مناقشة الأحوال الجوية الحاليه والمتوقعه خلال شهر تشرين اول 2017

مساء الخير ..... تحسن ملفت كان من الأوروبي الصباحي بحمد الله تعالى لنهاية الشهر وبداية نوفمبر وفترة ستكون رطبة وباردة وماطرة للمنطفة وثلوج في الإقليم الشرقي التركي وتراكمي مبشر بحمد الله للشريط الغربي للمملكة والضفة الغربية أضع أمامكم تراكمي الهطول من الكندي " عالي الدقة " والمركز الأوروبي مع " زوم إن للمنطقة " الكندي GEM الأوروبي Ecmwf لنرى ماذا سيمسي عليه الأوروبي المسائي لنتااااااااااااااابع ... إحمدوا الله .... والله أعلم .......

اقتباس: المشاركة الأصلية كتبت بواسطة Ezio  أنا بساند رأي الأستاذ معتز، لاحظ كيف ارتفاع الضغط في غرينلاند وتعاظم عواصف شمال أوروبا أدى لانسحاب الآزوري للأطلسي غربا وتمدده نحو غرينلاند فاتحا الطريق نحو وسط جنوب أوروبا لتسرب الهواء البارد إليها وتخلخل الضغوط هناك وبالتالي انسحاب النزول نحونا سريعا نحو الشمال ومنعه من التعمق، فيما يلاحظ بالخريطة قبل يومين انخفاض الضغط فوق غرينلاند وتغذية الأطلسي بالكتل الباردة وعواصف أقل حدة في الشمال الأوروبا أجبرت المرتفع الآزوري على التمركز والتعمق في وسط وجنوب أوروبا. أرشيفيا استفدنا من كافة أشكال وزوايا النزول، ولكن كل له شروطه وعامل التوقيت وحركة الكتل شمالا لها الكلمة الفاصلة فيما يخص مدى استفادتنا وتعمق النزول نحونا ، والله أعلم طب ما انا كمان بتفق مع كلام الاستاذ معتز ولو جزئيا بس عم بوضح نقطة النزول المباشر كيف ممكن تكون مغالطة لكثار منا . اما موضوع الشكل الافضل و الامثل فهو اللي ذكرته ، اللي حكاه الاخ معتز انو مش دايما النزول الغير مباشر ما منستفيد منه و انا حكيت انو منستفيد بشكل محدود و ممكن يكون النا استفادة كبيرة منو في حال استمرار نمط ايجابي للضغوط بالشمال يغذي الكتل اللي بتكون قريبة منا و يقويها و لما تحسنت التحديثات كانت عهذا السيناريو ، و غير هيك احنا منحكي عن نتائج نهائية لانظمة متداخل فيها عوامل كثيرة و بتوقيت مختلف في كل مرة فحتى هون المقارنة و الحكم من باب النمط صعب كمان ...

اقتباس: المشاركة الأصلية كتبت بواسطة Harry Potter  مساء الخير ..... تحسن ملفت من الأوروبي المسائي بحمد الله تعالى لنهاية الشهر وبداية نوفمبر وفترة ستكون رطبة وباردة وماطرة للمنطفة وثلوج في الإقليم الشرقي التركي وتراكمي مبشر بحمد الله للشريط الغربي للمملكة والضفة الغربية أضع أمامكم تراكمي الهطول من الكندي " عالي الدقة " والمركز الأوروبي مع " زوم إن للمنطقة " الكندي GEM الأوروبي Ecmwf إحمدوا الله .... والله أعلم ....... الاوروبي المسائي وللا الصبحي؟

اقتباس: المشاركة الأصلية كتبت بواسطة محمود الخطيب  الاوروبي المسائي وللا الصبحي؟ هاد الصباحي ، المسائي توه بلش يحدث

اقتباس: المشاركة الأصلية كتبت بواسطة مصطفى  السلام عليكم سؤال مباشر وبسيط من اكثر من ١٠ ايام الى الامس تقريبا واغلب المشاركات بالمنتدا تتوقع منخفض جيد وباضعف الاحوال حالة عدم استقرار ممتازة .بل وذهب البعض واندفع بقوة ليثبت وجهة نظره وتوقعه(يعطيهم العافية) سؤالي خلال هذا الفترة كان موقع طقس العرب على الفيس بوك بأكد لا حالات مطرية حتى نهاية اكتوبر على اي اساس طقس العرب وضع توقعاته بينما البعض هنا كان يضع الخرائط المدفوعة والمجانية وكانت تشير الى منخفض ومطر وموجة مدان ومرتفع عنيد هل هذه الخرائط اللي بتصل الاعضاء مبتورة الاجزاء وما عند الجهات الرسمية خرائط سرية الفارق بسيط وهو التمهل و الانتظار التحديثات بدات سيئة نوعا ما و بحكم اقتراب الكتلة منا بضل في أمل و بعديها تحسنت التحديثات ليوم ونص و سرعان ما رجعت سيئة هون كان الاجدر انو نستنا ثبات النماذج يومين ثلاث على نمط معين و بعدها ممكن نعطي توقع اولي اللي صبر بكون ما طلع منو توقع خاطئ و اللي ما صبر بتكون لعبت فيه النماذج كمان مرة لكن هون مش مسؤولين عن موقع طقس لهيك عادي تلاقي هيك توقعات علما انو كان في توقعات لبعض الشباب بتحكي انو ما في اشي ثابت ، هااي هي ولو ضللت التوقعات ايجابية لمدة يوم زيادة كان ممكن تسمع اشي من طقس العرب و اذا تراجعت بتكون عالجميع و ياما صارت ...

اقتباس: المشاركة الأصلية كتبت بواسطة محمود الخطيب  الاوروبي المسائي وللا الصبحي؟ مين صبحي ؟؟ خلص هلا بلاقيلها دوبارة

السلام عليكم الكندي المسائي ثابت لنشاط اخر الشهر ومطلع الشهر بمشيئة الله والله اعلم

اقتباس: المشاركة الأصلية كتبت بواسطة شمس الشموسه  السلام عليكم الكندي المسائي ثابت لنشاط اخر الشهر ومطلع الشهر بمشيئة الله والله اعلم راقب تحديثات الكنترول الكندي للفترات المتوسطة والبعيدة ، لأخذ فكرة عامّـة عن المنظومـة تحديثات الكنترول لا تدعم النموذج لتلك الفترة من ناحيّة القوّة

اقتباس: المشاركة الأصلية كتبت بواسطة شمس الشموسه  السلام عليكم الكندي المسائي ثابت لنشاط اخر الشهر ومطلع الشهر بمشيئة الله والله اعلم موقع الاكو وذر يدعم ذلك فهو دقيق نوعا ما .

تحسن قوي من الاوروبي المسائي