مناقشة توقعات وأحوال الطقس خلال شهر شباط / فبراير 2020

حازم ؟؟ ممكن سؤال عزيزي ؟ وياريت الأعضاء ما ترد .. بدي حازم عشان ما نشعب الموضوع وتصير قصة .... إنت عشان تثبت دراستك !!!! .. بدكش ياها تثلج ؟؟ او بدكش المطر يطلع عن توقعك ؟؟ قبل مبارح وقبل ب ٥ أيام بس تحسنت النماذج ما بينت .. بس يصير شي سلبي .. بلاقيك موجود بالمنتدى ؟ ايش مالك يا إبن الحلال .. صدقني إحترت وحيرتني معك ...

الأمطار في لواء الكورة في إربد كانت ساحرة غزيرة تنهمر على القلوبِ قبل الأرض. غزارة واستمرارية وأعتقد المعدلات عالية جدا وتختلف عن إربد المدينة. عندي سؤال يدور في رأسي لأهل الإختصاص. هل كميات الأمطار تُقلل من التصحر، أي بمعنى لو أن الأمطار تتساقط في صحراء وتصبح المعدلات عالية هل ستختلف طبيعة التربة؟ وإذا كان نعم كم تحتاج من الوقت والكميات للتغير؟ #إذا السؤال غبي لا حدا يتمسخر 😅

طيب التكاثف الي بصير في البحر شو سببه؟؟

اذا ما تحققت توقعات يوم غد ب (( امطار متجمدة)) فالوضع سيكون عالي الخطورة على كل شيء انا زلمة عشت 3 سنوات بكندا -مونتريال عايشت حرارة ( -33 ) المهم: اليوم اللي كان يحكو فيه راح ينزل freezing rain كنا نموت خوف لانه مطر متجمد يعني سلاك كهرباء تقطع، مواسير مي تتفجر ، والاهم الشوارع والارصفة تقلب حلبة تزلج رسمي وحوادث بالهبل وهون ما ننسى انه عمان على سبيل المثال قائمة على جبال وكلها طلوع ونزول ما بعرف... بس لا طقس العرب ولا الارصاد وعوا الناس كفاية لبكره وبعده الوضع برجع وبحكي خطير جداً في حال نزل مطر متجمد وكان الله بالعون

درجات الحرارة تستمر بالانخفاض وصلت ل٤ درجات حسب مقياس السيارة هنا على ارتفاع اقل من ٩٠٠ ضاحية الحسن الامطار مستمرة بغزارة من ربع ساعة تقريبا والحمدلله

الان امطار غزيرة بالقدس.. الخلايا الماطرة لم تكن ظاهرة على الرادار، ثم تطورت فجأة فوق القدس.. شو السبب؟؟

اقتباس: المشاركة الأصلية كتبت بواسطة • Joker •  حازم ؟؟ ممكن سؤال عزيزي ؟ وياريت الأعضاء ما ترد .. بدي حازم عشان ما نشعب الموضوع وتصير قصة .... إنت عشان تثبت دراستك !!!! .. بدكش ياها تثلج ؟؟ او بدكش المطر يطلع عن توقعك ؟؟ قبل مبارح وقبل ب ٥ أيام بس تحسنت النماذج ما بينت .. بس يصير شي سلبي .. بلاقيك موجود بالمنتدى ؟ ايش مالك يا إبن الحلال .. صدقني إحترت وحيرتني معك ... صديقي هشام استغرب من واحد مثلك يحاور حازم فكك منو يا رجل ٧مم (ثلوج) في ٢٤ ساعة اي علم هذا كنت أريد ان اطرح عليه سؤالا هل حددت الدراسة عدد حبات الثلج فؤ المتر المربع الواحد وكم قطر حبة الثلج التي ستنزل على ارتفاع ١٢٠٠ متر وكم قطر الحبة على ارتفاع ٨٠٠ جميع المحللين يأتونك بأدلة وبراهين حازم تساله من اين معلوماتك يقلك حسب دراسة انسى صديقي كذب المنجمون ولو صدقوا او صدفوا

اقتباس: المشاركة الأصلية كتبت بواسطة Abu Malik   اذا مت تخققت توقعات يوم غد ب (( امطار متجمدة)) فالوضع سييكون عالي الخطورك على كل شيء انا زلمة عشت ٣ سنوات بكندا -مونتريال عايشت حرارة ( -٣٣ ) المهم: اليوم اللي كان يحكو فيه راح ينزل freezing rain كنا نموت خرف لانه مطر متجمد يعني سلاك كهرباء تقطع، مراسير مي تتفجر ، والاهم الشوارع والارصفة تقلب حلبة تزلج رسمي وحوادث بالهبل وهون ما ننسى انه عمان على سبيل المثال قائمة على حبال وكلها طلوع ونزول ما بعرف... بس لا طقس العرب ولا الارصاد وعوا الناس كفاية لبكره وبعده الرضع برجع وبحكي خطير جداً في حال نزل مطر متجمد وكان الله بالعون freezing rain ما بصير ببلادنا بكون هطول مطري والحراره بالطبقات السطحية تحت الصفر بتحول ل freezing rain ,

امر غريب يحصل في خلدا امطار جيدة

جماعة عمان فوق الألف شو الوضع عندكم ؟