مناقشة توقعات وأحوال الطقس خلال شهر شباط/فبراير 2019

انا من مواليد اوائل الستينات، في ال 92 كنت اب لخمسة اولاد والله ماني متذكر اشي مش عارف كيف انتو بتتذكروا لكن افضل موسم ثلجي اذكره كان في اواخر الثمانينات 14 عاصفة ثلجية واقوى ثلجة في سنة 77 او 78 اقوى من الكسا وابرد بكثير

يخوان مالكم قلبتو عل قصص ٩٢ خلينا نرجع عل التحديثات تنشوف شو صار في تطور جديد

اقتباس: المشاركة الأصلية كتبت بواسطة qais al qaise   ال ٩٢ كنت سنتين اقوى ثلجه عاصرتها حديثا استثنو أليكسا لأني كنت بمصر هي ال ٢٠٠٣ فعلا رائعه راحت عليك والله....أقرب عاصفة واعتبرها مستوحاة من 1992 هي اليكسا. ....اليكسا رجعتني صراحة لعام 1992 في اليكسا وصل ارتفاع الثلوج في عبين لقرابة المترين

اقتباس: المشاركة الأصلية كتبت بواسطة تيسير محمد  انا من مواليد اوائل الستينات، في ال 92 كنت اب لخمسة اولاد والله ماني متذكر اشي مش عارف كيف انتو بتتذكروا لكن افضل موسم ثلجي اذكره كان في اواخر الثمانينات 14 عاصفة ثلجية واقوى ثلجة في سنة 77 او 78 اقوى من الكسا وابرد بكثير التعليم في الصغر كالنقش على الحجر....والله والله والله ما زآل طعم خبز امي لما عملته على الصاج في صباح أول عاصفة ثلجية في 1992 عالق بثمي لليوم. ...احكيلك حتى حافظ شو الفطور الي كان موجود على الطبلية

للعلم الرجوع للذكريات نوع من أنواع اللطم

اقتباس: المشاركة الأصلية كتبت بواسطة تيسير محمد  انا من مواليد اوائل الستينات، في ال 92 كنت اب لخمسة اولاد والله ماني متذكر اشي مش عارف كيف انتو بتتذكروا لكن افضل موسم ثلجي اذكره كان في اواخر الثمانينات 14 عاصفة ثلجية واقوى ثلجة في سنة 77 او 78 اقوى من الكسا وابرد بكثير حقك سيدي .. منت شفت لما قلت بس عشت الفترة الذهبية بحذافيرها فالثلوج كانت بالنسبة الك روتين او اشي عادي وصلت فيكم المرحلة انه لما يحكولكم قال بكرا في ثلج وبكرا ما في تراكم الا 20 سم !! تحكولهم طيب خلونا نطلع رحلة احنا بالوقت الحالي بتطلع عين اللي جابونا لما تبيضلها ب 2 سم

خارطه اليكسا قبل ٣ ايام ان شالله نشوف عالنماذج رسمات مماثله و اقوى

اقتباس: المشاركة الأصلية كتبت بواسطة المغرم بالثلوج  أنا مواليد ١٩٨٣ ، أو بالمشرمحي ألف وتسعمية وخشبة ما زلت أذكر موسم ١٩٩٢ جيدا ، وكأنه البارحة !!! شتان بين عواصفه وبين منخفضات النص كم الحالية !!! وانا كاين بقلك معاذ حاف شكلي من اصغر الموجودين.. سجلت بالمنتدى من عمر 13 سنة تقريباً وحالياً 21 سنة بالمناسبة صور لرادار الامطار لعدد من الحالات اللي تأثرنا فيها وبعض اللي لقيتهم من مراجعات الارشيف طبعا كان عندي كم كبير عالموبايل لكن خرب للاسف وهاللي ضلو من الكمبيوتر عاصفة ال2008 2010 حالة عدم استقرار بداية الجبهة الاخيرة ل اليكسا

قبل شوي كنت قاعد انا والحج وجبنا سيرة الثلج اكتشفت انه ما يطيقه لا ويدعي كمان انه ما ييجي . بصراحه انا توترت من الدعوه بس لما سألته عن السبب حكالي قصص مؤلمه عالقه بذهنه وصارت معه . حتى لما كنت اساله عن اقوى الثلجات كان بيحكي عن الثمانينات . اما عن نفسي انا كان عمري 8 سنوات ايام ثلجة 92 بتذكرها بس مش ادق التفاصيل . اروع ثلجه عشتها بتفاصيلها كانت ثلجة ال 2000 فكانت ثلجه مثاليه ورائعه والثلجه الاخرى كانت 2006 كنت ايامها بالجنوب كانت كمان حلوه . الله يطعمنا .

امطار متوسطة إلى غزيرة هنا شمال غرب الخليل منذ ساعات الظهر حتى الآن بحمد الله وفضله