مناقشة الأحوال الجوية الحاليه والمتوقعه من 1 ديسمبر وحتى 15 ديسمبر لعام 2013

اقتباس: المشاركة الأصلية كتبت بواسطة ward133  اخي العزيز ناصر : بوافقك على معظم كلامك وحاسس فيه ، لكن والله بالنسبة الي كمدير في مكتب سياحة ، من الضروري بمكان ان اعرف حاله الطقس قبل ب 4 ايام عل الاقل - ان امكن - لتغيير خط سير الفوج السياحي وعكس برنامجه بما يتوافق مع حالة الطقس ، يعني ممكن يبدأو من الجنوب اولا ثم الشمال .... اذكر قبل سنتين على ما اظن ، حوصر فوج سياحي لنا في البتراء وكان الامر اشبه بحالة طوارىء عندنا في المكتب . سدد الله خطاكم ودايما مشكورين على جهودكم يا سيدي هاي المسؤوليات مش من اختصاصا احنا بصفتنا متابعين طقس - هل تتحمل مسؤولية توقع شخصي الك قدام الجهات المعنية اكيد لأ لانه فيما لو ما زبطت اللوم رح يوقع على طقس العرب

الرادار مبشر لمحافظه الكرك .. امطار متوسطه غالبا والله اعلم غالبا رح تنتهي الحاله لليوم بمحطتها الاخيره الكرك والخييير بالجايات

اقتباس: المشاركة الأصلية كتبت بواسطة billal  السلام عليكم مساء الخير جميعا سؤال يحيرني عدما اسمع ثلوج على ارتفاع 900م هل المناطق التي ترتفع اكثر من 850م تستثنى من الثلوج وشكرا جزيلا لمن يتكرم علي بالرد اخي الكريم الطقس مش ارقام تعامل بمرونة بهالموضوع يني مثلا منطقتي جبل الزهور تتراواح بين 850 -920 متر يعني هل يعقل انو فوق الجبل ثلج وتحت لا والمسافة قصيرة وللتوضيح مثل منطقتي تعتبر 900 متر رغم انو في مناطق 920 وبالمقابل 850 متر وقس على ذلك مناطق كثيرة

اقتباس: المشاركة الأصلية كتبت بواسطة Snow Rain  الرادار مبشر لمحافظه الكرك .. امطار متوسطه غالبا والله اعلم غالبا رح تنتهي الحاله لليوم بمحطتها الاخيره الكرك والخييير بالجايات الله يبشرك في الخير ممكن رابط الرادار

امطاااااااار الآن شمال الكرك بين متوسطة وغزيرة .. الحمدلله

امطار الخليل https://fbcdn-sphotos-c-a.akamaihd.n...47673868_n.jpg

امطار غزيره في المزار الجنوبي الكرك

السلام عليكم المتابعة من المنزل الآن بعد العمل الاجواء باردة ورياح نشطة السرعة وتوقف للأمطار ولله الحمد صويلـــــــــــح شمال غرب العاصمة عمان

اقتباس: المشاركة الأصلية كتبت بواسطة ناصر حداد  خليني اجاوبك باسلوب حضاري احنا بالاردن فاهمين الطقس غلط مثل الرياضه تخيل مصدر رسمي ما اعلن الثلج من قبل 7-4 على اعتبار انها الحاله ظاهره عالخرائط اولا - شو ممكن تستفيد من هاي المعلومة قبل اسبوع - كركبة و رح تشتري 5 كليو خبر و تغير جرار الغاز و تعمل طوارئ غير التوتر النفسي و انت بتنتسى و بتجهز حالك للثلجة - ايش شعورك اذا يوم الثلجة اجا شمس !!! رح تشتكي او تسب على المصدر الي حكالك المعلومة و بعمرك ما رح تثق فيهم لا صيف ولا شتا - كلامي بشكل عام مش الك شخصيا ثانيا - لما الاعضاء داخل المنتدى يحكو في ثلج عال800 متر او عواصف ثلجية قادمة و متوقع تراكم متر في عمان الغربية المعلومة رح تنتشر باسم طقس العرب و الاشاعات و الشتائم كلها على طقس العرب على اعتبار انها كانت الاشاعات كانت صح بالبداية و ما تحققت فما بالك اذا الاشاعه خاطئة من الاصل و ال800 متر فقط مثال توضيحي ثالثا - اغلب الناس تفكيرها عاطفي - بمعنى لو كانت التوقعات بتشير لموجة قطبية - بتصير عملية تحور اعلامي بنثل الموضوع من قحيط الى عاصفة الثلجية سنة ال92 و بتصير الاردن بتجهز حالها للحرب مع الثلج و ما بظل اشي بالسوق الا و بدخل البيت مرحبا اخي و كل شكر على التوضيح و الذي بالتاكيد نتفق معك به و لكن الحاله باقي عن بدايتها 48 ساعه و لا يوجد هناك حتى تحليل واضح لتوقعات مساء الثلاثاء و الاربعاء بالتفاصيل على اقل تقدير تقبل ودي و احترامي

جفس يثبت توقعات 06 في تحديثاته حتى الان ... ان شاء الله خير