مناقشة الاحوال الجوية خلال شهر كانون الثاني 2019

حقيقة احلى ما كان في ليلة امس هو الدفىء في ارجاء المنتدى و النقاشات التي منها المضحك و منها المفيد علميا من نقاشات حول وضع المنخفض و النقل المباشر للحالة الجوية فمن الاعضاء مع انهم ليسوا مراسلين لطقس العرب الا انهم كانوا ينقلون الحالة اولا باول ليعرف باقي الاعضاء الحالة بالضبط كل التحية و التقدير الى الجميع و الجميع بلا استثناء حتى وان كان هناك خلافات في الراي فما هي الا سحابة صيف و تمرّ و ستشرق بعدها الشمس الساطعة لتزيد ارجاء المنتدى دفئا يعطيكم العافية و ما قصرتوا

اقتباس: المشاركة الأصلية كتبت بواسطة المغرم بالثلوج  شباب أقلكم هالسر ؟ بصراحة خبيت عليكم شغلة مبارح بعد صدور تحديثات الأوروبي أمس ، قمت بمراسلة أحد محللي النماذج من ذوي اللون البرتقالي ، وسألته عن الوضع بشكل عام ، ووضع الكرك بشكل خاص . كانت إجابته محبطة جدا وصادمة ، وقال لي بالحرف الواحد ، إنه يستبعد تساقط الثلوج حتى على ١٢٠٠ متر ، وإنه لم يشأ كتابة ذلك التحليل في المنتدى حتى لا يحبط الأعضاء ! وأنا كذلك احتفظت بتحليله لنفسي ، ولم أشا نشره أمس . سامحوني ، ولكن إفساد "التعليلة" والسهرة الجميلة غير لائق ولا لبق على الإطلاق ! هاي المشكلة اخ معاذ اللي بدو يحط تحليلات بدون ما يبهرها بحسب الف حساب واذا ما اعجبت الشباب بصير متشائم وما بفهم وبس ينصدمو وما تتحقق الاماني بزعلو شوي وبرجعو بكرة بدهم التهويل ربما عشان يعيشو احلام حتى لو ما تتحقق مثلا وضع الجنوب مبين مطبل من اول الموسم وحتى الاسبوع القادم وكل منخفض بكون على اطراف اطراف الحالات وبتلاقي عشرات المشاركات بخلاف الواقع .

السؤال هل كان هناك تطابق بين القيم المتوقعة والواقع وشكرا ؟

السلام عليكم... توني صحيت من الكتلة اللي أكلتها من الشباب بالدوام.... اعطيهم نسبة مية بالمية انه الأرض بيضا اليوم الصبح.... أم الحيران أمطار منذ الصباح مع انقطاعات بسيطة

حسب محطات دائرة الارصاد التي تم تحديث كمياتها نابلس40 رام الله 34 جنين 23 الخليل 18 أريحا 4 الحاله شارفت على النهاية و الكميات أتت أقل من المأمول بالنسبة للخليل حيث كانت التوقعات تؤشر إلى كميات افضل لكن قدر الله وماشاء فعل

35 ملم حصيلة الامطار بالسلط ولله الحمد ليرتفع التراكمي الى 360 و يحقق ما نسبته 70% من المعدل، ان شاءالله مع نهاية الشهر بنكسر حاجز 500 و بنحقق المعدل السنوي قبل دخول شهر شباط

مشكلتنا احنا و التحفظ "التشاؤم" حسب راي البعض فاهمين موضوع التحفظ و الحذر غلط.. الواحد بتحفظ و بنتبه لانه مقتنع بانه هذا الاسلوب المناسب للتحليل و اللي بتماشى مع شخصية كل محلل و نظرته! الشخص بجرب انواع و طرق من خلال الانتباه للسلبيات اللي موجودة بالخرائط و اعطائها الاهمية اللي بتستحقها و محاولة معرفة اثرها على السيناريوهات المطروحة باختصار التحفظ و الحذر مش خوف هو اسلوب للتعلم و بزيد مداه و بتحسن مع التكرار و الممارسة التحفظ مش اخذ معطيات و تخفيفها بدون سبب... مش اذا في خرايط بتعطيني ثلجة على 500م اروح انا ارفع الهطول ل600 او 700م بدون سبب ابدا مش هيك!! التحفظ هو دراسة شاملة و جريئة لكل او اكبر قدر ممكن من المعطيات بتم تغذيته من خلال التجارب و الاخطاء و التعديل لحد ما نوصل لمرحلة مريحة و نظرة قادرة انها تصيب بدون اجحاف او مبالغة وهو مش بداعي الخوف ولا لسواد عيون ناس انما لنفسه لحتى يقدر يتطور و يستفيد بهالطريق و يبني لحاله اسلوب معين واضح يريحه عندكو النظر للتشائم او التحفظ كانو اشي غلط و شراني او ما بعرف شو، بالمقابل نظرتكو للاندفاع و التفاؤل المفرط كانو اشي صحيح و طبيعي غريب فعلا لو زبطت توقعات المتحفظين بالمنخفض قبل الماضي، شو فكركو صار ؟ كنتو رح تهللو و ترفعو الي توقع صح للسما زي ما عملتو اللي توقعو توقعات ايجابية و زبطت؟ جوابي هو لا.. و كنتو رح تلاقو الف مبرر للمتفائلين تبررو فيه الفشل رح تصيرو تحكو اجتهدو و مجابوش اشي من دار ابوهم ... وهذا نوعا ما صح، فهو بالنهاية اجتهاد بس ليش هالتبربرات هاي ما بتطلع للناس المتحفظين لما ما تزبط توقعاتهم؟؟ اهااا مش بقللكو دبل ستاندردز!! ردة فعلكو الحالتين الاخيرات همو اكبر مثال "ملاحظة انا بهاجم مبدا و فكرة ما بهاجم اشخاص او حدا بشكل شخصي، رح تحكولي احمد و بعرفش مين رح اقولكم احمد انا واياه متفقين كل واحد و طريقو و ما بيننا اللا كل احترام رغم اختلافنا الشديد بمنظورنا للامور، وهو بعرف هالحكي كثير منيح فهي بريحكو من هالنقطة عشان توفرو حكي فيها و شخصيا اكثر من مرة نقصتني الجرأة باني اتحفظ و اتشائم زي ما بدي و النتيجة بعطي توقعات مخلوطة و بالاخير بتطلع مش دقيقة... و ان شاء الله بالحالات الجاي رح اتجرأ اكثر و اكثر

للامانة منخفض مطري من الطراز الرفيع صراحة بالامس ماحسينا ببرودة كبيرة في الاجواء

اقتباس: المشاركة الأصلية كتبت بواسطة لو نويت   والله ما انا عارف كيف بقيسو كميه الامطار في البقعه وعين الباشا يعني دائما بيعطو نفس الاقرائه شوفو كميه اليوم وكميه المنخفض الماضي والي قبله نفس القرائه و الواقع بكون اضعاف اضعاف موقعنا ممتاز بلنسبه ل لا مطار وبتكون ا مطار غزيره متواصله ليومين أواخر شي بحطو ١٢ملم كميه مبارح فاقت ٣٠ملم واكثر