مناقشة لأحوال الجويه خلال شهر كانون الأول

أفضل فرصة لتساقط الثلوج هذا الموسم خلال الثلث الأخير من يناير .. والله أعلم

كل هالحكي اللي منحكيه بروح عالفاضي ولا كانه حد هون! كلمتين تحملوني فيهن اعتبروهن من اخوكو الصغير اللي بفهمش اشي مش عارف لويش مقرقطين و متابعينلي سيناريوهات انتو نفسكو عارفين انها رح تتغير عالتحديث اللي بعدو! لا واللي متاكد من النزول و اللي متاكد انو النماذج رح تتحسن بعرفش بنائا عشو! واللي بحكي بارتفاعات تساقط الثلج بتشوفولي كتلة واصلة شرق اوروبا بتصيرو بدكو توصلوها للاردن و فلسطين خاوة عنها و بتحرقوا باعصابكو و بتوترو حالكو و بتوترونا بس عشانها بتكون مبينة قريبة عالخريطة علينا...وبس يطلع سيناريو مش ولا بد بتصيرو تنتقدو بالنماذج و منطقيتها و تنتقدو ببعض، اقسم بالله انو احيانا بكون بدي تثلج عند اكم عضو لحالهم بس عقد ما بوقعو بنفس الغلط كل مرة و بنسم بدنهم... با جماعة مش هيك الدنيا وللا هي بس متابعة لاجل المتابعة و خلص! محدش يحكيلي مش بايدنا و احنا عاطفيين و منحب الشتا و التفاؤل و احنا ضد الصدمات و احنا عارفين انه الخرائط رح تتغير، لانو اللي بتعملوه مبدلش عهالحكي بلمرة...كل مرة نفس السواليف و نفس العمايل.. كلمتين صادقات نابعات من اهتمامي فيكو مش اكثر، انا رح اكتفي ورح اصف عجنب من الآن، انشالله يتحقق كلشي بدكو ياه و ريت رب تخففو شوي عن حالكو من هالشد العصبي او غيرو طريقتكو و تابعو بطريقة ثانية! كلكو كبار و صارلكو سنين هون... سلام شباب

أبو النبر ما عليك زود بحب احكي للشباب بعدنا ما دخلنا شهر 1 بعدين فعلا يعني زودناها شوي لسان حال بعض الشباب إذا ما في ثلج جعلها مصيفة مش هيك كمان وأخيرا أنا مستغرب شغلة ، طقس العرب مشكورين نزلو توقعات الموسم وحددوا تواريخ محتملة للثلج يعني إذا ما زبط التاريخ الأول نتابع غيره لحتى نلقط الفراشة وسلامتكم

هو باخر ٣ سنوات والمعظم بتابع التحديثات وبستنى بهالثلج دايما بنبلش من شهر ١٢ انه في ثلج قبل نهاية السنه وبعدهت لاول السنه وبعدها لاول ١ وهكذا بشوفو تحديث ممتاز واحد الكل بفرح بعدها بتبلش رحلة التراجع وبعدها اصلا ببطل في نزول من اصله وبعد هيك بصيرو يتفششو بحازم حداد

الله اعلم ربما نتعرض لعاصفة ثلجية أو استقرار .اذا طقس العرب واحنا مش قادرين نتوقع لاسبوع فالخراءط كل تحديث شكل .فالاحتمالات كلها واردة . اقتباس: المشاركة الأصلية كتبت بواسطة maher alquran  والله شكله مثل ما حكى المهندس ناصر لغايه 10 يناير ما فيه ثلج نهائيا... مشكله هي لعشاق الثلوج.. انا بصراحه بعشق المطر ان شاء الله متبوعه غير مقطوعه

امطار متوسطة تتساقط الان والحمد لله استمتعوا بما يهطل الان ولا تفكروا بما هو ات .احمدوا الله على كل قطرة غيث تمنيناها سابقا .وكاننا نجحدها الان طلبا للثلوج

اقتباس: المشاركة الأصلية كتبت بواسطة عامر زلوم  هدأت حدة الأمطار قليلا لكنها ما زالت متوسطة- غزيرة تخبو رويدا رويدا وحصيلة هذا اليوم ارتفعت إلى ١٤ ملم ٨ ملم منها تساقطت خلال ٢٠ دقيقة ماضية. امطار اليوم رائعة و فاقت التوقعات و الحمد لله

السلام عليكم أمطار متوسطة مع زخات غزيرة على فترات ولله الحمد ... أبو حمور / الكرك ....

ما في حكي بيقدر يعبر عن شعوري المنطق والعلم على راسي من فوق بس الموضوع صعب كثير وبيقهر الواحد بيشتهي تيجي هالمنخفضات ليشيل عن نفسو هموم الحياه بس مش بس الحياه علينا وضغوطها والطقس وكل شي اخر شي منحكي الحمد لله على كل شيئ

الي بده عواصف ثلجية يتابع جفس منتصف الليل دايما مولعه معه