متابعة المنخفض الجوي المتوقع تأثيرة على بلاد الشام من 26 شباط وحتى 1 اذار 2019

على فكرة آذار بحقق 18% من المعدل السنوي ولكن في السنوات الاخيرة تغير الوضع بس كمان اكيد سبع ثلجات كبار مبالغة

امطار متوسطه مستمره مع ضباب خفيف ولله الحمد

ضباب كثيف جداً في شارع المطار و مدى الرؤية معدومة تماماً

اقتباس: المشاركة الأصلية كتبت بواسطة see.lion  الكلام الي انا كتبته .. واثق منه مش مستني من حضرتك تكذبني او تصدقني انا اجدادي واثق فيهم وفي كلامهم ما الي دخل بعدم ثقتك بكلام اجدادك ارجوا ان يكون الرد أفضل .. او تجاهل الكلام الي ما يعجبك الشغله الثانيه والأهم انه اذا اثلجت بالجنوب وبعمان ما اثلجت. ف مستحيل تلاقي شي يثبت انه اثلجت بالجنوب.. لأنه اهم شي عمان وضواحيها .. وهذا الحكي موجود حاليا للأسف ف كيف زمان.... اذكر ثلجة 92 جيدا .. وبذلك الوقت يا دووب كانت واصله الكهرباء النا.. ويا دوب بنعرف عمان... اخوي اجدادنا ما بكذبوا.. ولكن الاردن هي فقط عمان.. وهي الي كذبت عليك وعلينا .. وحكت انه الجنوب ما عمره اجاها ثلج باذار طول بالك يا أخي ليش أخذت الأمور بجدية زيادة عن اللزوم عشان مثل متداول من سنين طويلة من أجدادنا كلنا وتكذيب وتصديق الأمور مش مستاهلة شغلات كثير كانوا يحكوها زمان مش شرط انها تعكس الواقع لكن يتم تضخيمها مع تناقلها من جيل إلى جيل يعني ممكن كانوا يقصدوا في آذار أبو سبع ثلجات كبار كناية عن برودة مش شرط ثلوج بمعنى الكلمة. يعني لو حكوا شباط ابو سبع ثلجات كبار القافيه ما بتزبط بعدين ايش دخلك انتا أخي حتى أكذبك هاظ المثل موجود عند كل الناس الله يرحمها جدتي كانت اتظلها تحكي ودايما احكيلها نفسي اشوف ثلجة زغيرة في آذار يعني أنا مش بكذبها بس هو مثل تناقلته الأجيال ودرج على اللسان بعدين يا أخي سجل وارشيف الثلوج موجود من مئة سنة ما في هالثلوج المميزة في آذار وحتى موسم ٩١/٩٢ التاريخي اللي أجا فيه سبع ثلجات وعاصرتهم وأذكرهم جيدا آخر ثلجة كانت في شباط بعدين اكم مرة بدها تصدف يكون في آذار ثلوج في الجنوب وما يكون في عمان؟؟

أمطار متوسطه لغاية الان تصبحون على خير

اقتباس: المشاركة الأصلية كتبت بواسطة تيسير محمد  اجدادنا تيجان فوق روسنا وكلامهم صحيح لكن... قد تنطبق امثالهم في مناطق معينة ومناطق اخرى لا تنطبق مثلا آذار ابو سبع ثلجات كبار ممكن يزبط في الخليل والكرك والطفيلة والمناطق العالية ومستحيل يزبط في أريحا او الغور ========== المطر يتساقط من عدة ساعات في الخليل بوتيرة متوسطة في الغالب حتى في المناطق التي ذكرتها لا ينطبق المثل نهائيا لو بنا نوخذ معناه بشكل حرفي إذا آذار أبو سبع ثلجات كبار معناه ايش شباط وكوانين معناه هاي المناطق في جبال الألب.

اقتباس: المشاركة الأصلية كتبت بواسطة see.lion  الكلام الي انا كتبته .. واثق منه مش مستني من حضرتك تكذبني او تصدقني انا اجدادي واثق فيهم وفي كلامهم ما الي دخل بعدم ثقتك بكلام اجدادك ارجوا ان يكون الرد أفضل .. او تجاهل الكلام الي ما يعجبك الشغله الثانيه والأهم انه اذا اثلجت بالجنوب وبعمان ما اثلجت. ف مستحيل تلاقي شي يثبت انه اثلجت بالجنوب.. لأنه اهم شي عمان وضواحيها .. وهذا الحكي موجود حاليا للأسف ف كيف زمان.... اذكر ثلجة 92 جيدا .. وبذلك الوقت يا دووب كانت واصله الكهرباء النا.. ويا دوب بنعرف عمان... اخوي اجدادنا ما بكذبوا.. ولكن الاردن هي فقط عمان.. وهي الي كذبت عليك وعلينا .. وحكت انه الجنوب ما عمره اجاها ثلج باذار شو دخل جدودك صديقي همو جدودك اللي طلعو بهالامثال يعني، جدي و جدتي و كل هالناس بتحكي هالامثال هذا لا يعني انها صح و الكل بتداولها و عارف معناها العام وهي دلالة عالبرد... يا رجل اذا التاريخ مش دقيق، الحقائق العلمية تهدم و تغير، الفرضيات الفيزيائية اللي ماشي عليها الكون محل شك شوية امثال مفيش عليها دليل بدها تكون اكيد صح يعني! عادي صديقي الموضوع يحتمل النقد و التشكيك ليش لا! ايلول ذيلع مبلول شباط ما عليه رباط آذار ابو 7 ثلجات كبار واضح من خلال هالامثال انهم بس بنسقو الامثال عالقافية و بطلقوها

امطار خفيفه بالطريق من الجبيهه لمستشفى الملكه علياء

زخات امطار متفرقة في الرمثا ولله الحمد ..... انتوا دقرتوا على مثل شعبي يمكن عمره اكثر من 300 سنه ويكون سنتها اجاهم 7 ثلجات كبار .... خذوا الامثال عن اذار من ويكيبيديا ... آذار أبو الزلازل والأمطار إذا إجت (كان المحصول غزيراً) وراها آذار، وإذا أمحلت وراها آذار خبي حطباتك الكبار لعمك آذار خبي فحماتك الكبار لعمك آذار خبو الفحمات الكبار لهدرة من هدرات آذار في آذار بيتساوى الليل والنهار في آذار العجوز ما بتفارق النار آذار شمس وأمطار وينشف الراعي بلا نار آذار فيه سبع ثلجات كبار غير الزغار آذار أبو الزلازل والأمطار، بتفتح العنقة وبدحي الشنار، وينْـبَـلّ الراعي ويدفا بلا نار، وينادي يا معلمتي كبري الرغفان، قصر الليل وطول النهار آذار أبو الزلازل والأمطار، بحمض اللبن وببرطع الجمل، وتفتح العنقة والنبقة، ويبيض الشنار، والعجوزة بترمي الشقفة على باب الدار، وأوله سقعة وآخره نار في آذار بتبيض العنقة والنبقة وأصغر الأطيار في آذار بعشش الدوري وتورق الأشجار في آذار بتحيا الأشجار في آذار طلع بقراتك من الدار الربيع يعدل عوج العراقيب اطعم الربيع وبيت في السقيع إن هل آذار كتف وارمي الزغار في آذار افطم ابنك ولو انه قد الشنار العنب في آذار قد دينين النار آذار أبو الزلازل والأمطار وسبع ثلجات كبار

اشتداد في تساقط الامطار ... فوق المتوسطة .... الرمثا