مناقشة توقعات وأحوال الطقس خلال شهر كانون ثاني / يناير 2020

اقتباس: المشاركة الأصلية كتبت بواسطة pioneer1987  اقسم بالله مستفزين لابعد الحدود!!!!!! تركتوا بكرة ونطيتوا للي بعده ووصلتوا لنص الشهر زالي صار يعيّش للالماني والي بقلك احنا دورنا بالمنخفض الي بعد ابن عم الي بده يجي كمان ١٠ ايام... جد مش هيك والله اذا في حالة السبت نسيناها مش هيك ياعمي خلي الناس تسولف زي مابعدها طالما ََمحترمين بعض لا تستفز ولا عبالك

والله مني عارف لما كنا ما نشم المطر ونشتاق للغيم بالأيام كنا نعيط وندق ببعض بالمنتدى ... وهلا لما ربنا أكرمنا مش عاجبنا العجب؟ وكلو بحط مشاركات الي متشائم وإلي مش عاجبه تحليل الشباب وإلي بطخ بالعقل بالمشاركات بفكر الناس ( هُبل ) ... عمي لا أنا ولا غيري باخد راتب هون كلنا واحد وكلنا بنتعلم من بعضنا بكفي ننغص غبعض وننكد عبعض يعني مش مكفيكم جايتنا ايام بارده جدا وحالات متتابعه ... بديش أقسم يمين معظم إنه هاذ الشهر رح يدخل التاريخ والارشيف عمعدل التراكمي للهطول المحتسب من الموسم .. خلص ملقت .... مش هيك يا جماعه الواحد عاد الاسطوانه ٧٠٠٠٠٠٠ مره محدش عاجبه إشي .. أقسم بالله إشي ببمقت .. ملللقتتتتتتتتت

النشره الجويه الرسميه بيت دجن لم تذكر في نشرتها ان الامطار سوف تشمل الجنوب أو حتى شمال النقب ، فقط الشمال والمركز ، هل طرأ تغيير على مسار الرياح ؟ عادة ما تتحول الرياح في آخر المنخفض الى شماليه غربيه لتخدم الجنوب ولكن حسب النشره الجويه ستكون الرياح جنوبيه غربيه !!!! ان شاء الله تشمل الامطار اهلنا في الجنوب ايضا الفلسطيني والاردني

اسعد الله مساءكم .. نزول يوم الاثنين بات يحظى بثبات نسبي و محل توافق انه عبر كريت و رغم اننا كنا نتمنى نزولا عبر تركيا لضمان الحفاظ على برودته القطبية و لكن سيناريو كريت يمكن ان يتطور ثلجيا في حالة هدوء قيم القطب ليتوغل الاندفاع جنوبا اكثر مخترقا السواحل المصرية الليبية الى الداخل اذ انه الان بالكاد يلامسهما كما في الصورة ادناه .. هل هناك وقت لتحسن زخم اندفاع النزول نحو الجنوب اكثر ؟؟ لا اعلم و لكن اتمنى ان يحدث ذلك... و لقد لاحظت ان طبقة 850 في تحديث جفس المسائي اكتسبت زخما افضل في اندفاعها جنوبا نحو ليبيا و مصر مقارنة بما سبق من تحديثات .. و هذا امر يشير ان تطورات طفيفة متلاحقة قد تضعنا في منظومة قطبية تستحق الاهتمام بعد منتصف الاسبوع القادم ..

اقتباس: المشاركة الأصلية كتبت بواسطة slr4x4   ممكن رابط الرادار

يا شباب الي بده يحكي يحكي بحرية و يعنبر عن رأيه. ...لا وألف لا لقمع الحريات

99% من الاعضاء. ما بعرفوا بعض ولا حتى شكلا كلنا مختفيين ورا هالشاشه وبنكتب واحيانا بنقعد نطحن في بعض !!!! عنجد عشان شو ندق في بعض ونحقد ع بعض ؟؟؟؟ يعني ان رضينا او غضبنا الي مكتوب غصبن عنا بدو يصير اكتساب الاحترام بيناا والموده والمحبه اهم من كل هالمناكفات الجانبيه صدقوني يا اخوان الواحد بموت وهو قاعد وهو واقف وماشي ونايم ومريض و.....الخ ليش لنحمل ع ظهورنا سيئات ما الها داعي الاغلب هون اله سنوات عديده مش يوم ويومين.... ادام الله المحبه بين الاعضاء. تقبلوا احترامي.........اخوكم الصغير

انسوكم من الطوش .........الكندي عم يجهز لشي رائع

دائما وأبدا لا اله الا الله هاي افضل جمله ممكن تنحكى صدقا بتحس حالك مو في منتدى الي من 2009 هون عمري ما لمحت على شخص او ذميت شخص او تناقرت انا وشخص بقرء الي بدي اياه وبس بتمنى الكل يمشي على هاد النهج