هالمرة اتضامن معك واتفائل بربيع ممتاز بإذن الله .. سمحتلك كلام سليم 100% وربيع مميز ان شاء الله لكن على القليله هاي العوامل بالشتاء راح تخلصنا من السلبيه للمنطقه