::: مناقشة الأحوال الجوية خلال النصف الأول من شباط فبراير/ 2012 :::

جفس زاد قليلاً من كمية الهطول لمساء الخميس ولله الحمد

الله يعطي الشباب الف عافيه ما قصرتوا على الحالتين تحليلات ولا اروعوكمشاركات الله يعين المنتدى عليها يعني بس المنتدى يعلق بحطو الحق على السيرفرات لا حول ولا قوه الا بالله.........

صلو على النبي ..يا جماعة الخير ادعو الله ان تتحسن التوقعات للافضل

اقتباس: المشاركة الأصلية كتبت بواسطة ماجد الشرع  أخ عايد و محمد شرف انا من سكان رحابا وارتفاع بلدتي يبدأ من 850-1150 م و يسمى مثلث رحابا وانا ارتفاعي 1000م و لواء المزار لا يتجاوز 700 م تحياتي عزيزي ... بأفضل الأحوال لا يبلغ ارتفاع ارحابا أكثر من 1050 مترا. وبإمكانك مراجعة الغوغل إيرث للتأكد. " طبعا مثلث ارحابا قريب من 1100 متر لكن بعيد قليلا عن القرية" بالنسبة للواء المزار الشمالي فهو يتفاوت ما بين 700 ويصل إلى أكثر من 1000 متر في بعض جبال صمد مثلا. أما بلدة المزار الشمالي فيبلغ أقصى ارتفاع فيها قرابة ال 900 متر.

يا اخوان صلو على النبي محمد عليه الصلاة والسلام لو سمحتم من باب الاخوة فكونا من المناوشات والاحاديث الجانبية وخلونا مركزين على الحالة المنتظرة باذن الله تعالى

امطار غزيرة مساء الخميس ان شاء الله

قصيدة "وأخيراً جاء الحبيبُ الجميلُ" .. بقلمي أيها السيف ما عداك الصليلُ .... فلماذا ذا الجسم منك عليلُ ؟؟ قم رويداً ، كي نبتهجٍ بعروسٍ ... ورداءٍ ما عابهُ التفصيلُ إنني المغرم القديم بثلجٍ .... فعلى أي جانبيكَ تميلُ ؟؟ انتظرنا ، حتى الشتاء تهادى .... وأخيراً جاء الحبيبُ الجميلُ ! أرجو أن تنال إعجابكم

اشواء جميلة في الخارج ... وهاااااادئة

اقتباس: المشاركة الأصلية كتبت بواسطة احمد العربيد  امطار غزيرة مساء الخميس ان شاء الله وين بالضبط أخي احمد ؟"

يعطيكم العافية شباب ... وما شاء الله الإخوان ما قصروا هون ... شباب استحملوني شوي ... أنا ساكن بخلدا ... ارتفاعي تقريبا 1030م ... حلو؟ يعني في قلب العاصفة ... المفروض اني أكون فرحان وبنطنط من الفرح وأضل أسأل عن منطقتي بس والله من قد ما حكوا الشباب وجاوبوا على الاسئلة صار بإمكاني أنا من نفسي أعدلكم نشرة مفصلة عن الحالة ... ورغم هيك ما سألت أي سؤال لأني بعرف أن الشباب المتنبئين ما رح يقصروا ورح يذكروا كل شي بعرفوا عن الحالة وبعرف إنو سؤالي ما إلو داعي لأنو كل شيء مذكور ومعروف وعارف انو لو أسأل رح يكون بس زيادة ضغط وصفحات على المنتدى على الفاضي لذلك طول الفترة وأنا بتابع على الهادي لأنو كل شيء واضح ومافي داعي أسأل أسئلة إجابتها معروفة ... القصد من ورا كلامي إنو أنا بحاول أترك مجال للاسئلة الحقيقية والمهمة لأني بعرف كل شيء يتعلق بمنطقتي وعشان هيك ما عم بشارك ... أنا ما بحكي ما تشاركو ... بالعكس ... لكن شاركو إما لنقل الحالة أو لسؤال حقيقي مثل الإخوان المسافرين ... غير هيك مافي داعي نملي صفحات بالمنتدى على الفاضي ... يعني مافي داعي نسأل شو وضع الثلوج على باب عتبة الدار !!!! وهل ستختلف الثلوج من العتبة للسطح ؟؟؟!!! هههه سامحوني بس جد شباب طولوا بالكم وإن شاء الله سنفرح . . الإخوة الي بسألوا عن نشرة الــ 5 أيام .. يا إخوان ... مش طقس الأردن هو الي بقرر ان الثلوج رح تنزل مخلوطة بالأمطا أو كثيفة .. رب العالمين وربي ورب محمد الشاكر ورب عايد والحمصي وأسامة وسنان الدكتور شحادة والباقيين هو الي رح يبعثلنا الثلج والمطر ... لذلك ندعو الله إن يثبت الحالة ويوصلها على خير ... وطبعا مشرفينا الأعزاء قالوا أن ما هو موضوع في نشرة الــ 5 أيام هو مسافة أمان ونشرة مبدئية جدا وإن شاء الله سنرى ما يسرنا ... أخيرا ... الشباب الي عندهم أسئلة لو يتابعوا شو بقولوا المتنبئين أو يرجعوا للصفحات ورا رح يلاقوا كل الإجابات الي بدهم ياها مع الأسئلة ... لذلك مافي داعي نغلب المشرفين ... أعتذر عن الإطالة وسامحوني ... وإن شاء الله ربنا ينجح التوجيهي ونفرح بالثلوج أخوكم معاذ.