مش منطق !!!!!!!

انا في سولافة مش فاهمها لحد الان تذكرتها هذيك اليوم بس بعرفش عاد اذا تغيرت هالسوالف من 5سنين هذا يا سيدي بس تخلص توجيهي على خير شو ما كان المعدل بيجو قرايبك وجيرانك والحصيلة عشرطعشر طقم فناجين قهوة وسطعشر طقم كاسات واربعطعشر علبة حلو ابو 3 ليرات مشكورين على كل حال وممكن احيانا قميص اشتراه واحد من الاقارب لكن ما عجبه والمحل ما قبل يرجعه فحطوه بخلقتك يعني شو دخل التوجيهي بالكاسات مثلا يعني بدل الكاسات اللي تكسرن عروسنا عشان نقرا ولا شو يعني صارت مع حدا منكم ؟؟؟؟ ومرت خمس سنين على قولة هالواحد

هههههههههههه حلوة هاي انا خلصت توجيهي ب1995 و ايامها ما كنت اخذ غير ناشف ولا كاسات , ولا فناجين و لا ما يحزنون money talks

والله يا ريت عالناشف انا هذا اللي بدي اياه اصلا ههههههههه الله لا يخسر حدا

ههههههههههههه والله زمان هاي يا حذيفة بس هسا صار عالناشف مش طقومة كاسات وزبادي وفناجين قهوة

والله متطورة الدنيا لعاد غير انا اللي مضحوك علي هههههههه

أحلى إشي لما يجيبولك بيجاما لطفل عمره 10 سنين أو بيجاما أكبر من حجمك بعشر مرات، على أساس إنهم نسيوا حجمك لإنهم ما شافوك طول فترة التوجيهي

وأخيرا لقيت واحد ماكلها مثلي اللهم لا شماتة هههههههه

أصلاً الهدية بتلف على خمسين بيت قبل ما توصلك و بتتغلف خمسين مرة و كل مرة لما تفتح الهدية بكون عندك بصيص أمل إنه إشي مرتب (على الرغم من إنه شكل العلبة و وزنها يوحي بأنه طقم فناجين) و إذ بك تتفاجىء قبل أن تكمل فتح الهدية بتلك الحقيقة المرة فبتصير تفكر لمين بدك تهديها

والله صادق المشكلة الواحد بتأمل احيانا في عنا خزانة بالدار نصها من هالسوالف كاسات وصحون وهذا اللي وجعوا راسنا فيه بلانيت لكن بالزبط واحيانا حتى بكون واضح انه التغليف مفتوح ومسكر مرة تانية بدكم تعملوا الجريمة كملوها مليح يعني هههههههههه انسى فلذلك انا مع انه تكون عالناشف احسن

عــــالناشف يابا مظحوك عليك يا مسكين