مناقشة توقعات وأحوال الطقس خلال شهر شباط/فبراير 2019

اقتباس: المشاركة الأصلية كتبت بواسطة ahmad n   يعتبر خط 552 هو الحد الفاصل بين الحوض العلوي القطبي او الكتلة الهوائية القطبيه ...وبين الكتل الهوائية الباردة نسبيا او او اللطيفة او المعتدلة وهو خط اخر منطقة يصلها الهواء القطبي من ضمن عدة خطوط تكون موجودة في الحوض القطبي او الكتلة القطبية تاتي مرتبة تدريجيا الاكثر برودة فالاقل برودة فالاقل برودة حتى ينتهي بخط البرودة 552 وهو خط حد الحوض القطبي وخط 552 في علم الطقس يعبر عن وصف للطبقة العلوية وتسمى طبقة 500 هكتوبكسال وترتفع عن سطح الارض 5000 متر تقريبا ... ومثال على ترتيب هذه الطبقة من الاقل برودة الى الاكثر برودة كالتالي مثلا. نبدأ ب 552 ثم 550 ثم 548 ثم 546 ثم 544 ومثلا المنطقة التي يغطيها الخط 544 ابرد من المنطقة التي يغطيها الخط 546 وهكذا ... انظر الى اماكن تواجد خط 552 بالخط الاسود الغامق في هذه الخارطة للنموذج الامريكي Gfs ... حيث توقعاته لمنخفض نهاية الاسبوع ان شاء الله .... ما شاء الله عليك شكرا اخي

اقتباس: المشاركة الأصلية كتبت بواسطة المغرم بالثلوج  يا خوفي يصير فينا زي ما صار بمنخفض يناير الكارثي .... كانت التوقعات تشير إلى تميز الجنوب بشكل عام والكرك بشكل خاص في التراكمات ، بينما في الواقع لم نشهد حبة ثلج واحدة ! سامحوني على النظرة السوداوية ، ولكن كثرة أفلام النماذج المحروقة جعلتني لا أصدقها ، بل أنتظر أرض الواقع ولا شيء غير أرض الواقع ! عمرك اطول من عمري لسا بدي احكيها مرة الجت ستريم ومرة ارتفع الضغط ومرة البرودة ما تعمقت ومرة مدري شو جد الواحد صار يحط ايدو عقلبو

اقتباس: المشاركة الأصلية كتبت بواسطة احمد ابداح  كيف ولا حبة ثلج انت اول واحد بشرتنا بحجم حبة الثلج والجواعد بالوقت اللي ما كان متوقع فيه انه تثلج عندكم بس للأسف لما بلش المنخفض و كان متوقع انو وضعكم يكون ممتاز اجى التيار النفاث و قعد ضيف بالجنوب ههههههههه ان شاء الله المنخفض الجاي يعوض نسبة كبيرة من اللي راح و عم بحكي عمطر انا حاليا و بالنسبة للثلج بس اشوف الكندي مشي مع البقية بنحكي فيه ان شاء الله صيغة مبالغة على العموم إن شاء الله تكون الفعالية شاملة ومفرحة للجميع

انا عني طالع ليلة الخميس عالجمعة على اعلى منطقة بالقدس اي بدنا نشوفو ان شاء الله للمرة الاخيرة

شباب في حدا بيعرف توقعات الطقس الخاصة بالسامسونج على اي نموذج بتعتمد ؟!

اقتباس: المشاركة الأصلية كتبت بواسطة الحالم  انا عني طالع ليلة الخميس عالجمعة على اعلى منطقة بالقدس اي بدنا نشوفو ان شاء الله للمرة الاخيرة انا طلعت على ارمينيا مشان اشوف الثلج السنه هاي و ما شفت غير ٣ سم ثلج مع بروده قارصه انشاء لله يحالفك الحظ

طبعا للتنويه و معلومة بسيطة يجب ذكرها حسب النموذج الكندي التيار النفاث بنقدر نحكي بعيد شوي اما حسب جفس و شوي الاوروبي واصل وسط المملكة ( في بداية تأثير المنخفض ) و بتقدرو تلاحظو على خرائط الهطول لنموذج كوزمو ليوم الاربعاء مثلا و انسحابه لاحقا عموما ال jet stream الحكي فيه قبل يومين و مرات قبل بيوم من تأثير المنخفض فقط

للتذكير اخواني اقتباس: المشاركة الأصلية كتبت بواسطة ايمن ابراهيم  شو رأيكم توخذو من عندي نشرة جوية تعتمد على تاريخ منطقتنا وليس على النماذج.. نحن امام فترة المستقرضات اجواء ماطرة لعدة ايام كميات تلامس 100 ملم وربما تزيد وعلى مساحات واسعة الثلوج على المرتفعات العالية جدا آخر جبهة يتدنى مستوى تساقط الثلوج الى المرتفعات المتوسطة 800 متر-900 متر والله اعلم

اقتباس: المشاركة الأصلية كتبت بواسطة الحالم  انا عني طالع ليلة الخميس عالجمعة على اعلى منطقة بالقدس اي بدنا نشوفو ان شاء الله للمرة الاخيرة احساس شخصي لا اعتمد فيه ولا على اي شي احساسي بقولي باذن الله راح نشوف الثلج المره بالقدس كلها