شباب اسمحولي احكي هالكلمتين
هسا احنا بمنتدى طقس فيه كادر اداري واشراف واعضاء
كل واحد فينا الو حق يعبر عن رأيه بموضوع الطقس بكل اريحية والادارة ما راح تمانع هالاشي وكل واحد بقدر ينتقد بأي اسلوب بده اياه من دون تجريح وتشميت
بالنسبة لموضوع مبارح اللي اخونا ابو نورس زعلان عشانه , كل الموضوع انه احنا معتبرين الموسم الشتوي البارد-بارد جداً انتهى وهذا رأي وكل واحد الو حرية مطلقة بالافصاح عنه , وناس كثير عبرت عن هذا الاشي مش بس انا ولا المدانات ولا انس خير بس , ان كان التهجم على اسلوبنا بالكلام فهذا اشي خصوصي في اي شخص بعيداً عن اشي اسمه تجريح وشتم
اي واحد بنتقد توقعات اي عضو يرفق خرائط ويحكيلنا اللي احنا النا 6 سنين بنحلل و ع اساس انه احنا مش فاهمينه , في اشي اسمه احتكاك بالخرائط والتحاليل ومشاركاتنا بتدل على هذا الاشي , مش يكون عنده 100 مشاركة ويا دوبه معرفنا على حاله وويجي يرمي علينا كلام وبكون ما بميز بين جفس والاوروبي وقيم التذبذب و و و و بشكل سطحي اقلها !!!
يا ريت اي واحد حابب يرميله كلمة حلوة ولا عاطلة يكون قدها ويتحفنا بنقده عشان نستوعب , بلكي احنا ما بنفهم او مش فاهمين اشي بعالم الطقس الكبير
اما بموضوع الادارة وكل واحد بحمل الادارة مسؤولية , الادارة مش قاعدة رصد علينا عشان تلاحقنا من هون وهناك عشان تحليل او مباركة او تعييدة بين الاعضاء ما عجبتك , احنا مش بالمنتدى من يوم ويومين وسنة وسنتين , والادارة عارفة كثير مين هم الاعضاء اللي بشاركوا وبحللوا تحت مسمى عضو او محلل او حتى مراسل , والادارة عارفة التخابيص اللي بتصير بالرسائل الخاصة والاتفاقيات اللي بتصير من خلف الكواليس
يكون بعلم الجميع في عضو محترم وانا بحطه على راسي من فوق , مرة انتقدني بتحليل وركزوا بكلمة تحليل , وما صار اشي وبالعكس نبهني ونبهته ع نقطة بالطقس وهون بالمنتدى العام ,فاجأني ثاني يوم بأنه احد الاعضاء (لن اذكر اسمه هو عارف حاله) باعتله رساله حاكيله مالو ابو علي عليك , بشو مزعلك , و كلام ثاني بهدف التحريض , وكثير رسائل بتوصلني من اعضاء محترمين الهم كل التحيات مني بكون هدفه نفس الموضوع من 3 او 4 اعضاء بالكثير , كل هذا الحكي الادارة بتعرفه , والادارة قد ما هي طيبة بتعاملنا باحترام وما بدها تزعل حدا فينا , وناصر حداد الغالي مش واسطة لأي حدا , وهاي مقصودة , وانا بعرف ناصر حداد كثير منيح وبفهمه
عيب كل فترة نرجح نحكي هالحكي , اللي الو رأي يحكيه واللي مش عاجبه فلان وعلتان هي قسم الشكاوي موجود بالصفحة الرئيسية روح اشتكي شكوى محرزة بس ما تكون كيدية عشان ما تنقلب عليك
وكل عام وانتم بخير جميعاً
رد: ::: مناقشة الأحوال الجوية الحاليه والمتوقعه في نهاية شهر كانون الثاني / يناير/و و
العرض العادي
