مناقشة الأحوال الجوية الحاليه والمتوقعه من 1 آب وحتى 31 آب لعام 2013

https://www.facebook.com/#!/photo.ph...type=1&theater اجواء معتدله وصافيه مع هدوء للرياح شارع مكه

موضوع الثلج بعتمد بشكل اساسي على درجة حرارة طبقة الــ 850 , مش على الرطوبة , لأنه لما تحكي ثلج بتكون الرطوبة متواجدة ولولا الرطوبة ما بتواجد الثلج لو درجة الحرارة 5+ بنزل ثلج بس حسب درجة حرارة الــ 850 اللي هي اهم نقطة انتوا تجاهلتوا الحديث عنها

اقتباس: المشاركة الأصلية كتبت بواسطة ناصر حداد  هسا موضوع ليش الثلج بنزل على حرارة فوق الصفر المئوي سطحيا - بسبب رطوبة الجو و العلاقة عكسية ثلجة 22-1-2008 النادرة من حيث الظروف الجوية .. الزرقا نزل ثلج و السلط لا و عمان مسك فيها الثلج - الرطوبة عملت عمايلها بشكل رهيب معروف الرطوبة النسبية بتكون اعلى بالليل غالبا .... فلازم تكون الحرارة ابرد ليلا عشان تتغلب على قصة الرطوبة يعني حرارة صفر عال850 ممكن تعمل تراكم عالالف متر ... بجوز نفس الظروف ليلا عالفاضي بسبب الرطوبة رطوبة نسبية 100% بدها حرارة صفر مئوي عشان توصل حبة الثلج عالارض بسلام و مش ذايبة رطوبة 60 % مثلا +1 ممكن تكون كافيه و عشان هيك عمان غالبا افضل من السلط و نتيجة هالحكي الدؤجة المئوية الكاملة يعني افضلية الارتفاع 100-150 متر نظيرا مرة سمعت حدا من المختصين بقول انه ممكن ينزل ثلج بدون تراكم على حرارة +7 اشي ثاني كل ما نزلت الحرارة تحت الصفر اكثر بصير كل 1ملم يعمل اكثر من 1سم ثلج متراكم بس بالاردن غالبا النسبة بين 0.7-1.0 بالجنوب ممكن اكثر و جبال السويداء اكثر و اكثر و اكثر مثلا نص متر بقمم الجنوب تيجي من 25ملم مطر .... و بدها 50ملم مطر بالسلط مثلا لكن ممكن تجيب من 20ملم بالقرنة السودا صديقي ناصر بالنسبة انه اليوم اخوي محمد بقول انه انا وصلت السلط والرمثا بالانتقادات , اسمحلي اوصلك اليوم لروسيا نسب الرطوبة في بعض الاحيان بتتجاوز الــ 70 - 80 % ودرجات الحرارة بتكون 5- و 6- وتلاقيها امطار ومش مخلوطة ثلوج لهيك انا بحب اقولك كونك خبرة سيبك من درجات الحرارة وخليك بطبقة الــ 850 والبرودة في كافة الطبقات مناخ الاردن بشكل عام بعلمنا نهتم بقصص الطببقات اكثر من قصص درجات الحرارة , واحنا عارفين بأنه بكل منخفض قطبي بنتمنى يكون بارد بجميع الطبقات مش بس البرودة السطحية ولا درجة الحرارة 0 بطبقة الــ 850

أيــهُا الرآجونْ مِنْهُ شَفاعَة , صَلوا عَليه وسَلموا تسَليمْـــــــا .

اللهم صلي على محمد

السلام عليكم بخصوص سؤال الاخ SNOW1 الاول عن هطول الثلوج في بالنهار و الليل ... بكل بساطة الجواب كالتالي: بالنهار بكون موجود غيوم و هطول و بالليل ما في هطول ....... في كثير من الحالات بكون هطول بالنهار و بالليل او بالليل دون النهار او العكس و هذا بعتمد عىل كل حالة بشكلل منخفضل و تفاصيل المنخفض و بداية تأثير الرياح القطبية و تنزامنها مع الرطوبة ... ما بنقدر نعمم هذه القاعدة بشكل عام ... لو الاخ SNOW1 يقدر يتذكر حالة معينة بتاريخ معين بنقدر نناقش تفاصيلها و شو القراءات اللي تسجلت في طبقات الجو كافة و الخرائط بنفس اليوم حتى الكل يستفيد و نشوف شو اللي حصل و توقف الثلج بالليل. اخي عدي كيف بتكون الحرارة - 5 و - 6 و بكون الهطول أمطار ؟؟؟؟؟؟ و طبعة 850 ليست اهم طبقة في موضوع هطول الثلوج ... جميع الطبقات مهمة و لكن اهمية هذه الطبقة بسبب قربها من سطح الارض و بالتالي تقدير درجة الحرارة السطحية المناسبة لكل منطفة ..... على ما اذكر قبل 10 سنوات كان في مباراة بين الوحدات و الفيصلي في ستاد عمان - المدينة الرياضية و مع بداية المباراة عبرت جبهة هوائية باردة و هطلت الثلوج في بداية الجبهة و كانت الحرارة 9 درجات مئوية و هبطت حوالي 3 درجات مئوية بسبب التبريد الموضعي في بداية الجبهة . و بعد حوالي ربع ساعة توقف هطول الثلوج و اصبح الهطول فقط أمطار . و الله أعلم

عمو محمود , كوني انا مهتم بالطقس , بشوف النشرات الجوية في القنوات الفضائية بتكون حاطة بمناطق بروسيا امطار Rain ودرجات الحرارة 5- , يعني الخلل مش من عندي بالنسبة لمباراة الفيصلي مع رديف الوحدات لما انتهت 0-0 انا كنت بالملعب واللي نزل برد مش ثلج واستمرت مدة زي ما انت حكيت هذا الحكي قبل 8 سنوات ,,, ماشي :) وبحب اقولك انها طبقة الــ 850 اهم طبقة لأنه انت اللي حكيتلي اياها مرة من المرات وهيك بلشت الاحظ انا ع هاي الطبقة

السلام عليكم يصادف اليوم عيد ميلاد اخي محمد رام الله كل عام و انت بألف خير اخي محمد و ان شاء الله عقبال 121 عام

اقتباس: المشاركة الأصلية كتبت بواسطة عــــــدي  عمو محمود , كوني انا مهتم بالطقس , بشوف النشرات الجوية في القنوات الفضائية بتكون حاطة بمناطق بروسيا امطار Rain ودرجات الحرارة 5- , يعني الخلل مش من عندي بالنسبة لمباراة الفيصلي مع رديف الوحدات لما انتهت 0-0 انا كنت بالملعب واللي نزل برد مش ثلج واستمرت مدة زي ما انت حكيت هذا الحكي قبل 8 سنوات ,,, ماشي :) وبحب اقولك انها طبقة الــ 850 اهم طبقة لأنه انت اللي حكيتلي اياها مرة من المرات وهيك بلشت الاحظ انا ع هاي الطبقة ههههههه على راسي ياعدي الا الوحدات ممكن نحلل حالة قريبة وليست بعيدة وهي 21\12\2012 كانت البداية ثلوج بمناطق عمان ولبس فقط شمال غرب عمان ثم تحول الهطول الى امطار

والله الاخ محمد رام الله بستاهل كل خيييير عقبال 121 سنة تضامنا مع اخي محمود