مناقشة الاحوال الجوية حتى 8\3

هل هي قاعده: انه فرصة الثلوج بالاردن افضل من فلسطين لان الرطوبة غالبا اعلى في فلسطين و الثلج لا يحب الرطوبة المرتفعه جدا يعني لو كانت فرصة الثلوج بفلسطين على 1100 متر مثلا تكون فرصة الثلوج بالاردن على ارتفاع اقل في ظل تساوي كافة معطيات الطقس عدا اختلاف طبيعي للرطوبة

اقتباس: المشاركة الأصلية كتبت بواسطة محمدشرف  اتوقع انه بامكاننا تحديد الارتفاعات لتساقط الثلوج غدا مساءا الافضل تحديد ارتفاع تساقط الثلوج قبل يومين من الحالة

صباح الخير للجميع .... اطلعتكم بمشاركة سابقة عن فرصة حقيقية لاندفاع بارد لمناطق البلقان وجنوب شرق أوروبا .. الان فرصة حقيقية للاندفاع في مناطق جنوب شرق المتوسط وبلاد الشام، لكن هذا لا يعني ثباتها، ولا يعني نبلش نحكي بالتفاصيل، لأنه الوضع بتحكم فيه أكثر من عامل، لعل أكثرها قلقاً هو المحور الجنوبي للاندفاع بسبب تحدر خطوط تساوي الضغط فوق منطقة اليونان، اضافة الى انه احنا بشهر 3 حيث التقلبات على الخرائط أكثر ... المهم اللي بدي أركز عليه، انه ما نخوض ابداً بالتفاصيل، الا من قبل المختصين، لأنه من غير المنطق تحكو عن فترة تبعد 5 ايام بتفاصيل دقيقة، خاصة المتعلقة بموضوع الثلج، لأنه الأردن في نهاية طريق المنخفض، ولأنه الثلج بتطلب توافر جميع عناصر الطبقات الجوية في نفس اللحظة حتى يسقط ... في الحقيقة، نصيب المناطق الجنوبية من المملكة (محافظات الطفيلة ومعان والعقبة) شبه معدوم من هذا المنخفض على الاقل حتى يوم الاربعاء والجزء الأول من الخميس، بسبب قلة احتمال تغير اتجاه خطوط تساوي الضغط ومحور المنخفض لهذه الفترة، وبعد ذلك الوضع غير واضح حتى اللحظة ... منطقة محافظة الكرك تقع على الهامش، بحيث ممكن تنشمل وممكن لا .... طبعاً التأثير يوم الاربعاء يزداد بالتقدم شمالاً للعوامل المذكورة سابقاً ... المستفيد الأكبر بهذه اللحظة هو لبنان، حيث سيتعرض لأمطار غزيرة ابتداء من الثلاثاء ان شاء الله، وثلوج قوية على المرتفعات الشاهقة ابتداء من الثلاثاء باذن الله .. تذكروا العبارة التالية دائماً، نحن أي المملكة والى حد ما الضفة الغربية، في نهاية طريق المنخفضات، وأي تغير في العوامل الخاصة بالمنخفض، بنعكس سلباً أو ايجاباً على المملكة بشكل اكير واكثر وضوحاً من باقي المنطقة المجاورة ...

اقتباس: المشاركة الأصلية كتبت بواسطة radwanion  دكتور كمال الله يسعد صباحك اولا نحمد الله على هالتحديثات و انشاله تتحقق و تكون احسن ع ارض الواقع بس استغربت شغلة في تحديثات اليوم هي عدم مراوحة مركز المنخفض لثلاث ايام متتالية من شرق قبرص و بتصور هي وضعية رائعة لنا فاليس هذا غريبا؟؟ و كانو اول مرة بلاحظ هالشي في تحديثات اليوم و مشكور سلفا دكتورنا هاد بيدل والله اعلم على ان الرياح ستكون خفيفة يعني رح اتشوف ثلج قطني وبينزل شوي شوي ان شاء الله

اقتباس: المشاركة الأصلية كتبت بواسطة ناصر حداد  هل هي قاعده: انه فرصة الثلوج بالاردن افضل من فلسطين لان الرطوبة غالبا اعلى في فلسطين و الثلج لا يحب الرطوبة المرتفعه جدا يعني لو كانت فرصة الثلوج بفلسطين على 1100 متر مثلا تكون فرصة الثلوج بالاردن على ارتفاع اقل في ظل تساوي كافة معطيات الطقس عدا اختلاف طبيعي للرطوبة صحيح ... بس الموضوع مش مثل ما انتو فاهمينه، ولا دخل للرطوبة بهذا الموضوع ... في كل بلدان العالم، السلاسل الجبلية الشرقية اي البعيدة (نسبياً) عن البحر، تكون أبرد (نسبياً) من الغربية على نفس الارتفاع، وفرصها بالثلج أكبر، طبعاً في حال وجود الهطول عليها (وهو موجود في حالة المملكة وفلسطين، في معظم المنخفضات الثلجية) ...

اقتباس: المشاركة الأصلية كتبت بواسطة ناصر حداد  هل هي قاعده: انه فرصة الثلوج بالاردن افضل من فلسطين لان الرطوبة غالبا اعلى في فلسطين و الثلج لا يحب الرطوبة المرتفعه جدا يعني لو كانت فرصة الثلوج بفلسطين على 1100 متر مثلا تكون فرصة الثلوج بالاردن على ارتفاع اقل في ظل تساوي كافة معطيات الطقس عدا اختلاف طبيعي للرطوبة انا اول مرة بسمع في هاي لانو فلسطين والاردن على نفس خطوط العرض ومناخهما متقارب جدا عدا ان مناخ الاردن يميل للصحراوي لكن الاردن مرتفعاتها اعلى من الضفة وحسب علمي حينما تتدنى درجة الحرارة في مرتفعات الضفة الى الصفر يكون الهطول الثلجي فيها اكثر من الاردن بسبب قوة الهطول والتي تكون اعلى من الاردن في العادة

اقتباس: المشاركة الأصلية كتبت بواسطة MR-vBulletin  هاد بيدل والله اعلم على ان الرياح ستكون خفيفة يعني رح اتشوف ثلج قطني وبينزل شوي شوي ان شاء الله لا علاقة بمركز المنخفض في منطقة شرق قبرص بسرعة الرياح .. سرعة الرياح تُحدد بمقدار اختلاف قيم الضغط بين المناطق المجاورة ... ويتوقع باذن الله ان تكون نشطة في مختلف مراحل المنخفض .. لكن في مناطق معينة بالمملكة، بتتميز انه لما يبلش الهطول (شو ما كان نوعه) بضعف سرعة الرياح، لكنه عامل محلي ولا يُعمم .. طبعاً الرياح بتكون أقوى قبل وأثناء عبور الجبهة الهوائية الباردة، ويقل بعد ذلك ...

صباح الخير للجميع وين محمود الخطيب

السلام عليكم اسعد الله صباحكم بكل الخير السبت 5/3/2011 الساعة 9 : 30 صباحا اربد الطقس ربيعي دافئ مستقر سبحان الله شو خلص انتهى فصل الشتاء ودخلنا بالصيف ؟ ممكن حدا يفيدني ؟ استغفر الله العظيم اللهم اسقنا الغيث ولا تجعلنا من القانتين اللهم عجل لنا بالغيث يا ارحم الراحمين

يا اخوان شو اخر التحديثات