مناقشة الاحوال الجوية الباردة والعاصفة المتوقعة باذن الله بدءا من 16/2/2012

الااااااااان ثلوج غزيرة جدا على شمال الخليل 2سم تقريبا صار الارتفاع ب10 دقائق المشاهدة من النافذه شي جميل ولكن هناك صوت قنابل للاحتلال حسبي الله شمال الخليل

اقتباس: المشاركة الأصلية كتبت بواسطة shhadah  طيب ماشي . . يا سيد حمصي يا ابو السته و تسعين . . انا اليوم لفيت كل عمان و كنت نايم فوق 1050 و لفيت تا دوخت. . بس 15 سم ما في . .ما في . .ما في . . انا حمصي صديقي و اخوي ما بسير اسكت لما يحكي رقم انا متأكد إنو غلط . . و بنفس الوقت الحمصي ما بسير يفهم إني انا قلتلو إنتا كذاب . . لو انا ما بحب الحمصي و بحترمو بتركو يحكي لما بشوفو غلطان مشان اثبت إنو ببالغ مرات تانيه و اخليه يستطرد بمبالغاته لاكشفه . .لكن لعدم وجود سوء نيه بوضح ان الرقم مبالغ فيه. . او وقع خطئ او لبس ما . . و يا حمصي عليك الإثبات حتى تفحمني فلو ملكت صورة سأسكت و اشكرك . و لن اعتبر إنك بهدلتني مكان . . وين يا حمصي ال 10-15 . و ال15 خصوصا اين??? على فكره في موضوع هاد تكرر و كتبت مشاركه نص ساعه و انا بكتب و لما خلصت علق الجهاز و ما عدتها في قضية امطار الرمثا . . و ارجو صدورنا تكون ارحب . . جاوبني يا حمصي . . على فكره حمصي نجح و ما حلانا . .انا قلت بحليني اعجبني برشحلي موضوع. . طلع الاخ بستنى انا انقطو. .ههههه* والله يا شحاده انا كنت بصويلح اليوم الصبح في ذروة التراكم وما شفت هاد الرقم بس خفت احكي ينزلو فيه الشباب وما بدي ازعل حدا

اجواء بارده الان مع نشاط جديد على سرعة الرياح البارده تصبحو على خير

أكثر تراكم في مناطق الوسط كان 7 سم فقط لا غير حسب شهادة العديد من الاشخاص

الثلوج تتواصل على الخليل الان ..............................<wbr>.... والخلايله استبدلوا اكل الدجاج بالبطاريق

اقتباس: المشاركة الأصلية كتبت بواسطة M.MaKa7LeH  اليوم خلال جولتي في تلاع العلي ,,, حوال الساعه 3 ...... مريت من دوار الواحه وكان ما في اشي ومريت بدوار تلاع العلي كمان ما كان في اشي .. وصلت تقريبا ارتفاع 1030 ايضا ما في اشي ع الشوراع ولا حتى ع التراب ... وصلت ع ارتفاع 1050 تقريبا بدأت اشاهد الثلوج الخفيفه المتراكمه على حافة الطرقات وعلى الاراضي الزراعيه .. طبعا انا استغرب كثير كيف ثلج متراكم ع 1050 وع 1030 مش متراكم ... !!!! ,, وصلت ارتفاع 1080 وكان الثلج جيد جدا وماسك ع كل حواف والطرقات ... طبعا الناس مليانه هناك ع ارتفاع 1080 وهاي صورة من خلال جولتي اليوم ... في مثل هذه المنخفضات دائما الاحظ هذا الشيء منزلي على 1010متر و تبعد عني القاعدة الجوية(ارتفاعها 1080متر) حوالي 800متر الفروقات بالتراكم تكون واضحة جدا بالطريق من البيت الى قمة الجبل

دكتور شحاده تحياتي ... حسب خالي سكان تلاع العلي 1080 متر .. على الساعه 5 فجرا لم يكون هناك اي ثلوووووج حكا ببالو انو راح يداوم اكيد ... صحي ع 8 لقا الدنيا كلها بيضه .... وكاسحات الثلج انا شفتهن بشتغلن ... التراكم وصل تقريبا 10 سم في تلاع العلي 1080 متر كان معيق للحياه العامه ... ع فكره ع ارتفاع تقريبا 1050 في تلاع العلي كان الثلج ع الشارع خفيف جدا ... اما ع 1080 كانت كل الناس هناك مبين انو بهاي المنطقه اكبر تراكم موجود بتلاع العلي وارسال صويلح مقابلك مباشرة ... تحياتي يا غالي

في خبر عاجل . . . توقف التلفزيون الاردني لنقل وقائع مؤتمر صحفي لوزير الإعلام . . ووضح سعادة الوزير انه و بعد اخذ ورد . تم تحويل القضيه لمدعي هيئة مكافحة الفساد. . و تم إيداع المنخفض القطبي الحبس الإحترازي في قضية فساد إداري و مالي بعد إختفاء كميات كبيره من الثلج . .او إختلاسها من قبل الكركيه و الطفايله و الخليليه . . نطالب مكافحة الفساد بإيداع المتورطين في السجن . . خافو الله يا طفايله ست ثلجات صارو السنه بكفي . . لتلطيف الجو. .

السلام عليكم و رحمة الله و بركاته: بعد اذن الادارة.... احد الاشخاص راسلني اكثر من مرة على الفيس بوك طالبا مني ان التمس منكم تفعيل عضويته و التي ينتظرها من ثلاث سنوات (( بالعامية: دخل علي دخاله و شوي يربط عبايتي لو لا لابس عباي)) فارجو منكم مساعدته باسرع وقت و هذا اول طلب اطلبه من ادارتكم الكريمة. اسم العضو هو : alaa g و شكرا.