متابعة المنخفض الجوي المتوقع تأثيرة على بلاد الشام من 26 شباط وحتى 1 اذار 2019

عام ٢٠٠٣ اثلجت مرتين الثانية بشهر ٣ اخر شهر ٣ ووقتها اعتقد كانت مفاجاة ولم نتلقى تحذيرا منها واظن حالة عدم استقرار

اقتباس: المشاركة الأصلية كتبت بواسطة zezo1984  هذه اروع ثلجه عشتها كنت ساكن بجبل بني حميده اقصى جنوب غرب مادبا بدأت الثلوج مع ساعات المغرب حتى ساعات ضهر يوم الجمعه كانت السماكات تفوق ال 40 سم وجميع هطول الثلج كان قطني مع البرق والرعد . حتى انه ضربت المنطقه عصر يوم الخميس عاصفه برديه لم اشاهد شبيه لها لغاية الان . اتذكر جيدا عند الظهر ضربت القدس عاصفة بردية عنيفة جدا مخلوطة بالثلوج معظم الثلوج كانت رطبة ولكن مع ساعات المساء بدات الهطولات (ككما هطولات البارحة) ولكن طبعا ثلجبة استمرت لظهر اليوم الثاني وتراكمات كبيرة وصلت ٨٠ سم

اقتباس: المشاركة الأصلية كتبت بواسطة احمد العربيد   والله يا اياد شهيتنا .. لا حول ولا قوة الا بالله اه والله حتى ع مستوى الوقت القريب يعني قبل كم سنة كل فترة وفترة براجع فيديوهات جنى وهدى واليكسا وثلوج 2012 و 2013 ومتعجب كيف كنا نشوف ثلوج زي هيك وتراكمات حقيقية لدرجة ثلوج 16/1/2019 السريعة هي الافضل منذ موسم 2014/2015 بالنسبة لمنطقتي !!

المنخفضات القطبية أيام زمان كانت تأتي رباح قوية جافة باردة جداًً لمدة ليست بالقصيرة بعدها يبدأ الثلج بالتساقط ايّام جميلة بالفعل

اعتونا لايام الزمن الجميل ... اجمل ثلجة عايشتها كانت في 28/1/2000 واجمل ما فيها البرودة الكثيفة وكبر حبات الثلج والبروق الروعود المتواصلة كما ان الثلوج وصلت حتى ارتفاع 400م .... على الهامش الان امطار متوسطة تتساقط في قريتي مع ضباب كثيف

ااااخخخ ثلجة ال2000ما بنساها ولا ينسا مخابطة الاباجورات الحديد البرانيات من الهوا وللا الرعود وكيف الدنيا تقاب نهار كانت ولا وجع ايدينا من البرد ولا ريحة خبز الطابون المحروق عالصوبا....مع اني كنت كثييير صغير 7 سنين يمكن عمري، الجبهة الثانية كانت بالليل و كان هطول كثيف و تراكم سرييع جدا و مباشر للثلج بتلف وجهك عن منطقة بترد بتتطلع عليها بتلاقيها بيضا بتذكر طلعت ببدايتها و ببداية التراكم تمشيت حول البيت و كان معي شمسية فخلال مجرد 5 دقائق الشمسية ثقلت علي و اطريت اني اكتها و تفاجئت بكمية الثلوج اللي نزلت منها، ليلتها طبعا و كعادتي بكل ثلجة لازم اتكرفت و اعلم جسمي ( ترا انا وقت الثلج بصير زي الغزال اللي مولود جديد بصير اخمس بمحللي و بتعرقل بحالي و لازم ضروري اتكرفت ) كانو دار خالي عنا و عللقو عنا وما قدرو يروحو، بس ثاني يوم لما صحيت...صحيت عمنظر خيالي بياض بعمي الثلج طراشة بكل محل و ولا بنسى صوت خالي وهو بقيس بالثلج و بحكي نص متر نص متر... وللا ثلجة ال2003 نوستالجيا مش طبيعية... الله يرزقنا زيهن بالمستقبل..

ابو العربيد بدي اسالك المنخفض اللي اثر علينا اتجه للشرق او الشمال الشرقي هل فقد خصائصه ام يؤثر بنفس القوة على ايران ام يزداد قوة ؟

بالنسبة لمنطقتنا أقصى الشمال ام قيس ارتفاع ٣٧٠ متر تقريبا آخر ثلجة رمضان كانت ١٩٩٨ وقبلها ثلجة ١٩٩٢. بعد ١٩٩٨ لم يتراكم الثلج في أي منخفض قطبي. ثلجة ٩٨ كانت مفاجئة لعدم توقعها ولاخذ العلم كان الهطول متقطع من ساعات المغرب حتى ساعات الفجر انتظم بقوة. وإذا أردتم أن تعرفوا أكبر حجم لحبة ثلج فهو في المنخفضة.

اقتباس: المشاركة الأصلية كتبت بواسطة ياسر الجبو  ابو العربيد بدي اسالك المنخفض اللي اثر علينا اتجه للشرق او الشمال الشرقي هل فقد خصائصه ام يؤثر بنفس القوة على ايران ام يزداد قوة ؟ يبدو انه لسا محافظ على قوته علوياً وويتوقع ان تقل قوته خلال ا ل 24 ساعة والله اعلم

اجواء باردة اليلة وعودة للامطار المتوسطة الان الحمد لله تعالى