مناقشة الاحوال الجوية خلال شهر كانون الثاني 2019

يا اخوان بنرجع وبنقول: العلم ثم المنطق بعيدا عن العواطف الجياشة ومثل ما قال اخونا ومشرفنا هوريكان احنا بالشرق الاوسط مش بالنرويج

اقتباس: المشاركة الأصلية كتبت بواسطة menos  شباب هذا المنتدى ليس لاخذ النشرة الجوية الرسمية...اللي بده النشره الرسمية يفتح التطبيق ويشوف ليش مغلب حاله وفايت على المنتدى؟؟؟؟؟ كل واحد اله حريه التعبير عن شو شايف بالخرائط ويحللها وبالاخر كلنا بنتعلم ... اي حدا بشوف مشاركه مش عاجبته ببساطه ينط عنها وينسى موضوعها وبلاش مناكفات وخاصه لما ما تكون تفقه شي بالنماذج (زي حالاتي) وتيجي تعيب على الناس اللي بتجتهد لحتى تحلل ترى مش ملحق نط بحب اخبرك يعني انا تعليقي واضح ، المنخفض واااضح فما في داعي نصير نحسن المنخفض غصب عنه بالنماذج انا فقيه ومحسوب على الحنابلة كمان

اقتباس: المشاركة الأصلية كتبت بواسطة محمد فخري  وبنقول ليش العرب ما بطورو للاسف هيك كفاءة علمية بنعمل فيه هو صح بحكي بلغة صعبة وهيك بس عنده علم وخبرة للاسف خبر محزن كفاءة علمية ؟ هههههه لا منا نروق استقر الطقس تقريبا عندي مع بعض الرذاذ الخفيف بانتظار الاحد على نار على امل شوف الثلج قدام بيتي

اقتباس: المشاركة الأصلية كتبت بواسطة pioneer1987  ابو النبر طل علينا جاي وسولف شو اخبار المنخفض المطري الي جاي والله يا صديقي زي ما تفضلت حضرتك المنخفض بالاساس مطري و غير شامل كميات مطرية جيدة جدا للشمال و جيدة لشمال الوسط غرب عمان و البلقاء ( الخط المعتاد تبع الموسم الحالي ) نظرا لسرعته و مدته و الجنوب للاسف يبدو بشكل عام خارج الحالة.. بالنسبة للثلوج فالفرصة الافضل هي لمرتفعات الشمال الشاهقة بسبب تعمق المؤثر العلوي لفترة اطول و بشدة اكثر من الوسط، مرتفعات عمان محصورة فرصتها الضعيفة جدا اساسا بفترة قليلة جدا..احنا منحكي عن زخات لو سقطت اصلا يمكن ما نعرف عنها! فما في داعي للقلق و الترقب الزائد برايي انا ساكت لانو برايي اليوم مش حاسم ابدا عالتفاصيل...شخصيا بفضل الجمعة بالليل او حتى السبت كمان لانو لما تكون بتراقب بشعرة هيك بصير...

صدقا ، في حال هطلت الثلوج مجددا في جنوب المملكة في الحالة القادمة ، فسيسجل ذلك كفشل ذريع جديد للنموذج الأوروبي ، وتفوق إضافي للألماني . الجميع تفاجأ بثلوج أمس ، خصوصا أن الأوروبي في توقعاته كان "طالع رحلة" . لا أقصد هنا أن الحالة القادمة مشابهة تماما لحالة أمس ، ولكن إصرار الألماني يبدو غريبا نوعا ما ، ولم يأتِ من فراغ !

النشاط الشمسي و البقع الشمسية و دورات المناخ التي تتأثر بالنشاط الشمسي شيء واقعي و جميع (جميع) خبراء المناخ متفقين على هذا الكلام...و التاثير يكون على موسم كامل او عدة مواسم او عقد او قرن أو أكثر. ولكن أن يأتي شخص و يقول سيكون هنالك منخفضين أثنين هذا الموسم من أصل قطبي و ستنزل سنتمتر و نصف من الثلج في كذا منطقة و في كذا تأريخ (أعتمادا على النشاط الشمسي)...مع أحترامي هذا الكلام فاضي.

اقتباس: المشاركة الأصلية كتبت بواسطة محمد ارشيدات  البعض يعتقد ان له سلطه في تاديب الاخرين مراحب اخوي محمد ، ليش مضايق من مشاركتي ؟ّ انا ما اسأت لاحد بالعكس تكلمت بلسان حال الكثير انا مش ضد نقرا النماذج او تضع توقعات كل تحديث لكن انا بدي نكون واقعيين فقط وما نعشم نفسنا والاخرين بالسراب كل موسم نفس المشكلة والخطا ، و بصير الجميع يلطم على حظنا وعلى موقعنا وعلى دقة النماذج النا !! إن رأيت في كلامي خطأ او اساءة فانا اعتذر منك ومن الجميع

اقتباس: المشاركة الأصلية كتبت بواسطة المغرم بالثلوج  صدقا ، في حال هطلت الثلوج مجددا في جنوب المملكة في الحالة القادمة ، فسيسجل ذلك كفشل ذريع جديد للنموذج الأوروبي ، وتفوق إضافي للألماني . الجميع تفاجأ بثلوج أمس ، خصوصا أن الأوروبي في توقعاته كان "طالع رحلة" . لا أقصد هنا أن الحالة القادمة مشابهة تماما لحالة أمس ، ولكن إصرار الألماني يبدو غريبا نوعا ما ، ولم يأتِ من فراغ ! لا يا معاذ حرام عليك اليوم كنت احكي للشباب انه الاوروبي كان يشير لرقعة الهطول في الجنوب حتى كوزمو الي هو محسوب على الاوروبي الخلايا كان مسيرها واضح من جنوب فلسطين نحو الكرك وجبال الشراه عموما يعني صح انها ثلجت لكن مش مؤثرة لانها عبارة عن زخات مثل ما تقول امطار بللت الشوارع

اقتباس: المشاركة الأصلية كتبت بواسطة عمر ملكاوي  القيم الحالية لمنخفض الاحد لا تدعم اي نوع من الثلوج اقل من ١٢٠٠م سواء ناشف أو رطب أو حتى سليت ؛ والمعطيات والقيم واضحه جدا اشكرك - هاذ رد واضح وكافي لكل المهولين

شو مالكو يا شباب هدو اعصابكم شوي مش مستاهله منخفض يعمل كل هل حساسيه بيناتنا