متابعة المنخفض الجوي المتوقع تأثيرة على بلاد الشام من 26 شباط وحتى 1 اذار 2019

انا مستغرب من وضع بعض الناس في المنتدى ما بدها تسمع الصحيح ابدا وبدها اللي بحلل يخترع عاصفه عشان يرضو ، الإجماع من جميع المحللين انه وضع جبهة الثلوج غير ثابت لانه احد النماذج العملاقه لا تدعم هذه الجبهه، منخفض قوي جدا مطريا بإذن الله

انا مع الاخ قصي الحلايقة صدقا انا من محبي الاوروبي بشكل خاص و بفضله عالنماذج عامة لكن زي ما حكيت الصبح اخفاقاته بقيم الطبقات عن رصد و تجربة لي شخصيا بآخر 4 اعوام كثيرة و بغظ النظر جفس احسن او لا فهالنقطة لازم نخليها ببالنا عموما مش شرط يتفقو النماذج ياما حالات دخلناها و كان الاوروبي و الامريكي تحديدا مش متفقين و الصورة النهائية ما رح تنصف واحد على الثاني او مش بالضرورة لانه بهيك حالات طويلة الواقع ممكن يكون فيه اختلاف و النتيجة ممكن تكون خليط بين توقعات النماذج عموما 90% من المنخفض واضح لنشوف شو بصير بباقي التحديثات او من هون للجمعة..

الله يجيب اللي فيه الخير للبلاد والعباد بغض النظر شو اللي جايينا كلها نماذج عدديه تخطيء والعلم عند الله

#طقس_العرب يتبرأ من التهويل الإعلامي حول المنخفض الجوي المقبل على المملكة غداً اعرف أكثر عن المنخفض الجوي المصنف من الدرجة الرابعة "عالية الفعالية" http://bit.ly/2UbHGF2

سؤال، جفس بارا بشو بعتمد بمخرجاته، لماذا يختلف مع جفس ؟

شباب روقونا منخفض رائع في اليومين القادمين كميات امطار كبيرة ويا سيدي الله يرزق الثلج لكل واحد مشتهيه.. حاب أنوه لشغلة آخر مرة وصل فيها سد الملك طلال لكامل سعته التخزينية في موسم 2003 لنشوف كيف الوضع بكون يوم السبت

متوسط بارا وجفس يعطي الاوروبي سطحياً .. الفكرة انه اذا الاوروبي توقع اشي اقوى !! وقتها ولا حد رح ينام .. خصوصا انه البريطاني في اخر تحديث اله قوي علوياً لو اخذنا المتوسط .. الثلوج ستزور مرتفعات 900 م بشكل اساسي وقت الذروة ان شاء الله تعالى الاوروبي مش مطول عموما وان شاء الله خير تراكمي الهطول من البريطاني - توقعات والله اعلم

اقتباس: المشاركة الأصلية كتبت بواسطة احمد العربيد  بمنخفض 16-1 .. جفس كان الادق .. لكن احنا مش غشيمين عن تياسة جفس .. وهي فعلاً تياسة لانه سواها قبل .. بيكون احسن نموذج وباللحظة الحاسمة بتلاقيه بواد وكل النماذج بواد .. حتى الصيني ما بسويها فينا بالوقت هذا هههه الاوروبي الليلة بيحسم .. ولعله خير والله اعلم السؤال القوي اذا تحسنت ان شاء الله تحديثات جفس وصارت مشابهة للاوروبي مين بكون لحق التاني ؟ فعلا غريب جفس النموذج الوحيد الي كان متفائل وخلانا نتفائل بالفتره الماضيه وحاليا هو الوحيد الي مخوفنا اكيد الامر كله بيد الله تعالى ليس بيد جفس او الاوروبي بس اعطانا هاد العلم عشان نستدل على الجو من خلاله

الحل بسيط خلص اعتبروها ثلجة 1000م مع 200م زايد او 200م ناقص هامش خطأ اعتبروها 1000 بس احتمال تثلج على 800م او احتمال 1200م بسيطة بس 400م فرق مش هالاشي...

بارا